Katoele

De katoele (Asio otus) is een grote oele, dee in heel Europa veurkump, behalven op Ieslaand. In aandere Nedersaksische dialekken as 't Veluws hef 't woord katoele soms disse betekenisse, mar verwiest 't soms ook naor de karkoele of naor oelen in 't algemeen (kiek ook bie Nedersaksisch hieronder).

Kenmarken

Lengte: 35–37 cm
Spanwiedte: 84–95 cm
Gewichte: 210-330 g
Levensduur: 10-15 jaor
Opvallend an 't uterlijk van de katoele bin mit name zien oorplumen, dee overigens gien echte oren bin. Verwiering mit de oehoe, dee ook oorplumen hef, is meugelijk mar de oehoe is veule groter as de katoele.

Asio otus otus

Voedsel

Net as de meeste oelen is ook de katoele veural actief as 't duuster is. Dit in tegenstelling tot de veldoele, dee ook wel overdag actief is. De katoele jaagt op knaagdieren en rustende voegels.

Verspreiding

De katoele kump veur in bosachtige gebieden mit naoldbomen en open terreinen. In de wienter verblieven katoelen grege in mekaars gezelschap. In der rusplaosen (naoldbomen, struken, wilde heggen) russen ze soms in grote groepen tot wel 100 exemplaren.

Nedersaksisch

Drèents: raansoele (oele of katoele is de oele in 't algemien)
- Op Ni'jlusen is Katoele ok een typische achtername.
Stellingwarfs: katoele (ook gebrukt veur de karkoele)
Veluws:
- katuul, katule, katoele
- ransuul, ransule, ransoele

Citaot

'En 's oams maakt de katoelen an de raand van de brink enkelt een oordiel net ofter iene vermoord wördt.'

Uut: Jan Poortman, De noabers harren 't negenongelok. In Rouke Broersma (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Het Drentse Boek

Waornemingen in Nederlaand

Kaorte mit waornemingen

Uutgaonde verwiezing

SoortenBank.nl - beschrieving, ofbeeldingen en geluud

Commons: Katoele - plaatjes, filmkes en/of gelüüdsbestanden.

Disse pagina is eschreven in 't Elburgs