George Francis Hampson

Sir George Francis Hampson, 10. Baron Hampson, (* 14. Januar 1860 in Marylebone, Middlesex; † 15. Oktober 1936 in sien Residenz Thurnham Court in Maidstone) weer en britisch Entomoloog un Lepidopteroloog.

Leven

Hampson hett de Charterhouse School besöcht un an dat Exeter College in Oxford studeert. He hett en Teeplantage in den Nigri Hills in Tamil Nadu (dormals Regeerenssbezirk Madras) in Indien bewertschapt. Dor keem denn ok sien Interesse för Bottervagels un bi sien Rückkehr nah England wurr he freewillig Mitarbeiter vun dat Natural History Museum. 1895 wur hüm dor en Assistentenstäe anboden un 1901 bit 1905 weer he Acting Assistant Keeper toständig för Entomologie (as Nahfolger vun Arthur Gardiner Butler).

1896 hett he den Baronstitel arvt. 1893 hett he Minnie Frances Clark-Kennedy heiraadt, mit de he twee Döchter un een Söhn harr.

Schriften

• The Lepidoptera of the Nilgiri District, British Museum 1891
• The Lepidoptera Heterocera of Ceylon, British Museum 1893
• The Fauna of British India, indlucing Ceylon and Burma: Moths, 4 Bände, India Office 1892 bit 1896
• Mitarbeit an: Catalogue of the Lepidoptera Phalaenae in the British Museum, 15 Bände, 1898 bit 1920

Weblenken

• The Indian Biographical Dictionary (1915)/Hampson, Sir George Francis
• Hampson up thepeerage.com (afropen an‘ 27. Oktober 2016, engelsch)