Groß Rippen
| Wapen/Flagg | Koort | |
|---|---|---|
 |
| |
| Basisdaten | ||
| Inheemsch Naam: | Veľké Ripňany | |
| ||
| Flach: | 23,68 km² | |
| Inwahners: | 2.127 (31. Dezember 2004) | |
| Inwahnerdicht: | 89,8 Inwahners pro km² | |
| Hööchd: | 174 m över de See | |
| Postleettall: | 956 07 | |
| Vörwahl: | 038 | |
| Geograafsche Laag: | Koordinaten:48° 30′ N, 17° 59′ O48° 30′ N, 17° 59′ O | |
| Grenzen bi OSM: | 2209669 
| |
| Gemeenslötel: | 505714 | |
| Börgermeester: | Jozef Balážik | |
| ||
Groß Rippen (slowaaksch Veľké Ripňany) is en Dörp in’n Kreis Topoltschan in de Slowakei.
To de Gemeen höört ok de Öörd Klein-Vjeszka, dat 1882 to de Gemeen keem, un Behintz, dat siet 1976 Deel vun de Gemeen is.
Historie
[ännern | Bornkood ännern]Toeerst in de Oorkunnen kummt de Oort 1156 as Ripin vör.
1858 un 1859 is ene Grupp vun Minschen ut’n westen Deel vun Neddersassen ut de Ümgegend vun Ankum un Steiwelt utwannert na de Slowakei (wat don noch to Ungarn höörn dee). In de Heimat kunnen nich mehr all Lüüd ehr Utkamen finnen un en groten Deel dee na Amerika utwannern. De Lüüd harrn aver ok höört, dat in de Slowakei de Adelsgöder vun’n Grafen Degenfeld-Schinburg un’n Baron Heinrich von Splenyi in Tscherman un Groß Rippen to verköpen weren. Öösterriek-Ungarn weer nich ganz so wied ut’e Welt as Amerika un een kunn dor sogor mit de Iesenbahn hen- un trüchkamen. Un so hebbt de Lüüd dor Land köfft un sik dor mit üm un bi 100 Familien un alltohoop mehr as 400 Lüüd in disse twee Dörper ansiedelt. Groß Rippen weer dat lüttjere vun de beiden Dörper. Disse Lüüd hebbt dorbi ok jemehr plattdüütsche Spraak mit na de Slowakei bröcht.
Mit dat Enn vun’n Krieg sünd de Inwahners na Böhmen evakueert worrn. Na en Tiet kemen de Lüüd trüch na Groß Rippen, man de Hüüs weren al besett. De Minschen sünd fastnahmen worrn un kemen in de Lagers Novaky un Petrzalka un vun dor sünd se na Düütschland bröcht worrn.