Ilhéu Rabo do Junco

Laag vun Sal in Kap Verde.

De Ilhéu Rabo do Junco is en lütt Eiland, dat nich bewahnt is un to de Inselgrupp Ilhas do Barlavento in de Republiek Kap Verde höört.

Geografie

De Ilhéu Rabo do Junco liggt ruchweg en halven Kilometer vör de Westküst vun’t Eiland Sal, vör dat Halfeiland, dat de Baía da Murdeira na Noorden hen begrenzt. Sien Naam het dat lütte Eiland vun den Rabo do Junco, en Tügenbarg nipp un nau an de Küst, wat de veerthööchste Barg op dat Eiland Sal is.

Dat Eiland hett’n dreeeckige Form un mitt an de längsten Siet ruchweg 200 m. Se hett en Flach vun ungefähr 10.000 m² un en Hööch bit hööchstenfalls 20 m. Wassen deit op dat Eiland so goot as nix un en Bedüden för de Weertschop oder annere Rebeden hett se ok nich. Vun de Natur her is dat Eiland mol en Vulkan wesen un kann as Seamount betekent warrn, de mit de Tiet verweddert un even woorn is. Vör lange Tiet weer dat Eiland noch mit dat Eiland Sal verbunnen.

Eilannen vun Kap Verde

Ilhas de Barlavento:   bewahnt:  Santo Antão | São Vicente | São Nicolau | Sal | Boa Vista 
nich bewahnt:  Santa Luzia | Branco | Raso | Ilhéu de Sal Rei | Ilhéu do Baluarte | Ilhéu Rabo do Junco | Ilhéu dos Pássaros

Ilhas de Sotavento:   bewahnt:  Brava | Fogo | Santiago | Maio 
nich bewahnt:  Ilhéus do Rombo (Ilhéu Grande | Ilhéu de Cima) | Ilhéu Laja Branca | Ilhéu de Santa Maria