André Leducq

André Leducq (* 27. Februar 1904 in Saint-Ouen; † 18. Juni 1980 in Marseille) weer en franzöösch Radrennfohrer.

Nahdem he 1924 Straatenweltmeester vu de Amateure un sowohl 1924 as ok 1925 franzöösch Meester wurrn weer, wurr he 1926 Profi bi de Mannschap Thomann-Dunlop. Van 1927 bit 1933 fohr he för dat Team Alcyon-Dunlop. 1934 hett he sien eegen Team A.Leducq-Mercier grünnd, för dat he bit 1939 an den Start gung.

1924 is Leducq ok bi de Olympisch Spelen in Paris antreeden. För da Mannschapstietfohren weer he upstellt, keem aber nich to’n Insatz. Sien Mannschapskamraaden Armand Blanchonnet, René Hamel un Georges Wambst wunnen Gold. In’ Straatennrennen wurr Leducq Neegent, Blanchonnet wunn Gold, Hamel de Bronzemedaille, un Wambst keem up den 8. Platz.

Sien gröttste Erfolge harr he to sien Tiet bi Alcyon-Dunlop. Bi de Tour de France 1930 övernehm he dat Geel Trikot nah de neegente Deelstreck vun Learco Guerra, de mit 14:13 Minuten Rückstand ok Gesamt-Tweet achter Leducq wurr. Bi sien tweeten Sieg 1932 övernehm he dat Geel Trikot all nah de dart Deelstreck un harr bi de Zielankunft in Paris 24:03 Minüüt Vörsprung up Kurt Stöpel, de up Platz 2 in de Gesamtwertung keem.

Palmarès

Sieg bi de Tour de France 1930 un 1932.
Sieg bi Paris-Roubaix (1928)
Sieg bi Paris–Tours (1931)
2. Rang bi Paris-Roubaix (1935)
2. Rang in de Baskenland-Rundfohrt (1927, 1928)

Platzeeren bi de Tour de France

1927: 4. Rang (3 Deelstreckensiege)
1928: 2. Rang (4 Deelstreckensiege)
1929: 11. Rang (5 Deelstreckensiege)
1930: 1. Rang (2 Deelstreckensiege)
1931: 10. Rang (1 Deelstreckensieg)
1932: 1. Rang (6 Deelstreckensiege)
1933: 31. Rang (2 Deelstreckensiege)
1935: 17. Rang (1 Deelstreckensieg)
1938: 30. Rang (1 Deelstreckensieg)

Weblenken