Groden (Oort)
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 8,1 km² | |
| Inwahners: | 3.396 (2006) | |
| Inwahnerdicht: | 419,3 Inwahners pro km² | |
| Postleettall: | 27472 | |
| Vörwahl: | 04721 | |
| Geograafsche Laag: | Koordinaten:53° 50′ N, 8° 44′ O53° 50′ N, 8° 44′ O | |
 | ||
|
| ||
Groden is en Oort in de Gemeen Cuxhoben in’n Landkreis Cuxhoben, Neddersassen.
Geografie
[ännern | Bornkood ännern]Groden liggt in de Masch glieks bi de Münn von de Elv in de Noordsee.
De Naveröörd sünd Olenbrook in’n Süüdoosten, dat Westerenn von de Worth in’n Süden, Olenwoold in’n Süüdwesten un Cuxhoben un Ritzbüttel in’n Noordwesten.
Historie
[ännern | Bornkood ännern]Hertog Erik I. von Sassen hett de Kaspels Groden un Olenwoold 1324 bi Wolderik Lapp in Pand geven. De Lapps hebbt dat 1372 denn wedder bi Hamborg in Pand geven un Groden tohoop mit dat ganze Amt Ritzbüttel an’n 31. Juli 1394 an Hamborg verköfft.
1616 hebbt se anfungen dat Butendieksland bi Groden intodieken.
An’n 26. Juni 1756 hett dat in Groden en Tornado geven, de dor temlich veel Schaden maakt hett.
Groden is an’n 1. März 1935 mit de Gemeen Cuxhoben tohoopleggt worrn. Cuxhoben un Groden hebbt noch bet to’n Groot-Hamborg-Gesett (1. April 1937) to Hamborg tohöört. Denn sünd se Deel von’n Kreis Land Hadeln worrn.
In’n Eersten Weltkrieg sünd 25 Soldaten ut Groden fullen oder vermisst[1].
Inwahnertall
[ännern | Bornkood ännern]| Johr | Inwahners |
|---|---|
| 1826[2] | 701 |
| 1847[3] | 681 |
| 3. Dezember 1866[4] | 654 |
| 1. Dezember 1871[5] | 649 |
| 1. Dezember 1910[6] | 1.026 |
| 2006 | 3.396 |
Religion
[ännern | Bornkood ännern]Groden is evangeelsch-luthersch präägt un billt mit de St.-Abundus-Kark en egen Kaspel.
Kultur
[ännern | Bornkood ännern]Op’n Karkhoff in Groden gifft dat en Gedenkplaat för de Doden von de Marine in’n Eersten Weltkrieg, de hier begraven worrn sünd[7]. En Denkmaal för de fullen Soldaten ut’n Eersten Weltkrieg steiht in’n Slottpark von dat Slott Ritzbüttel.
Infrastruktur
[ännern | Bornkood ännern]Verkehr
[ännern | Bornkood ännern]Groden liggt an de Bundsstraat 73, de in’n Noordwesten na Cuxhoben rinlöppt un in’n Süüdoosten na Olenbrook un Oterndörp geiht. Bi Groden geiht ok de Autobahn 27 toenn, de von Süden kummt un in de B 73 inmünnt.
De nächste Bahnhoff is in Cuxhoben an de Bahnlien Bremen-Cuxhoben un an de Nedderelvbahn na Hamborg, wat so bi dree Kilometer weg is.
Lüüd
[ännern | Bornkood ännern]In de Midd von dat 18. Johrhunnert hett de Bildhauer David Benjamin Opitz in Groden leevt. Von 1888 bet 1902 hett de plattdüütsche Schriever Johann Dietrich Plate in Groden leevt un is dor ok doodbleven.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/cux-ritzebuettel_schlosspark_wk1_ns.htm
- ↑ Neue allgemeine geographische und statistische Ephemeriden, Band 19. 1826, Sied 367: http://books.google.de/books?id=zRtDAAAAcAAJ&pg=PA367
- ↑ Franz Heinrich Neddermeyer: Zur Statistik und Topographie der Freien und Hansestadt Hamburg und deren Gebietes. 1847, Sied 191: http://books.google.de/books?id=sHoAAAAAcAAJ&pg=PA191
- ↑ Statistik des Hamburgisches Staats. Ergebnisse der Volkszählung vom 3ten December 1866. S. 44, http://books.google.de/books?id=C6Q5AQAAIAAJ
- ↑ Statistik des Hamburgisches Staats. Ergebnisse der Volkszählung vom 1. Dezember 1871. S. 78, http://books.google.de/books?id=C6Q5AQAAIAAJ
- ↑ http://www.gemeindeverzeichnis.de/gem1900/gem1900.htm?hamburg/ritzebuettel.htm
- ↑ http://www.denkmalprojekt.org/dkm_deutschland/cuxhaven-groden_frdh_wk1_ns.htm
Weblenken
[ännern | Bornkood ännern]
Berensch-Arensch | Cuxhoben | Döös | Duhnen | Groden | Holt-Spangen | Olenbrook | Olenwoold | Sahlenborg | Stickenbüttel | Süderwisch-Westerwisch | Worth