Kim Kardashian
Kimberly Noel Kardashian (meydkensname Kardashian, den 21 oktober 1980) is ne amerikaanske mediapersöynlikheid, model, sakenvrouw, aktrice en bekend persoon. Kardashian kreag eyrste media-andacht as vreandin en styliste van Paris Hilton. Mär pas vanaf 2002 kreag se breydere bekendheid döär ne seksvideo, Kim Kardashian, Superstar, van öär den as sik oaver internet verspreidden.[1] Later in 2007 verskeynen see en öäre family in de reality-TV-ryge Keeping Up with the Kardashians. Et sukses dårvan leidden al rap töt afleidingen der van, so as Kourtney and Kim Take New York (2011-2012) en Kourtney and Kim Take Miami (2009-2013).
De lätste jåren bouwden Kim Kardashian stelselmåtig ne online en sociale media-anweasigheid up. See bereikeden dårmed hunderden miljonen volgers up Twitter en Instagram.[2][3] Se hevt verskeidene produkte med öären naam der up uutegeaven, so as et mobile spelleke Kim Kardashian: Hollywood, ne ryge an kleyder en produkten, een fotobook under de name Selfish en ne persöynlike app med öäre naam.
Dårnöäst krigt öäre verholding med den räpper Kanye West vöäle media-andacht. Et stel trouwden in 2014 en hevt med mekander veer kinder.[4] Up den 19. februari 2021 wör bekend at Kardashian ne skeiding van West had anevrågen.[5]
Kardashian hevt mededån in films sou as Disaster Movie (2008), Deep in the Valley (2009) en Temptation: Confessions of a Marriage Counselor (2013).
Volgens et tydskrivt Time was Kardashian in 2015 eyne van de 100 meyst invloodryke lüde,[6] en Vogue Australie beskreav öär as "fenomeen van de popkultuur".[7] Souwal vöär- as teagenstanders nöömt öär en vöärbeald van ymand den as "bekend is ümdat he bekend is".[8][9] Volgens Forbes was see de best-betaalde televisy-persöynlikheid van 2015, med een inskatted inkoamen van sowat € 50 miljoon.[10]
- ↑ Pagesix.com. "The Kim Kardashian Sex Tape An Oral History".
- ↑ ET Online. Seemayer, Zach. "Kim Kardashian on the Success of Her Mobile App and Her Social Media Empire". etonline.com. Bekeaken up 11 juni 2016.]
- ↑ socialblade.com. "Top 100 Instagram Users by Followers".
- ↑ Caramanica, Jon.. "The Agony and the Ecstasy of Kanye West." New York Times. 10 april 2015.
- ↑ Nos.nl. "Kim Kardashian Vraagt Officieel Echtscheiding van Kanye West Aan". 19. february 2021. 5 määrt 2021.
- ↑ "Elon Musk Explains the Genius of Kanye West". 17 April 2017. Bekeaken up 19 july 2016.
- ↑ [https://web.archive.org/web/20180112034018/http://www.vogue.com.au/fashion/news/first look kim kardashian covers vogue australias june 2016 issue ,39109 Staff. "First Look: Kim Kardashian covers Vogue Australia's June 2016 issue". Vogue Australia. Bekeaken up 12 juni 2016. Skreaven up 8 mei 2016.
- ↑ (ARchiveerd) Scoreboard Media Group. The Paris Hilton Rule: Famous For Being Famous. Bekeaken up 13 september 2014.
- ↑ Wet Paint.com."Sure, She's Beautiful, but Why is Kim Kardashian Famous? Skreaven up 9 november 2013.
- ↑ "Kim Kardashian" Bekeaken up 6 december 2015.