Lew Stepanowitsch Djomin
Lew Stepanowitsch Djomin (russisch: Лев Степанович Дёмин}}; * 11. Januar 1926 in Moskau, Russische SFSR; † 18. Dezember 1998 in dat „Sternenstädtchen“ bi Moskau) weer en sowjeetsch Kosmonaut.
Leven
[ännern | Bornkood ännern]Djomin is in' Juli 1947 in de Luftstrietkraften intreden. Van 1951 bit 1956 studeer he an de Militärakademie vun de Luftstrietkraften in Monino un weer ansluutend Aspirant an disse Akademie.
Kosmonautentätigkeit
[ännern | Bornkood ännern]1962 hett Djomin dat Utwahlverfohren för Kosmonauten dörloopen un wurr in' Januar 1963 in de tweet militärisch Kosmonautengrupp upnommen. Sien Grundutbillen weer an' 21. Januar 1965 mit de Afslussprüfung to Enn'. Djomin hörr to de veer best vun de 15 Afsolventen.
1964 wurr Djomin för en Langtietfloog mit en Woschod-Ruumschipp utbildt, de vörsehn Flüüg wurrn aber nie nich dörführt. Dornah weer Djomin as Bordingenieur för dat Sojus-Ruumschipp in't Gespräch. Af September 1966 traineer he för de plaant Ruumstatschoon Almaz. Dör den Afstört vun Sojus 1 un da Unglück vun Sojus 11 hemm sück aber all bemannt Projekte in die Tiet nah achtern schaven.
Buterdem wurrn eenige Ingenieure, de ut dat Zentrale Konstruktschoonsbüro för Experimentalen Maschinenbau keemen, vör Djomin to Ruumflüüg indeelt. Jelissejew, Kubassow un Wolkow weern för de eerst dree Besatten vun Saljut 1 vörsehn.
Van November 1971 bit April 1972 traineer Djomin tosommen mit sien Kommandant Pawel Popowitsch, af September 1972 wurr he Kommandant Gennadi Sarafanow todeelt. Se weern de Ersatzmannschap för de eerst plaant Mission to de Ruumstatschoon Almaz.
De eerste Almaz-Statschoon wurr in' April 1973 ünner de Beteken Saljut 2 start. Wegen technisch Probleme kunn se aber nich bemannt wurrn un is all nah twee Maand afstört.
De nächste Almaz-Statschoon wurr in' Juni 1974 ünner de Beteken Saljut 3 start. Sarafanow un Djomin weer de Ersatzmannschap för de eerste Besatten mit Sojus 14 un Hööftmannschap för de tweet Besatten mit Sojus 15.
Djomin un Sarafanow sünd an' 26. August 1974 (nah Oortstiet all 27. August) mit Sojus 15 losflagen. Se hemm en Rendezvous mit Saljut 3 dörführt, aber dat automatische Annäherungs- un Kupplungssystem Igla versegg, un so kunnen se nich ankuppeln. Se sülvst harrn ok kien Mögelkeit per Handstüern antokuppeln un so mussen se vör de Tiet nah de Eer torüchkehren. Se sünd 48 Stünn nah den Start an' 28. August (nah Oortstiet all an' 29. August) seker land. Dat weer de eerste Nachtlandung in de Historie vun de bemannt Ruumfohrt.
Mit 48 Jahren weer Djomin de bit dorhen öldste Minsch in't All. He hett dormit Georgi Beregowoi af, de bi sien Floog 47 Jahre olt ween weer. De Rekord vun Djomin wurr 1975 vun den dormals 51-johrigen Deke Slayton braken.
Nah de Kosmonautentiet
[ännern | Bornkood ännern]Djomin is in' Januar 1982 ut dat Kosmonautenkorps utscheeden, un in' August 1983 ut de Armee. He weer vörövergahnd stellvertreden Direkter vun dat „Sternenstädtchen“ un hett denn in dat sowjeetsch Geologieministerium in Moskau arbeit. 1989 gung he in den Ruhestand. Lew Djomin is an de Folgen vun en Krebserkrankung storven. He hett sien Fru un twee Kinner achterlaaten.
Ehrungen
[ännern | Bornkood ännern]Djomin kreeg ünner annern folgen Utteknungen:
- Held der Sowjetunion (2. September 1974)
- Leninorden
- Fliegerkosmonaut der UdSSR (2. September 1974)
Weblenken
[ännern | Bornkood ännern]
- spacefacts.de: Körtbiografie
- Encyclopedia Astronautica: Biografie (engelsch)
- astronaut.ru: Biografie (russisch)