Scharmbeekstotel
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Hööchd: | 30 m över NN | |
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 12′ N, 8° 45′ O53° 12′ N, 8° 45′ O | |
|
| ||
Scharmbeekstotel (hoochdüütsch Scharmbeckstotel) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen.
Blangen dat Dörp Scharmbeekstotel sülvs höört dor von öllers ok de Oortsdelen Vörscharmbeekstotel, Ruschkamp un Settenbeek mit to.
Geografie
[ännern | Bornkood ännern]Scharmbeekstotel liggt op’n Rand von de Geest (Oosterholter Geest) hen na de Masch von de Hamm. Disse Stroom flütt so bi twee Kilometer wied weg in’n Süüdoosten von dat Dörp langs. An’n Noordrand von’n Oort flütt de Wienbeek. In’n Westen ligt dat Nturschuulrebeed Bornrebeed von de Hu’er Beek un in’n Noorden de Borndaals von de Wienbeek. Dat Stoteler Holt liggt in’n Noordwesten.
De Naveröörd sünd Buschhusen in’n Noorden, Lintel un Scharmbeek in’n Noordoosten, Viehland, Moorhusen un Nedderenn in’n Süüdoosten, Hu’e in’n Süden, Werschenreeg, Lesumstotel un Övelgünn in’n Westen un Heilshorn in’n Noordwesten. Mit Övelgünn is Scharmbeekstotel tohoopwussen, de Oort höört aver al to de Gemeen Hu’e.
Historie
[ännern | Bornkood ännern]Scharmbeekstotel kummt 1218 toeerst in en Oorkunn vör, in de de Bremer Arzbischop Gerhard Land in’n Oort an dat Klooster Oosterholt överdriggt.
In’n Eersten Weltkrieg sünd 35 Soldaten ut Scharmbeekstotel fullen oder vermisst[1].
Bi dat Unweder in Noorddüütschland an’n 11. Juli 1951 sünd in Scharmbeekstotel dör en Tornado en ganzen Barg Bööm utreten worrn un dat hett veel annere Schadens geven.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hu’e in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.
De Oort is an’n 1. März 1974 Deel von de Gemeen Oosterholt-Scharmbeek worrn un billt sietdem en Oortschop mit egen Oortsvörsteiher binnen de Gemeen.[2]
Inwahnertall
[ännern | Bornkood ännern]| Johr | Inwahners |
|---|---|
| 1812[3] | 338 |
| 1824[4] | 57 Füürsteden |
| 1848[5] | 272 Lüüd, 44 Hüüs |
| 1. Dezember 1910[6] | 742 |
| 1925[7] | 701 |
| 1933[7] | 691 |
| 1939[7] | 709 |
Religion
[ännern | Bornkood ännern]Scharmbeekstotel is evangeelsch-luthersch präägt un billt siet 1994 mit de Fredenskark en egen Kaspel. Vörher hett dat to dat Kaspel von de Willehadi-Kark in Scharmbeek höört.
För de Kathoolschen is de Hillige-Familie-Kark in Oosterholt-Scharmbeek tostännig.
Wapen
[ännern | Bornkood ännern]Dat Wapen von Scharmbeekstotel wiest baven op grönen Grund en gollen Hifthorn un ünnen op gollen Grund en swart Watermöhlenrad.
Dat Horn steiht för den olen Bruuk in Scharmbeekstotel, dat den Börgermeester en Horn övergeven warrt, in dat de Naams von siene Vörgängers ingraveert sünd. Dat Möhlenrad steiht för de Watermöhl von Scharmbeekstotel.
Oortsvörsteihers
[ännern | Bornkood ännern]- Brigitte Escherhausen
- opstunns: Peter Schnaars
Kultur
[ännern | Bornkood ännern]In Scharmbeekstotel steiht en Denkmaal för de Fullenen ut den Eersten Weltkrieg.
Verenen
[ännern | Bornkood ännern]Scharmbeekstotel hett en Schüttenvereen, de 1986 grünnt worrn is. De Sportvereen ATSV Scharmbeekstotel is 1902 grünnt worrn.
Brüük
[ännern | Bornkood ännern]Elk Johr in’n Harvst warrt dat Erntefest fiert.
Weertschop un Infrastruktur
[ännern | Bornkood ännern]Scharmbeekstotel hett en egene freewillige Füürwehr, de 1924 grünnt worrn is
Verkehr
[ännern | Bornkood ännern]Dör Scharmbeekstotel löppt de Bundsstraat 74, de in’n Süüdwesten över Hu’e na Bremen-Noord geiht un dor mit de Autobahn 27 verbunnen is un in de A 270 övergeiht. In’n Noordoosten geiht de B 74 över Oosterholt-Scharmbeek na Bremervöör. In’n Westen geiht de Kreisstraat 3 na Lesumstotel, Werschenreeg un Stendörp un in’n Noordwesten de K 17 na Heilshorn to. En lüttjere Straat gifft dat ans noch na Buschhusen.
De Opfohrt 16 Bremen-Noord op de Autobahn 27/270 liggt so fiev Kilometer in’n Süüdwesten von Scharmbeekstotel.
De nächsten Bahnhööv sünd so bi dree Kilometer wied weg in’n Noordoosten de Bahnhoff Oosterholt-Scharmbeek un in’n Süden de Bahnhoff Hu’e an de Bahnlien Bremen–Bremerhoben.
Scholen
[ännern | Bornkood ännern]De Oort hett mit de Grundschool Scharmbeekstotel en egen Grundschool. Tosätzlich gifft dat en Kinnergoorn.
Footnoten
[ännern | Bornkood ännern]- ↑ http://www.denkmalprojekt.org/2015/scharmbeckstotel_stadt-osterholz_wk1_ns.htm
- ↑ Hauptsatzung von de Stadt Oosterholt-Scharmbeek, § 8
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 534: http://books.google.de/books?id=tG0AAAAAcAAJ&pg=PA534
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Weblenken
[ännern | Bornkood ännern]
Düvelsmoor | Freißenbüttel | Garlst | Heilshorn | Hülsbarg | Ohlenst | Oosterholt-Scharmbeek | Pennigbüttel | Sandhusen | Scharmbeekstotel