Shinji Ikari

Shinji Ikari (碇 シンジ, Ikari Shinji) jè ll'isso 'e ll'anime Neon Genesis Evangelion, fravecato r'ô sturio Gainax e sceniato â Hideaki Anno, simbé r'ô manga scritto e disegnato â Yoshiyuki Sadamoto c’’o stisso titùlo. 'O perzunaggio cumpare nt'â ll'opere spirate ô nnevierzo r’’a serie anemata, nt'ê manga spin-off, videogiuoche, visual novel, dint'â ll'ONA Petit Eva - Evangelion@School e nt'ê cinematografe 'e Rebuild of Evangelion. Int'â lengua reggenale jè ntreppecato r'â rrecetante Megumi Ogata. Nt'ô taliano 'o ruollo suojo fuje rato â Daniele Raffaeli.

Shinji nt'â serie reggenale jè nu uajone sanza mate 'e quattuordece anne ca bene recrotato nt'â chiorma melitare Nerv pp'arreventà 'o pidoto 'e nu mecha canasciuto cummo Eva-01 e cumbattere mparanza, nzemmora â ll'ate pidote, ncontr'â mesteriuse nemmice annumenate Agnele. Pe mmiezzo ê sesche ca je succerettero dint'â picciolità, Shinji tene nu carattere fremmateco, malencuoneco e mutriuso, arreventanno temmoruso e scapace 'e cummunecà cu ll'ate cristiane. 'O perzunaggio turnesaje n'annumnenata ntra ô pubbreco 'e ll'appassiunate 'e anemazzione, fiuranno accussì nt'â vutazziune 'e mpopolaretà e abbencenno racanoscemiente. Cocco criteco 'o scardaje jorecannolo gnobbele, schiantuso e gnogno; â ll'ate mmece fujeno cuonce ppe bbia r’’o rialismo e 'a cumpressa sammena r’’a psiche suoja, purtata annanze ppe trammeto 'e frusse 'e cuscienza.

Criazzione

'O lleggista r’’a serie, Hideaki Anno, nnt'â ll'accumenzaglia r’’a fravecazzione 'e Evangelion, buleva nzertà na uajiona ca assumegliava â Asuka Sōryū Langley cummo issa r’’a serie. 'O mangaka e character designer r’’a serie, Yoshiyuki Sadamoto, teneva suspiche ncopp'â penzata 'e mpizzà n'ata vota nu perzunaggio femmena cummo isso aropp'ê ffateche 'e primma r’’a Gainax, GunBuster e Nadia. Stess'isso recette: «Nu robot adda jessere pedotato â nu cristiano adderitto, nun nce sta nisciuna defferenza si chillo cristiano jè femmena o ommo, mperrò nun me trase 'o ppecché na uajona adda pedotà nu robot». Fuje stisso Sadamoto ca spiaje 'o llegista 'e nzertà nu uajione cummo perzunaggio prencepale e â pinzà 'o rappuorto ntr'â Shinji e Asuka, criato scosciannose â chillo 'e Nadia e Jean 'e Nadia. Anno, accujenno ll'idee suoje, penzaje â nu isso masculo sperannose ê ll'opere 'e Ryū Murakami; nt'ô prugiutto fujeno mpezzate mpuree ruje cumpagne mascule, Tōji Suzuhara e Kensuke Aida, pejanno 'e nomme r'ô libbro Ai to gensō no fascism 'e Murakami. Ppe 'o nommo r’’o perzunaggio 'e Shinji Anno se spiraje â chello 'e ruje cumpagne r’’e suje, specie 'e chello r’’o cardascio suojo Shinji Higuchi, lleggista e anematore ca fatecaje â cierte puntate 'e Evangelion. Cummo cugnomme fuje scivoto 'o termene giappunese «Ikari» (碇), ca gnefeca «àncura», accusì â crià n'anchippo cu 'e nomme 'e ll'ate perzunagge r’’a serie, spirate â tiermene nauteche.

