Dönnerstäen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27321 | |
| Vörwahl: | 04204 | |
| Geograafsche Laag: | Koordinaten:52° 58′ N, 8° 59′ O52° 58′ N, 8° 59′ O | |
|
| ||
Dönnerstäen (hoochdüütsch Donnerstedt) is en Dörp in de Gemeen Thänhusen (Samtgemeen Thänhusen) in’n Landkreis Veern, Neddersassen.
Geografie
[ännern | Bornkood ännern]De Oort liggt knapp veer Kilometer von de Werser af, de in’n Noorden langsflütt. Dat Water ut dat Rebeed warrt över Gravens na de Werser hen afföhrt.
De Naveröörd sünd Önigstedt un Dibbelsen in’n Noorden, Eißel in’n Noordoosten, Thänhusen in’n Oosten, Westerwisch in’n Süüdoosten, Emhusen in’n Süden, Fell in’n Süüdwesten un Rier in’n Westen.
Historie
[ännern | Bornkood ännern]Dönnerstäen kummt 1534 toeerst in de Oorkunnen vör.
Verwaltungsgeschicht
[ännern | Bornkood ännern]Dat Dörp hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.
In de Franzosentied hett de Oort toeerst 1807 bet 1810 binnen dat Königriek Westfalen to de Mairie Dibbelsen in’n Kanton Thänhusen un 1810 bet 1811 to de Mairie Eißel in’n Kanton Thänhusen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Thänhusen in’n Kanton Thänhusen.
De Oort hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.
De Oort hett von öllers tohoop mit Dibbelsen de Gemeen Dibbelsen-Dönnerstäen billt. Düsse Gemeen is an’n 1. Juli 1972 mit de Gemeenreform in Neddersassen Deel von de Gemeen Thänhusen worrn un dorbi in’n Landkreis Veern wesselt.
Inwahnertall
[ännern | Bornkood ännern]| Johr | Inwahners |
|---|---|
| 1812[1] | 72 |
Religion
[ännern | Bornkood ännern]Dönnerstäen is evangeelsch-luthersch präägt un höört to dat Kaspel von de Maria-Magdalena-Kark in Thänhusen. Düsse Kark is 1870 boot un 1912 egenstännig worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.
För de Kathoolschen is de St.-Matthias-Kark in Achem tostännig.
Kultur
[ännern | Bornkood ännern]Verenen
[ännern | Bornkood ännern]De Schüttenvereen Dibbelsen-Dönnerstäen-Hostäe is 1953 grünnt worrn.
Weertschop un Infrastruktur
[ännern | Bornkood ännern]För Dönnerstäen is de freewillige Füürwehr Dibbelsen-Dönnerstäen tostännig, de 1925 grünnt worrn is.
Verkehr
[ännern | Bornkood ännern]In Dönnerstäen draapt sik de veer Kreisstraten K 60, K 66, K 72 un K 75. De K 60 löppt in’n Süüdoosten na Westerwisch an de Landsstraat 354. De K 66 föhrt in’n Noordoosten na Dibbelsen an de L 203 un in’n Oosten na Thänhusen an de L 354. De K 72 geiht in’n Süüdwesten bi Emhusen na de L 331 un de K 75 in’n Westen na Rier an de L 331. De L 331 löppt von Rier in’n Noordwesten över Ausen un Drey na Bremen rin un von Emhusen över Swarm na Mattfeld.
De nächste Autobahn is de Autobahn 27 (Afsnidd Bremen–Wasra). De Opfohrt 24 Achem-Oost liggt so twölv Kilometer in’n Noordoosten von Dönnerstäen an de L 156. De Opfohrt 56 Oorssen op de Autobahn 1 (Afsnidd Bremen–Ossenbrügge) liggt ok so twölv Kilometer wied weg in’n Noordoosten.
De nächste Bahnhoff is so bi ölven Kilometer wied weg in’n Noordwesten de Bahnhoff Drey an de Bahnlien Bremen–Ossenbrügge. De Bahnhoff Achem an de Bahnlien Bremen–Wunsdörp liggt 13 Kilometer in’n Noordoosten. Von 1910 bet 1955 hett dat ok Personenverkehr op de Bahnlien Bremen–Thänhusen geven. De Bahnhoff Dibbelsen leeg in düsse Tied op halven Weg twüschen Dibbelsen un Dönnerstäen.
Footnoten
[ännern | Bornkood ännern]- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 100