De A28 is oaver het algemien een noord-zuud-route, määr is ook belangrieke veur verkeer tussen oost en west. De E232 löp oaver bi'jna de hiele A28, määr begint bi'j Knooppunt Hoevelaken in pläätse van Knooppunt Rijnsweerd waor de A28 begint. De snelweg is met 187 kilometer (187,471 km[1]) ien van de langste snelweagen in Nederlaand. Tussen 1961 en 1986 is de snelweg lös edaone.
In 1996 is een spitsstrook lös edaone tussen Den Dolder en De Uithof in de richting van Utrecht. Dit was ien van de eersten in Nederlaand. In 2012 is disse spitsstrook vot edaone toen as de A28 tussen Amersfoort en Utrecht wieder wier emääkt. Al jaoren lank was de A28 tussen Utrecht en Amersfoort file gevuulig met een hiele boel verkeer op määr twie riejstroken per richting. Um de situaotie better te mäken is beslötten um de A28 wieder te mäken nao drie riejstroken per richting tussen Knooppunt Rijnsweerd en Maarn. Daornaost bint er bi'j Amersfoort spits- en weafstroken neer elegd. In 2012 en 2013 bint alle riejstroken lös edaone. De filedrok is hier flink of enömmen. Allenig is et stuk tussen De Uithof en Knooppunt Rijnsweerd (veur de A27) is nog een knelpunt.
Al jaorenlange was de A28 bi'j Zwolle oaverbelast en gedieltes bi'j Zwolle stunden in de Filetop 50.[2] De oaverbelaste gedieltes waren s'märrens de opritten vanof Ni'jluzen en Ommen richting et zuden. s'Aovends was veural de oprit van Zwolle-Centrum richting et noorden et prebleem.[3][4] Ok de Beatrixbrug had problemen met de ofwikkeling van verkeer. In 2002 en 2003 bint weafstroken op de Vechtbrugge epläätst. Hierveur is de Vechtbrugge in 2000 en 2001 verbreed wat veural in de twiede helfte van 2001 veur slimme vertragings zörgden.[5] In november 2001 was de verbreding van de brugge of. In 2004 bint plustroken neer elegd tussen Zwolle-Zuud en Ommen wat er veur ezörgt hef det et knelpunt in Zwolle nao de Iesselbrugge en bi'j Ommen verplaatst is. In 2010 en 2011 is de A28 tussen Knooppunt Hattemerbroek en Zwolle-Zuud van 2x2 weafstrook nao 2x4 wieder emääkt. Daorbi'j is de plusstrook bi'j Zwolle-Zuud langer emääkt töt an de Iesselbrugge. Tussen Ommen en Knooppunt Lankhorst is de A28 van 2x2 nao 2x3 riejstroken verbreed. Dit hef ervoor ezörgt det de dagelikse files in s'märrens bi'j Stappest en Ni'jluzen en s'aovends bi'j de Iesselbrugge en Ommen vot egaone bint. Deur et wieder mäken van de A28 bi'j Zwolle is de snelweg hier uut de Filetop 50 egaon en is de filedrok flink verminderd.
In 2009 is Knooppunt Lankhorst compleet emääkt. Vrogger ha-j hier allenig een splitsing, sunds 2009 ku-j hier ok van Meppelt nao Hoogeveane en andersumme. Vrogger mos et verkeer van disse richtings bi'j De Wiek en Meppel (A32) van de snelweg of.
Hieronder ku-j de plaatse zien van bepaolde stokken A28 die in de filetop 50 stunden tussen 1996 en 2006[9]. De ciefers bint niet corrigeerd veur veraanderde meetmenieren. Zie bint dus niet ien op ien vergeliekbaor. Deur andere meetmenieren bint niet alle heufdlocaties meer op dezölfde plaatse. Zo kan beveurbield Zwolle-Zuud→Iesselbrugge later as Zwolle-Zuud→Hattemerbroek vermeld wörden. In 1998, 2000, 2002, 2004, 2005 en 2006 bint er meetbreuken ewest. Op 1 juli2005 hef er een slim grote meetbreuk ewest waordeur de filedrok 25% heuger uutkwamp. Hierdeur wier er een grotere ofstaand töt de kop van de file emeaten. Ook hebt niet alle wegvakken nog etzölfde wegnommer. Veur de ofzunderlike jaorlikse filetoppen is hierveur corrigeerd, maar dus niet oaver de jaoren hen. Ook de ciefers van de eerste helfte van 2009 en 2012-2019 ku-j hier zien.
_concrete_archbridge_in_the_A28_motorway_Zwolle._Just_like_the_Deventer_bridge_(A1)_it_has_a_lot_of_creepdeflection_-_panoramio.jpg)
Openstelling van de Rieksweg 28 tussen Harderwiek en Wezep (1962)
Knooppunt Rijnsweerd (kruusing met ring Utrecht)
Iesselbrugge (Brug Katerveer (II)) in de richting van Zwolle (tussen 2006 en 2010)
Ofslag 18:
Ofslag 20:
De A28 ezeen vanof een viaduct körtbi'j Heughalen (Haolen) tussen de ofslagen 31 en 32
Tussen de ofslagen 37 en 38: verzörgingsplaats De Witte Mölle (de Witte Molen)
Autosnelwegen van Nederlaand 