Shinji Higuchi, anematore e amico 'e Hideaki Anno

Sadamoto disegnaje 'o perzunaggio cu na nurmale montura 'e scola r’’a staggiona cu na cammisa janca, accussì â rà na mbriana 'e nu uajone nurmale. Isso cercaje 'e crià n'isso realisteco e ordenario, nu perzunaggio ca sarrìa stato desfiecele pe ll'ate â crià. O prugetto recenale 'o bereva cchiù gruosso fesecamente; Shinji hêva jessere mpurzì nu uajone steriuso. 'O cumpurtamento suojo n'hêva essere n'atteggiamiento bbuono, ma nu signo 'e passivetà. Sadamoto se sosciaje â Nadia Arwol, issa r’’a serie anemata Nadia, mpurr'essa r’’o sturio Gainax e deriggiuta â Hideaki Anno. Pe mmiezzo d’’o carattere particulare 'e Shinji, sanza aentusiasemo e 'o speretillo 'e ll'isse 'e ll'ate serie anemate mecha, Sadamoto fuje forzato â rà na «ddeverza ntreppecazzione r’’o cuncetto 'e aroe»: «No 'o refresso, ma na specie 'e refrazziona 'e n'aeroe». Ncap'â tutto bulette crià nu perzunaggo schieccho r’’a «cuscienza 'e ll'appassiunate 'e anemazzione 'e mmò», criannelo cummo 'a nu uajone femmeniello e refrattivo, na magena pulita ca 'e femmene prujettano ncopp'â ll'ate uommene. Nt'ê primme tiempe Shinji fuje disegnato cu mbriane nu poco ddevierze â chelle ddifinitive. Nt'â una r’’e primme penzate, verborazia, Shinji teneva 'e capille luonge e nu tuppè ca hevano boletià ô bbiento int'ê scene traggeche, penzata ca po' fuje jorecata poco maliusa e addonche arrefutata. Sadamoto addonche ô desegnaje cu 'a mbrianca 'e na uajona masculona, accusì â fà beré 'a fronta nfr'ê capille e rannele ll'uocchije 'e na uajona. 'O scrittore Andre C. McKevitt ntrebbecaje 'o design 'e Shinji, cu 'e capille marrune e ll'uocchie celeste, cummo 'a n'aesempio r’’o mukokuseki (無国籍), na penzata pe trammeto ca 'e character design r’’e perzunagge maggenarie giappunese beneno fatte sanza rà caratteristeche etneche precise.

Secunn'â Hiroki Satō, 'o capo 'e ll'affizio r’’e pubbleche relazziune r’’a Gainax, 'o staff accapaje ca 'a serie se sarrìa cuncentrata ncopp'â «cummo Shinji affronta 'e ccose ca succerono rint'â isso». Ll'isso fuje criato cummo â nu schiecco r’’o carattere 'e Anno, «sia 'a parte cuscente, sia chella ncuscente». Ate rechiarazziune spicciate benettero â ll'assestente â leggia, Kazuya Tsurumaki. Sicunno Tsurumaki: «Pe ffà â Shinji se pigliaje 'a mudello Hideaki Anno. Shinji fuje chiammato r’’ô pate suojo ppe pedotà nu robot, tramente Anno fuje chiammato r’’a Gainax ppe dereggere na nova serie anemata». Cummo ate isse maschele criate r’’o sturio Gainax, verborazìa, Shinji se criaje cu nu carattere debbele e temmeruso, accusì â refrettere chello 'e ll'appassiunate 'e anemazzione e 'a suggittà giappunese, arù 'e pate zongo sempe â fatecà. Fuje sempe Anno ca scegliette ll'aità 'e ll'isso, circanno 'e spicchià 'e fegliuole r’’o paese suojo, ca siconno â isso s'appenneno troppo 'e ggeneture:

	« Ll'isso r’’a vecenna tene quattuordece anne pecché dint'â st'aità nun jè nu piccirillo, ma manco gruosso. Vvive sulo isso, ma jè attaccato â ll'ate cristiane. [...] Ij penzo ca â quattuordece anne se accumencià â verè pe 'a primma bota na nnepennenza mentale, addonche mme pareva accuoncio nmpizzà stu cuncietto nt'â ll'opera meja. »
	(Hideaki Anno)

Nt'ô primmo episodio 'o leggista mpezzaje na scena arù Shinji rice "N'aggi fujì!" sperannose â sperienza soja, ê quattre anne 'e pausa primma r'â fravecazzione 'e Evangelion. Anno hêva fatecà ncopp'â Aoki Uru, sequel 'e Honneamise maje fravucato. Ll'isso 'e Aoki Uru, fujenno sempe r'ô passato suojo, se saria truato â sarvà ll'essa e affruntà 'e duvere suoje. Sicunno â Yasuhiro Takeda r’’a Gainax, nfatte, grazzie â Aoki Uru Anno putette truà 'a fforza pe n'allippà r'ê prubreme, e «tutto chillo ch'amma veruto nt'â Evangelion ammacare jè sulo nu schiecco r’’e sentemiente suoje».

