Herbert Schui

Herbert Karl Schui (* 13. März 1940 in Köln; † 14. August 2016 in Pomy, Département Aude) weer en düütschen Politiker von De Linke. He weer ok Perfesser för Volksweertschopslehr.

Schui is 1940 in Köln boren. Na dat Abitur 1961 an dat St. Matthias-Gymnasium in Gerolstein hett Schui toeerst den Wehrdeenst maakt un hett 1962 en Studium von de Volksweertschopslehr an de Universität Köln anfungen, dat he 1968 as Diplom-Volksweert toenn bröcht hett. He weer denn Forschungsassistent an de Universität Konstanz un weer 1970 för Studien in Clermont-Ferrand un Paris un 1971/1972 in Rochester. 1972 hett he sien Dokter an de Universität Konstanz maakt över dat Thema Geld- und Kreditpolitik in einer planifizierten Wirtschaft – das französische Beispiel.

1974 is Schui Assistenzperfesser an de Universität Bremen worrn. 1980 güng he as Perfesser för Volksweertschopslehr an de Hoogschool för Weertschop un Politik in Hamborg. He weer 1975 Mitgrünner von de Arbeidsgrupp Alternative Weertschopspolitik. 2005 is he as Hoogschoollehrer in Rohstand gahn. Schui is Maat in’n Wetenschoplichen Biraad von Attac.

Schui is verheiraadt un hett een Kind.

Schui weer lange Johren Liddmaat von de SPD. 2004 weer he een von de Mitgrünners von de ASG, ut de later de WASG worrn is. 2007 is he Maat von de Partei De Linke worrn.

Von 2005 af an weer Schui Liddmaat von’n Düütschen Bundsdag. 2005 keem he dor över de apene Landslist von de Linkspartei.PDS rin, 2009 över de Landslist von De Linke in Neddersassen. He is ok Kannedaat för De Linke in’n Wahlkreis Horborg ween, hett dor aver man blots 6,5 % von de Eerststimmen kregen.

An’n 1. November 2010 is he ut’n Bundsdag rut. För em keem denn Johanna Voß rin.

Warken

• Wirtschaftspolitik in der Krise: Ursachen der Stagnation, Unternehmerstrategien, Alternativen. Distel-Verlag, Heilbronn 1983.
• Die Schuldenfalle: Schuldenkrise und Dritte-Welt-Politik der USA. Pahl-Rugenstein, Köln 1988.
• Ökonomische Grundprobleme des entwickelten Kapitalismus. Distel-Verlag, Heilbronn 1991.
• Die ökonomische Vereinigung Deutschlands: Bilanz und Perspektiven. Distel-Verlag, Heilbronn 1991.
• Wollt ihr den totalen Markt? Der Neoliberalismus und die extreme Rechte. Knaur, München 1997.
• Mit Eckart Spoo (Hrsg.): Geld ist genug da: Reichtum in Deutschland. Distel-Verlag, Heilbronn 2000.
• Mit Werner Goldschmidt (Hrsg.): Neoliberalismus – Hegemonie ohne Perspektive: Beiträge zum sechzigsten Geburtstag von Herbert Schui. Distel-Verlag, Heilbronn 2000.
• Mit Stephanie Blankenburg: Neoliberalismus: Theorie, Gegner, Praxis. VSA-Verlag, Hamborg 2002.
• Keynes heute: Festschrift für Harald Mattfeldt zum 60. Geburtstag. VSA-Verlag, Hamborg 2003.
• Gerechtere Verteilung wagen! Mit Demokratie gegen Wirtschaftsliberalismus. VSA-Verlag, Hamborg 2009.
• Politische Mythen & elitäre Menschenfeindlichkeit. Halten Ruhe und Ordnung die Gesellschaft zusammen?. VSA-Verlag, Hamborg 2014.

Weblenken

• Websteed von Herbert Schui (hoochdüütsch)