Neutrophilie
As Neutrophilie warrt dat Anstiegen vun de Tall vun de neutrophilen Granulozyten in’t Blood betekent. De Neutrophilie is de Form vun de Leukozytoos, d. h. vun de anstegen Tallen vun witte Bloodkörpers, de an’n fakensten vörkummt.
Möögliche Oorsaken
[ännern | Bornkood ännern]Physioloogsche Neutrophilie
[ännern | Bornkood ännern]De physioloogsche Neutrophilie kummt vun’t Utschütten vun’t Hormon Adrenalin, to’n BIspeel bi Bang, Freid oder bi sture Arbeit mit’n Lief. Dör dat Adrenalin stiggt de Tall vun riepe Neutrophilen dör Freesetten ut dat Spiekergeweev in’t Blood. Disse Anstieg duert ruchweg een Stünn un geiht denn wedder weg.
Glukokortikoidinduzeerte Neutrophilie
[ännern | Bornkood ännern]To’n Anstiegen vun’n Glukokortikoid-Spegel kann dat kamen, wenn dat as Heelmiddel innahmen warrt (Exogen) oder ok endogen dör en vermehrte Billn in de Nevenneer as bi Stress, Wehdaag, Traumas oder bi’t Morbus Cushing. Glukokortikoiden sett ok mehr riepe Neutrophilen ut de Spiekergeweven in’t Blood free un minnert butendem dat Torüchwannern vun de Neutrophbilen ut dat Blood in’t Geweev.
Warrt Glukokortikoiden exogen toföhrt, stiggt de Tall vun de Neutrophilen binnen veer bit acht Stünnen an un geiht na een bit dree Dagg wedder op’n normalen Weert torüch.
Akut Sweer
[ännern | Bornkood ännern]Akute Sweren, Sepsis, Nekrosen oder immunvermiddelte Krankheiten föhrt dorto, dat mehr Neutrophilen an de bedrpaen Steden in’n Lief bruukt warrt. Dorüm warrt ok mehr Neutrophilen ut dat Knakenmark freesett. Is de Sweer wat duller, warrt dorbi ok mehr Neutrophilen freesett, de noch nich utriept sünd. Dat föhrt to en Linksschuven.
Ok wenn de Heerd vun’t Sweren chirurgsch wegmaakt oder en Wunddränaasch leegt warrt stiggt de Tall vun de Neutrophilen för en Tiet lang an.
Chroonsch Sweer
[ännern | Bornkood ännern]Enige chroonsch-mateerige Sweren (to’n Bispeel Pyometra, Abszessen, Pyothorax, Pyodermie) un enige Neoplasien künnt en vermehrte Billn vun Neutrophilen in’t Knakenmark un so ok en starke Neutrophilie utlösen. Ok in disse Fall sünd en Linksschuven un en Monzytoos, as faken ok en Hyperglobulinämie begäng.
Bi chroonsche Sweren gifft dat en tweete Form vun Neutrophilie, wenn sik en Gliekgewicht instellt ut Knakenmarksprodukschoon, Freesetten un wat in’t Geweev bruukt warrt. Dorbi liggt de Samttall vun de Leukozyten as ok de Tall vun de Neutrophilen tomeist in’t bövere normale Rebeet oder is blots licht anstegen. De opfalligste Ännern in’t witte Bloodbild is en Monozytoos.
Anämie
[ännern | Bornkood ännern]Bi en Anämie as Naklapp vun en Blöden oder dör immunvermidelte Krankheiten mit en Hämolyys stiggt de Leukozytentall ok an. Na en akuten Bloodverlust warrt de riepen Neutrophilen ruchweg dree Stünnen later in gröttere Taal freesett.
Chroonsch graanulozytäre Leukämie
[ännern | Bornkood ännern]De chroonsche granulozytäre Leukämie wiest tomeist en düütliche Neutrophilie mit Linksschuven op. Dorbi sünd gröttere Tallen vun Vörlöperzellen fasttostellen as Promyelozyten un Myeloblasten, de noch nich riep sünd.
Anborene Neutrophilie
[ännern | Bornkood ännern]En anboren B2-Integrin-Mangel kann bi eenige Hunnenraßen (sünners bi’n Irish Setter) vörkamen un en minnere Adhäsion vun de Neutrophilen an dat Endothel utlösen. Dat föhrt to en minnerte Chemotaxis un en minnerte Afwehrkraft gegen Bakterien. Dorbi kummt dat ok to en Neutrophilie un Infekschonen, de faken wedderkamt.
De zyklische Hämatopoiees (grey colic syndrome) is dör zyklische Ännern vun de Leukozytentall in Tietrüüm vun teihn bit twölf Daag kenntekent. Dorbi kummt at to’n Wessel vun Neutrophilie un Neutropenie.