Hoop (Landkreis Cuxhoben)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04795 | |
| Geograafsche Laag: | Koordinaten:53° 18′ N, 8° 42′ O53° 18′ N, 8° 42′ O | |
 | ||
|
| ||
Hoop (hoochdüütsch Hoope) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.
Bi Hoop höört ok de lüttje Oort Seelhorn mit bi.
Geografie
[ännern | Bornkood ännern]De Oort liggt op de Oosterholter Geest. Twee Kilometer in’n Westen von Hoop löppt de Drept langs. Dat Water ut dat Rebeed flütt över den Hooper Dörpgraven na de Drept hen af. In’n Oosten liggt dat Naturschuulrebeed Heid un Moor bi Haslah.
De Naveröörd sünd Büggeln un Albst in’n Noordoosten, Ohlenst in’n Oosten, Büttel in’n Süüdoosten, Garlst in’n Süden (de letzten dree in’n Landkreis Oosterholt), Hein in’n Westen un Wolsbuddel un Woldar in’n Noordwesten.
Historie
[ännern | Bornkood ännern]In’n Eersten Weltkrieg sünd fiev Soldaten ut Hoop fullen oder vermisst un in’n Tweten teihn.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Vör 1885 weer Hoop in de Böörd Braamst von dat Amt Hagen un na 1885 in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. März 1974 is de ole Gemeen Hoop mit de Gemeenreform in Neddersassen Deel von de Gemeen Wolsbuddel worrn. An’n 1. Januar 2014 sünd Hoop un Wolsbuddel denn tohoop Deel von de ne’e Gemeen Hagen worrn. Sietdem billt Hoop en polietsche Oortschop mit egen Oortsvörsteiher binnen de Gemeen Hagen.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 9 Füürsteden |
| 1812[3] | 55 |
| 1824[4] | 9 Füürsteden |
| 1848[5] | 58 Lüüd, 10 Hüüs |
| 1. Dezember 1871[6] | 60 Lüüd, 13 Hüüs |
| 1. Dezember 1885[7] | 60 Lüüd, 12 Hüüs |
| 1. Dezember 1905[8] | 57 Lüüd, 12 Hüüs |
| 1. Dezember 1910[9] | 64* |
| 1925[10] | 107* |
| 1933[10] | 123* |
| 1939[10] | 120* |
- * tohoop mit Seelhorn
Religion
[ännern | Bornkood ännern]Hoop is evangeelsch-luthersch präägt un höört bi dat Kaspel von de Lucia-Kark in Wolsbuddel.
För de Kathoolschen is de Hillig-Hart-Jesu-Kark in Geestmünn tostännig.
Wapen
[ännern | Bornkood ännern]Dat Wapen von Hoop wiest op blauen Grund en sülvern Peerkopp un dor ünner dree inenanner keedt Ringen.
Oortsvörsteihers
[ännern | Bornkood ännern]Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Hoop op’n Karkhoff.
Weertschop un Infrastruktur
[ännern | Bornkood ännern]Hoop hett en egen Freewillige Füürwehr.
Verkehr
[ännern | Bornkood ännern]Hoop liggt an de Landsstraat 135, de in’n Noordwesten an Hagen un Stotel vörbi na Bremerhoben to löppt un in’n Süüdoosten över Garlst na Ihlpohl un Bremen-Noord hen. Stück noorden von Hoop geiht von de L 135 de Kreisstraat 48 af, de in’n Noordoosten na Büggeln, Albst un Wohlthöben löppt un in’n Westen na Wolsbuddel, Leernst un denn en Opfohrt op de Autobahn 27 hett (Opfohrt 13 Uthleer), de so bi veer Kilometer von Hoop weg is.
De nächste Bahnhoff is so bi acht Kilometer wied weg in’n Noordoosten de Bahnhoff Lübbs in Wohlthöben an de Bahnlien Bremen–Bremerhoben.
Scholen
[ännern | Bornkood ännern]Na School gaht de Kinner op de Grundschool Uthleer un na Hagen för de annern Schoolformen.
Footnoten
[ännern | Bornkood ännern]- ↑ http://www.denkmalprojekt.org/2008/wulsbuettel-hoope_wk1u2_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 114
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 298
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Hoop (Landkreis Cuxhoben). Mehr Biller, Videos oder Audiodateien to’t Thema gifft dat bi Wikimedia Commons.
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)