Belize (Stadt)

Wapen/Flagg

Koort

Basisdaten

Sitt:

Belize

Distrikt: Belize

Inwahners:

63.423 (2018-00-002018)

Hööchd:

0 m över de See

Geograafsche Laag:

Koordinaten:17° 29′ N, 88° 11′ W17° 29′ N, 88° 11′ W

Börgermeester:

Bernard Wagner

Belize is de gröttste Stadt in dat Land Belize un weer bet 1970 ok de Hööftstadt (nu Belmopan binnen in’t Land). De Stadt hett so 70.800 Inwahners (schätzt, 2005). Se liggt op en Halvinsel an’n Stroom Belize an de Küst von de Karibische See. Dat is ok de wichtigste Haven un Weertschopsstandoort von dat Land.

Geschicht

Belize is so bi de Midd von’t 17. Johrhunnert von brietsche Holtfällers grünnt worrn. Dör de Laag an de Küst an de Münn von Stroom Belize (an’n Haulover Creek, een von de Arms von de Belize-Münn) dee sik de Oort anbeden. Dat Mahagoni un annere Eddelhölter de binnen in’t Land slagen worrn sünd, kunnen över den Stroom an de Küst flött warrn. Vör de Briten harrn al de Maya an de Steed en lütte Stadt, de Holzuz heten harr.

An’n 10. September 1931 is de Stadt swoor von’n groten Hurrikan von 1931 drapen worrn, bi den an de Küst von dat Land Belize so 2500 Lüüd doodbleven sünd, en groten Deel dorvon in de Stadt Belize. Ok 1961 wedder is de Stadt von en Storm drapen worrn, ditmal an’n 31. Oktober de Hurrikan Hattie, de en groten Deel von de Stadt överswemmt un toschannen richt hett. Dat weer ok een von de Grünn mit, dat 1970 Belmopan de Hööftstadt worrn is, dat binnen in’t Land liggt.

Panorama över Belize von üm un bi 1914

Inwahnertall

Johr	Inwahners
1970-00-001970^[1]	39.050
1980-00-001980^[1]	39.771
1991-00-001991^[1]	44.087
2000-00-002000^[1]	49.050
2010-00-002010^[2]	57.264
2018-00-002018^[3]	63.423

De Inwahners weren bi’n Zensus 2000 to to 61 % Kreolen, 22 % Mestizen, to 6 % Garifuna un to 4 % Inders. De Rest hett sik op de verscheden annern Volksgruppen von Belize opdeelt.^[2]

Börgermeesters

Börgermeesters
von	bet	Naam	Partei
1947		John Smith	-
1956	1962	George Cadle Price	PUP
1963		Frederick Westby	PUP
1969	1971	James Nathaniel Meighan	PUP
1971	1974	William Coffin	PUP
1974	1980	Paul Rodriguez	UDP
1981	1981	Remijio Montejo	PUP
1981		Earl Ferguson	PUP
üm 1983		Alvan Fuller	PUP
1985	1985	Gustavo Bautista
1985	1986	Frank Lizama	UDP
1986		Kenneth B. Smith
üm 1988		Cyril Davis	UDP
April 1991	März 1992	Roy Young	PUP
1992		David Fonseca	PUP
1995	1998	Jose Coye	PUP
1998	1. März 1999	Marshall Nuñez	PUP
1. März 1999	1. März 2006	David Fonseca	PUP
1. März 2006	7. März 2012	Zenaida Moya	UDP
7. März 2012	9. März 2018	Darrell Bradley	UDP
9. März 2018		Bernard Wagner	PUP

Kultur

Dat Museum of Belize wiest Stücke to de Geschicht von dat Land Belize.

Weertschop un Infrastruktur

Verkehr

De internatschonale Flooghaven för Belize is de Philip-S.-W.-Goldson-Flooghaven in Ladyville knapp teihn Kilometer buten de Stadt. De Sir Barry Bowen Municipal Airport is dichter an’t Zentrum (blot een Kilometer af), is aver blot för Flöög binnen dat Land.

De beiden wichtigsten Straten sünd de Philip Goldson Highway, de na Noordwesten löppt un de George Price Highway, de na Süüdwesten löppt un Belize mit Belmopan verbinnt.

Gesundheit

Dat wichtigste Krankenhuus in de Stadt is dat Karl Heusner Memorial Hospital. Dat Holden Memorial Hospital hett von 1957 bet 1977 bestahn.

Footnoten

↑ ^a ^b ^c ^d Zensus 2000 (PDF) von dat Central Statistical Office of Belize
↑ ^a ^b Zensus 2010 (PDF) von dat Statistical Institute of Belize
↑ http://citypopulation.de/Belize_d.html

Weblenken

Belize. Mehr Biller, Videos oder Audiodateien to’t Thema gifft dat bi Wikimedia Commons.

Gemenen von’n Distrikt Belize in Belize

[ZensusBelize2000-1] Zensus 2000 (PDF) von dat Central Statistical Office of Belize

[ZensusBelize2010-2] Zensus 2010 (PDF) von dat Statistical Institute of Belize

[citypopulation-3] ttp://citypopulation.de/Belize_d.html

[1]

[2]

[3]