Ntreppecazzione

'O perzunaggio 'e Shinji fuje ntreppecato r'â rrecetante Megumi Ogata nt'â serie anemata recenale, nt'ê cinematografe 'e Neon Genesis Evangelion: Death & Rebirth e Neon Genesis Evangelion: The End of Evangelion, nt'â tetraloggia Rebuild of Evangelion e nt'â ddevierze videogames, cumm'â Meitantei Evangelion e Shin seiki Evangelion - Kōtetsu no girlfriend 2nd. Cu 'o ruollo 'e Shinji, annumenato stiss'â Ogata ntr'ê «cchiù mpurtante» r’’a carriera soja, 'a seiyū abbuscaje n'annumenata ntr'ê ll'appassiunate 'e anemazzione. Pe ntreppecà 'o perzunaggo s'abette astregnere e fà gruosse fuorze, sbacantannose nt'ô fiseco e nt'ô core, cummo verborazia nt'ô decedottesemo episodio r’’a serie, arò â fenale se sentette «nzerriusa nt'â tutt'o cuorpo»: «Tutt'e bote ca beneva na nova scenìata, tutt'e bote ca sfronnaje na paggena nova, mme sentevo sempe cchiù flatusa». Pe ' cinematografo The End of Evangelion avette mpurzì circà 'e avé nu tasso 'e sincrunia cu Anno angora cchiù aveto 'e chello r’’a serie.

'A ntreppecazzione fuje nozzolusa mpurre pe 'a siconna pellicula r’’a tetraloggia Rebuild of Evangelion, Evangelion: 2.0 You Can (Not) Advance. Ogata, nt'â ll'utemo juorno, abette â alluccà pe tutt'ô tiempo, e â fenale se scutolaje nterr'ô sturio 'e registrazzione, sfastreata. Quanno steva assittata nterra Hideaki Anno trasette e s'assittaje nzemmor'â essa. Nt'â chillu mumiento 'o leggista 'a alludaje pe tutt'a fateca ca steva facenno e hê stregnette â mana, ricenno grazzie pe «n'avé cagnato 'e sentemiente r’’o perzunaggio» e p’’avé jognuto «trirec'anne r’’a sperementata vuosta â stu novo Shinji». Nt'ô cinema aroppo, Evangelion: 3.0 You Can (Not) Redo, arù Shinji bene trattato frettamente â ll'ate miembre r’’o cast, Ogata recette ca se sentette cumm’’a isso e ca pruvaje dolore emotivo. 'A doppiatrice verette p’’a primma bota 'a scena arù Kaworu fà beré â Shinji 'e cunnezziune 'o chianeta Terra â casa soja, quanno nun jera ngora anemata. 'E registrazziune fujeno faciute nt'ô miso 'e Marzo 2012, e essa nchippaje 'o paisaggio destrutto r’’o cinema ê mmggene r’’o terremoto ciappunese r'ô 2011 mmagenanno ca ll'acciretorio fuje colpa soja. Allegistranno 'o prescore 'e disigne p’’a scena r’’a morte 'e Kaworu nun jerano ancora defenite, e durante 'e retepaste pe 'a legistrazzione 'o staff anemaje 'e keyframes. Ogata rumanette sciuccata quanne arrecetaje 'a scena e dechiaraje ca 'a ntreppecazione soja refrette 'o stato emotivo suojo, resortanno nu poco traumateca. Nt'â chiunchiusone r’’a saga, , 'a versione granne 'e Shinji jè ntreppecata â Ryūnosuke Kamiki. Pe 'o cinematografo fenale Ogata turnaje nt'ô ruollo r’’a versione uajuncella, arreventanno cchiù mporente nt'â cuncezzione r’’a ntramarija r’’o lungometraggio. Anno nfatte sentette 'e nun jessere cchiù capace 'e trase nt'â capa 'e Shiniji cummo a na bota, sentennose mmece cchiù beceno 'o pate suojo, Gendō; isso addonche havette parlà cu ll'Ogata pe puté purtà annanze 'o perzunagge, arrimannan'â ntreppece 'a cuncrusione ca vurrìa pe ll'iso r’’a ntramarja. 'O leggista percepette pure ca 'e sule crestiane ca putevano ancora capì 'e sentemiente r’’o uajuncello jerano Ogata stissa e n'atu membro r’’o persunale, Ikki Todoroki.

Ll'addoppiaggio taliano r’’o perzunaggio fuje assignito â Daniele Raffaeli. Siconn'ô deritture taliano, Gualtiero Cannarsi, ntreppecà â Shinji fuje nuzzuluso, e 'o ruollo fuje rato â Raffaelli sulo aropp'â annuece nzaie, «nu nummero àuto mpurre pe nu prudotto cinematografeco». Nt'â lenga ngrese jè addoppiato â Spike Spencer, int'â lengua spagnuola e catalana â Albert Trifol Segarra, â Víctor Ugarte nt'â latinomerecana, â Fabio Lucindo int'â portuésa, â Hannes Maurer int'ô germanese e â Donald Reignoux nt'ô franzese. Pe 'o duppiaggio 'e Netflix fuje ntreppecato â Stefano Broccoletti nt'ô taliano, Casey Morgillo pe 'o ngrese, Carlos Larios pe 'o spagnolo e Christian Zeiger pe 'o germanese.

