Antje Huber

Antje Huber borene Pust (* 23. Mai 1924 in Stettin; † 30. September 2015 in Essen^[1]) weer en düütsche Politikerin (SPD) un van 1976 bit 1982 Bundesministerin för Jöögd, Familie un Gesundheit.

Biografie

Utbillen un Berop

Huber wurr 1924 as Dochter vun en Volksschoollehrer in Pommern boren. Se is in Berlin upwussen un hett 1942 an dat Goethe-Lyzeum Lichterfelde-Ost hör Abitur maakt. Dornah hett se in journalistisch Utbillen maakt un weer af 1946 als Sportjournalistin in Berlin, later in Essen bi de Neue Rhein/Ruhr-Zeitung tätig. 1950 hett se hör Kolleeg Karl Huber heiraadt. Van 1961 bit 1962 studeer se an de Sozialakademie Dortmund Volks- un Bedrievswertschap, Soziologie, Arbeitsrecht, Arbeitswetenschap un Sozialpolitik un weer dornah bit 1969 as Studienleiterin tätig.

Politik

1948 wurr se Liddmaat vun de SPD. Van November 1975 bit 1978 hörr se den SPD-Bundsvörstand un van Januar 1978 bit 1984 den Präsidium vun de SPD an.

Van 1969 bit 1987 weer se Liddmaat vun den Düütschen Bundsdag (Bundsdagswahlkreis Essen III).

Apenlich Ämter

Nah de Bundsdagswahl 1976 wurr se as Nahfolgerin vun Katharina Focke (SPD) an' 16. Dezember 1976 as Bundsminister för Jöögd, Familie un Gesundheit in de vun Bundskanzler Helmut Schmidt führt Bundsregeeren beropen.

In hör Amtstiet full ünner annern de Inführen vun de dormals söss Maand düern Moderschapsurlaub bi gegeven Arbeitsplatzgarantie as ok de Regelung vun den Unterhaltsvorschuss för Alleenuptreckende.

Nahdem se all an' 7. April 1982 vun hör Amt torüchtreeden weer,^[2] is se to'n Anlaat vun de Kabinettsumbillen an' 28. April 1982 endgültig ut de Bundsregeeren utscheeden.

Dood

Nah en swoor Beenversehren leev Huber toletzt in en Essener Pleegheim, wo se in de Nacht to'n 30. September 2015 in dat Öller vun 91 Johren storven is.^[3]

Ehrungen

1977 Golden Sportafteken
1980 Marie-Juchacz-Plakette vun de Arbeiterwohlfahrt
1984 Bundsverdeenstkrüüz.

Weblenken

Bundsministerium för Familie, Senioren, Fruen un Jöögd

Enkeld Nahwiesen

↑ Essener SPD-Politikerin Antje Huber starb mit 91. In: WAZ, 30. September 2015. Afropen an' 1. Oktober 2015.
↑ Gesenktes Haupt. Mit ihrem Rücktritt hat Gesundheitsministerin Huber den Kanzler desavouiert: Schmidt laufen die Leute weg, bevor er sie feuern kann. In: Der Spiegel, 12. April 1982. Afropen an' 30. April 2015.
↑ Wolfgang Kintscher: Eine Stimme der Sozialdemokratie verstummt, in: derwesten.de (1. Oktober 2015).

[1] Essener SPD-Politikerin Antje Huber starb mit 91. In: WAZ, 30. September 2015. Afropen an' 1. Oktober 2015.

[2] Gesenktes Haupt. Mit ihrem Rücktritt hat Gesundheitsministerin Huber den Kanzler desavouiert: Schmidt laufen die Leute weg, bevor er sie feuern kann. In: Der Spiegel, 12. April 1982. Afropen an' 30. April 2015.

[3] Wolfgang Kintscher: Eine Stimme der Sozialdemokratie verstummt, in: derwesten.de (1. Oktober 2015).

[1]

[2]

[3]