Henry Vahl
Henry Vahl (* 26. Oktober 1897 in Stralsund; † 21. Juli 1977 in Hamborg) weer en düütschen Schauspeler.
Bekannt wurrn is he dör sien Uptreden bi’t Ohnsorg-Theater in Hamborg, wat hüm de Beteknung Volksschauspeler inbrocht hett.
Johren lang hett he sück aber meest mit de Schauspeleree quasi dörslahn, he stunn meest blots in de twete Rieg. 1958 harr he Glück un he kunn för een Kolleg inspringen, de krank wurrn weer. Dat weer an’t Ohnsorg-Theater. De Rull van de komische un kauzige oll Kerl weer so richtig wat vör hüm un dat kunn he in över 100 Rullen ok nahwiesen. Dorbi weer he immer facettenriek un so’n beeten dör’t Ohr brennt. Dor de Ohnsorg-Stücke ok vööl in’t Feernsehn wiest wurrn, kenn man hüm in de ganze Bundsrepubliek. Dorüm hett he 1967 ok de Utteknung Bronzener Bildschirm kregen. In de Spööltiet 1971/72 hett he sück aber mit sien Baas vertörnt un he hett dat Theater verlaten.
Een anner groot Böhnenfigur weer für hüm de Zitronenjette in’t Hamborger St. Pauli-Theater, de he van 1973 bit 1975 200 mal spöölt hett. Dorbi weer he egentlich mehr een Laienspöler. Dat is faken passeert, dat he sien Text vergeten harr, aber he kunn good improviseren, aver sien Kollegen mussen dat denn aber ok, wat nich immer ganz eenfach weer.
Henry Vahl is up de Ohlsdörper Karkhoff bisett.
Stücke
[ännern | Bornkood ännern]- Meister Anecker, 1958
- Opa wird verkauft, Opa ward verköfft, 1961 von Günther Siegmund mit Henry Vahl as Grootvader
- Vater Philipp, 1963 mit Heidi Kabel
- Kein Auskommen mit dem Einkommen, Keen Utkomem mit’n Inkomen, 1966 mit Edgar Bessen
- Tratsch im Treppenhaus, Sluderkraam in’t Treppenhus, 1967 mit Heidi Kabel
- Die Kartenlegerin, De Kortenleggersch, 1967 mit Heidi Kabel
- Verteufelte Zeiten, Up Düwels Schuvkar, 1968 mit Heidi Kabel
- Schneider Nörig, Snieder Nörig, 1969
- Der Bürgermeisterstuhl, De Börgermeisterstuhl, 1969 mit Heidi Kabel
- Der möblierte Herr, De möblierte Herr, 1971 mit Helga Feddersen
- Mein Mann der fährt zur See, Mien Mann de föhrt to See, 1971 mit Heidi Kabel
Filmwark (Utwahl)
[ännern | Bornkood ännern]| Johr | Titel |
|---|---|
| 1958 | Herz ohne Gnade |
| 1959 | Der Engel, der seine Harfe versetzte |
| 1960 | Lampenfieber |
| 1962 | De dolle deern, Feernsehn |
| 1963 | Vater Philipp, Feernsehn |
| 1967 | Und oben wohnen Engels, Feernsehn |
| 1968 | Die Kartenlegerin, Feernsehn |
| 1970 | Mensch sein muß der Mensch, Feernsehn |
| 1971 | Unser Willi ist der Beste |
| 1972 | Und der Regen verwischt jede Spur |
| 1972 | Grün ist die Heide |
| 1974 | Frühling auf Immenhof |