Cursinu
| Cursinu | |
|---|---|
| |
| FCI – nich anerkannt | |
| Oorsprungsland | Frankriek (Korsika) |
| Rassenaam | Cursinu |
| Anner Naams | Chien Corse |
| Schufthööcht | ca. 46-58 cm Teev 46–55 cm |
| Gewicht | nich fastleggt |
| List vun de Hunnenrassen | |
De Cursinu is en vun de FCI nich anerkannt Hunnenrass ut Frankriek (Korsika). De franzöösch Daakverband Société Centrale Canine (SCC) führt de Rass in de (FCI-Gruppe 5, Sektion7).
Herkunft un Geschichtliches
[ännern | Bornkood ännern]De Cursinu geiht vermootlich up de antiken Saupacker torüch, de to de Jagd un as Waak- un Schuulhund insett wurrn. Eilannen as Korsika wurrn fröher faken vun Seerövers överfallen, so dat man kräftige Hunnen to de Afwehr bruuken dee. Oorsprünglich wurr he ok to’n Veehdreeven un as Hödehund bruukt. Hüüd wurr he aber ehrder to de Jagd insett. 2003 wurr diesse Rass in Frankriek dör de Société Centrale Canine anerkannt.
Beschrieven
[ännern | Bornkood ännern]De Cursinu hett en lichten, aber robust wirken, middelgrooten Körperbau (bit 55 cm groot). Sien Fell is glatt- un kört- bit middelhoorig un för begäng bruun-stroomt. De Borst is af un to witt oder witt-fleckt, wat aber as Makel ansehn wurrd.
Wesen
[ännern | Bornkood ännern]Disse Hund is düchtig territorial orienteert, frömd Minschen tegenöver mit Misstruen un wirkt in en frömd Umgeven ehrder unseker. He verteedigt dat Eegendom vun sien Herrn utspraaken düchtig. Frömd Hunnen tegenöver is he unfrüendlich un ahn Gedüer. De Cursinu is intelligent, in’n Huus ruhig, aber in’t Free entwickelt he sien lebhaft Temperament. He bruukt sien Revier oder de Arbeit bi de Jagd – ahn richtige Upgaav is he en unbequemer Begleiter. As Familienhund is de Cursinu ehrder nich to gebruuken.
