John N. Gray
John N. Gray (17 april 1948, South Shields, County Durham, Verienigd Keuninkriek) is 'n bekende Britse poletiek filesoof en skriever. Hi'j was heugleraar Europees Deanken op de London School of Economics.
Skriever
[bewark | bronkode bewarken]Gray skref vake in The Guardian ('n kraante), New Statesman, en The Times Literary Supplement en hef 'n portie infloedrieke boeken eskreven over poletieke theorie, iene daorvan is Straw Dogs: Thoughts on Humans and Other Animals (2003), hier döt he 'n anval op 't humanisme, wat he zöt as 'n weerldbekieks dat op rilligieuze ideologien is fundeerd. A-j 't Gray vraogt is de wille, en daormet de moraal, 'n illusie en hi'j zöt de meansheid as 'n roofzuchtig soort die aandere levensvörms uutreuit en zien netuurlike umgewing ofbrek. Körte tied terugge har he nog kommentaar op 't utopise deanken van 'n feuruutgaangsgeleuve (sund de Verlichting) en op 'n kristendom, umdat dissent kwamen met de verlössingsgedachte.
Gray was 'n anhanger van New Right in 'n jaoren tagtig en daornao van New Labour in 'n jaoren neengntig. Teengnsworig zöt Gray 't konventioneelen links/rechts-spektrum van konservatisme en sosjaaldemokrati as nutloos.
Sund de jaoren neengntig is Gray feural bekend deur zien studie naor 't muuilike tussen 't pluralisme en liberalisme van Isaiah Berlin. En deur zien sgarpe kretiek op 't neo-liberalisme en de mondiale vri'je markt. 'n zettie eledene har he nog kommentaar op 'n portie belangrieke stroomings in 't Westerse deanken, zo as 't humanisme en 't utopisme, en giet he nöör, wat 't lek, 't ekologisme. Um wat an te halen: hi'j hef zien deanken onder aander 'n bettie van de Gaia-hypothese van James Lovelock over-enömmen. Maa hi'j zöt de toekomst duuster in, umdat he der van uutgiet dat de meanse nie zomaa zol veraanderen. En hi'j deankt dat de ienentwintigste eewe zol wörn belaogd deur oorloongn, met deurdat de netuurlike bronnen zo zaggies an op zult gaon.
Stukkies
[bewark | bronkode bewarken]Hier 'n antal stukkies uut zien boeken:
Geestlik lefen is niet ’n zuken naor betekenisse maa ’n bevri’jding dervan. (...) Aandere dieren hebt gien doel in ’t leven neudig. Maa ’t meanslike dier, ’n teengnsprake met zichzölf, kan nie zunder. Wörumme zollen wi’j der nie van uutgaon dat de zinne van ’t lefen ienvoaldig is te ziene? -Strohonden-
Schrieveri'je
[bewark | bronkode bewarken]- Mill on Liberty: A Defence (1983). ISBN 0710092709.
- Conceptions of Liberty in Political Philosophy (ed. met Zbigniew Pelczynski) (1984)
- Hayek on Liberty (1984)
- Liberalism (1986). ISBN 0816615217.
- Liberalisms: Essays in Political Philosophy (1989). ISBN 0415007445.
- J.S. Mill, "On Liberty": In Focus (ed. with G.W. Smith) (1991). ISBN 0415010012.
- Beyond the New Right: Markets, Government and the Common Environment (1993). ISBN 0415092973.
- Postliberalism: Studies in Political Thought (1993). ISBN 0415135532.
- Enlightenment's Wake: Politics and Culture at the Close of the Modern Age (1995). ISBN 0415163358.
- Isaiah Berlin (1995). ISBN 069104824X.
- Liberalism (2nd ed.) (1995). ISBN 0816628017.
- After Social Democracy: Politics, Capitalism and the Common Life (1996)
- Mill on Liberty: A Defence (2nd ed.) (1996)
- Endgames: Questions in Late Modern Political Thought (1997). ISBN 0745618820.
- Hayek on Liberty (3rd ed.) (1998)
- False Dawn: The Delusions of Global Capitalism (1998). ISBN 1565845927.
- Vertaling deur Thijs Bartels: Vals ochtendlicht : de keerzijde van de globalisering ISBN 9789026318283
- Voltaire (1998). ISBN 0415923948.
- Two Faces of Liberalism (2000). ISBN 1565845897.
- Straw Dogs: Thoughts on Humans and Other Animals (2002). ISBN 1862075123.
- Vertaling deur Willemien de Leeuw en Ruud van der Plassche: Strohonden : gedachten over mensen en andere dieren. ISBN 90-263-2062-0.
- Al Qaeda and What it Means to be Modern (2003). ISBN 1565848055.
- Vertaling deur Rob Hartmans: Al-Qaida en de moderne tijd. ISBN 90-263-1835-9
- Heresies: Against Progress and Other Illusions (2004). ISBN 1862077185.
- Vertaling deur Thijs Bartels: Provocaties : gedachten over vooruitgang en andere illusies. ISBN 90-263-1878-2
- Black Mass: Apocalyptic Religion and the Death of Utopia (2007). ISBN 0713999152.
- Vertaling deur Rogier van Kappel: Zwarte mis : apocalyptische religie en moderne utopieën. ISBN 9789026319686.
- Gray's anatomy : selected writings (2009). ISBN 9781846141911
- Boekn oover Gray
- Horton, John en Glen Newey, eds. (2007) The Political Theory of John Gray. London: Routledge. ISBN 041536647X.
|
Dit artikel is eskreaven in et sallandske dialekt van 't Vechtdal. |