San Marino

San Marino
Vlagge van San Marino	Woapn van San Marino
Kaarte van San Marino
Informasie
Sproaken	Italjaans
Heufdstad	San Marino Stad
Geleuf	Rooms-Katholiek
Laand en inwonners
Oppervlakte	61,2 km²
Inwonners	32.576
Koordinaten	43° 56′ N, 12° 26′ O
Oaverig
Munteenheid	Euro (EUR)
Tiedzone	1
Web | Kode | Tel.	.sm | SM | 378

San Marino, vrie ummezat Sunte Meriens, offisjeel de Reppubliek San Marino (Italjaans: Repubblica di San Marino) en ook wal bekeand as de Soevereinste Reppubliek San Marino. is nen in eslöttenen ministoat binnen in Italië. Et ligt op et Italjaanse skiereilaand, noord-oostelik van de Apennienen. Et is net iets grötter as 61 km² met ongevear 32.000 inwonners. De heuwdstad is San Marino Stad en de grötste stad is Dogana. San Marina hef et kleanste inwonnertal van alle lidstoaten van den Road van Europa.

San Marino zeg at et den euldsten nog bestoanden soevereinen stoat en reppubliek van de wearld is. Et is ne vuurtzetting van nen kloostergemeenskop seend 3 september 301. Dee wör sticht duur steenhouwer Sunt Mariens van Arba. Et verhaal geet at Mariens Rab in 257 verleut, toen as den tookomstigen keazer Diocletianus opdracht gavven vuur de heropbouw van de stadsmuren van Rimini. Det was verwoost duur Liburniese piraten.

San Marina hef nen groondwet, de Leges Statutae Republicae Sancti Marini, ne riege van zes Latiense beuker oet et 16de joarhoonderd. Hierin steet oonder mear wo as et laand besteurd mut worden. Et is doarmet et euldste skrewene regearingsgeskrift wat nog aait in gebroek is.

San Marino mut et vuur de seanten vuural hebben van de finansjele deenste, industrie en toerisme. Et is ene van de riekste laanden van de wearld wat BBP angeet. De ekonomie van San Marina is is good stabiel. Der zitt mer weanig leu bie de dure in San Marino. Et laand hef ginne skoolden en een oawerskot in kas. San Marino is et ennigste laand met mear voortuge as leu.