Pietsch
Dit Woort hett noch annere Bedüden: kiek dorför ünner Pietsch (Mehrdüdig Begreep).
Een Pietsch (f. pl. Pietschen) oder ok Swööp oder Sweep is een Reedschop to’n Schlaan, Strafen oder sik bemarkbor maken. De Pietsch bestaht ut’n ünnerscheidlik langen Pietschensteel ut ünnerscheidlik Holt un ene ünnerscheidlik lange Snoor. Wöör de Snoor blots ut een, oder sogor mehr, Ledderremen, denn nööm’n eer in de Hauptsook to’n Strafen her. Dormit wöörn alle Oorten Deirt straaft, aber ok ünnergebene Minschen, Slawen, Minschen in’n Knast oder Kinner, wenn see nich pareren wullen. Wenn’n de Pietsch to’n Signaal gäben bruken dää, to’n Bispeel bi’n Peerfuhrwark, denn wöör dor een besünners langen Ledderremen mit an’e Spitz een kott Stück Snoor, de denn den nödigen Knall gäben dää.
