Peter Sunde
Peter Sunde Kolmisoppi (alias brokep; * 13. September 1978 in Uddevalla, Sweden) is en IT-Expert ut Sweden mit noorweegsche un finnsche Staatsbörgerschop. He is vör allen bekennt as Mitgrünner von Pirate Bay un Flattr.
Sunde is 1978 as Söhn von en finnschen Vader un en norweegsche Moder boren. He hett later in’t IT-Afdeel von de Stadt Lidköping un bi Siemens arbeidt. He hett denn anfungen, bi Pirate Bay mittomaken, wat en Torrenttracker is, de helpt, de Lüüd tohooptobringen, de Datein to’n Uttuuschen över’t Internett anbeedt un de, de jem söcht.
An’n 31. Januar 2008 sünd de Bedrievers von Pirate Bay, Sunde, Fredrik Neij, Gottfrid Svartholm un Carl Lundström anklaagt worrn, dat se annere hulpen harrn, dat Oorheverrecht to breken. Disse Pirate-Bay-Prozess güng an’n 16. Februar 2009 loos. An’n 17. April 2009 hett dat Gericht in Stockholm de Anklaagten för schüllig befunnen. De Anklaagten schullen een Johr in’t Fängnis un tohoop 30 Millionen Sweedsche Kronen (üm un bi 2.740.900 Euro) betahlen. De Anklaagten sünd in Beroop gahn un an’n 26. November 2010 hett dat Gericht de Fängnisstraaf op acht Maand dalsett, de Geldstraaf aver op 46 Millionen Kronen hoochsett.
Flattr is en Systeem för Mikropayment, dat Sunde tohoop mit Linus Olsson op de Been stellt hett. Dat Systeem verlöövt de Brukers op Websteden, de jem gefallt un de en Flattr-Button hebbt, op dissen Button roptoklicken un de Makers von de Websteed so Geld totostüren.
Weblenken
[ännern | Bornkood ännern]
- Sunde sien Blog (sweedsch)
- Peter Sunde op Twitter (sweedsch)
- De Geschicht von Pirate Bay (sweedsch)