Ester

En Ester is en orgaansche Cheemsche Verbinnen. Se kummt tostanne dör de Reaktschoon vun en Süür mit Alkohol oder mit Kohlenhydrate. Man kann Esters ankieken, as wenn se tostanne kamen weern ut en Kondensatschoonsreaktschoon twuschen Alkohol/Zucker un en Süür/Süürchlorid. An’n meisten kaamt de carbonsuern Esters vor, wo de -(C=O)-O- Grupp as Funktschonale Grupp insteken deit. Dor höört twee R-Keden to, de en Alkyl- oder ok en Arylkeed ween könnt. Man Esters könnt ok tostanne kamen dör Kondensatschoonsreaktschonen vun Alkohole mit annere Arden vun Süren (Anorgaansche Süren), as Phosphorsüür, Swevelsüür, Salpetersüür oder Boorsüür. Vunwegen dat all C-Keden Alkylgruppen sünd, weert se en Alkylalkanoat nömmt.

Flüchtige Esters, mit ringe Molekülmass hefft faken en sunnerlichen un typischen Röök. Vundeswegen sünd se in Parfüms un in Pheromone to finnen. Esters weert unner annern bruukt in Parfüms, in Löösmiddels, in Polyester-Kunststoffe un in Biodiesel. En Reeg vun Salpeter-Esters könnt in’e Luft flegen oder duchtig anfangen, to brennen.

• Algemene Strukturen vun Esters
• 
  Ester vun Carbonsüür
• 
  Ester vun Phosphorsüür (1x verestert)
• 
  Ester vun Phosphorsüür (3x verestert)
• 
  Ester vun Phosphit
• 
  Ester van Nitrit