Ulster

Ulster op de kaarte van t Ierse eailaand

Ulster (Iers: Cúige Uladh) is ene van de veer oolde proveensies van t eailaand Ierlaand. t Is eneumd noar de Ulaid, de túath (keltiesen stam) dee't an t begin van oonze joartelling bewoonden en besteurden.

Rechtevoort heurt disse proveensie vuur twee doarde deel an Noord-Ierlaand as deel van t Verenigd Keuninkriek van Groot-Brittanië en Noord-Ierlaand (groafskoppen Antrim, Armagh, Down, Fermanagh, Londonderry en Tyrone).

t aandere deel heurt an n Iersen Reppebliek, en umvat de noordelike groafskoppen Cavan, Donegal en Monaghan. De namens 'Noord-Ierlaand' en 'Ulster' wordt mangs (meestal duur Unionisten) duur mekoar gebroekt.

De hele proveensie Ulster har in 2006 ongevear 1.993.918 inwonners.

Grote steaden dee't in Ulster lignt:

• Belfast (Noord-Ierlaand)
• Derry (Noord-Ierlaand)

Geschiedenisse

De mytiese geskiedenisse van de Ulaid wörd deels beskrewen in de Ulster cyclus. In de vroge middeleewn wördn de Ulaid verdrungen duur de noordelike Uí Néill (O'Neill), dee't Ulster seend dee tied besteurdn vanoet Tír Eoghain (Groafskop Tyrone). Noa de Anglo-Normandiese invasie in t 12de joarhoonderd köm t oosterlike deel van de proveensie oonder Anglo-Normandiese baronnen. Ene van dee, Hugh de Lacy (1176-1243) groonden t härtogdom Ulster, bestoand oet de hudige groafskoppen Antrim en Down.

Noa de neerlaag van de Ieren in n Negenjoarigen Oorlog (1863-1603) in de Slag bie Kinsale (1601), kreeg Engelaand Ulster der oonder. De Leaiders van de O'Neills en O'Donnells vluchten noar t vastelaand van Europa, woerop de Engelsen en de Skotten begunnen met t koloniseren van Ulster. Groondbezit van Ierse femilies dee't in n Negenjoarigen Oorlog tegen de Engelsen evöchten hadden wör öar of enömmen, en an Britse protestaanten edoan. Dit is nog aait twistpeunt tusken de Roomsken en de protestaanten in Noord-Ierlaand. Um 1968 köm t op vechten an, wat meesttieds wörd an eduudt met The Troubles (t gedoonder). t Gedoonder doerden töt ongevear 2005 en der kömmen der ongevear 3.500 bie oet de tied.

Commons: Ulster - plaatjes, filmkes en/of gelüüdsbestanden.