Un dat is de Ramm, in de Neeg vun mien Öllernhuus…
En poor Wöör to mien Person: Ik bün 1970 boren un in Woonst opwossen, dat is en lütt Dörp in’n Landkreis Rodenborg (Wümm) in Neddersassen. Mit de Johren heff ik in verschedene Städer leevt un Insichten in ünnerscheedliche Saken sammelt. So heff ik in de School mit Theater to doon hatt, mien Zivildeenst bi’t Ro’e Krüüz in’n Rettungsdeenst leist un later Eerdphysik studeert. Ik heff mien Dokter över en eerdwetenschopplich Thema maakt un ruchweg twintig Johren as Seismoloog arbeit. Nu heff ik aver de Wetenschop verlaten un arbeit siet August 2020 as Schoolmeester för Mathematik un Physik in Zeven.
Nu warrt dat mit mien Arbeit hier woll bannig mau. Ik bün Vadder worrn, wessel jüst mien Arbeit un heff nu woll annere Saken üm die Ohren, die wichtiger sünd as Artikels to schrieven. ;)