Biografia

Shinji Ikari nascette rint'ô 6 'e Jugno 2001 cummo figliuolo 'e Gendō Rokubungi e Yui Ikari, na assaggia sturiusa 'e ll'Uneverzetà 'e Kyoto. Ô 2004 fuje purtato r'â mamma nt'ô lavuratorio r’’o Gehirn, ô stiss'o juorno 'e nu sperimiento ppe appiccià ll'Evangelion 01. Pe mmiezzo 'e nu ncirente ca nce fuje nt'ô test 'a femmena scumpare sott'â ll'uocchje r'ô piccirillo. Gendō, aropp'ô vaiano 'e Yui, lassa Shinji â nu canuscente suojo e 'e ruje campano ppe cchiù 'e riec'anne sanza 'e se beré. Na bota ca fà quattuordec'anne Shinji bene chiammato r'ô pate nt'â cità 'e Neo Tokyo-3 nt'â basa 'e ll'aggenzia Nerv, arò 'o pate jè 'o cummannante. 'O 22 'e Jugno 2015 jogne na criatura annumenata Agnelo accumencia â abbescà 'a cità, ngarbuglianno 'e meletare 'e ll'ONU. Pe fà pietto ô periculo â Shini bene cummannato 'e pedotà nu gruosso mecha annumenato Evangelion, e pe bbia r'ô savuorrio ca tene pp'ô pate resciota 'e sajere ncopp'ô mecha. Mmec'e isso Gendō annomena 'a First Children Rei Ayanami pedota 'e riquesto, simbé 'a uagliona jè scellata; verennola ntranseto e nagonia, Shinji azzett'o mperio. 'O juaglione arreceve 'o titulo 'e Third Children e hê bene rata l'Onetà 01, arò jè nchiusa ll'anema r’’a mate. Aropp'a vattaglia Shinji pij'e casa â Neo Tokyo-3, ma, pe miezzo r’’a mpozatura ntr'â isso e ô pate, ffà bita nt'ô quartino r’’o primmo suojo, 'o capetano Misato Katsuragi, ca arreventa sopprejore e tutora affiziale r’’o guaglione.

Aroppo jessere recrutato nt'â Nerv s'accumenciano â veré cierte cagnamiénte. Arreventa amico cu cocco novo cumpagno 'e scola, cumm'â Tōji Suzuhara e Kensuke Aida, e canosce 'e nnove cardasce suoje, Rei Ayanami e Asuka Sōryū Langley. Aropp'â ll'atesbuorde 'o uaglione se mmatte cu 'o Fifth Children, Kaworu Nagisa, vulennolo subbeto bene. Kaworu se scruope jessere 'o ricassettesemo e utemo Agnelo Tabris, ca bò appassà â 'o primmo Agnelo Adam, paruto jessere nt'ô lato 'e vascio r’’a basa r’’a Nerv. 'A scupierta scombena Shinji, ca remmane scuosso; isso arreceve 'o mperio 'e secotà â Kaworu cu ll'Onetà suoja. Aroppo avé scupierto ca nt'â basa r’’a Nerv jè nchiuso 'o sicunno Agnelo, Lilith, Kaworu se fà piglià â ll'Eva-01, rimannanno 'e jesse acciso, sfivolo ca 'o cumpagno ssaodisce varcolianno. Scannato e cu 'o trivolo 'e avé frosciato 'o cumpagno, Shinji s'accumencia â rimannà ppecché campà nt'â nu munno 'e malepatenza. Nt'ô fenale, arù ll'aneme 'e tutt’’e crestiane se fonnono nt'â na sula cuscienza co' Pruggetto p'ô Perfezziunamiento 'e ll'Ommo, capisce 'o valore suojo, rumpenno 'a gongola ca s'aveva fravecato 'tuorno e accumencianno â se araprì ô munno. 'E perzunagge cumpajeno pe cungratularse cu isso; Shinji, cu na resella, hê ngrazia tutte quante.

Nt'ô cinematografo The End of Evangelion, aroppo jessere sagluto ncopp'â ll'Onetà 01, Shinji bere l'Eva-02 'e Asuka spetacciato r'ê nnove Mass Production Model, fravecate â na suggità annumenata Seele. Sbagottuto, 'o guajone allucca nzemmor'â ll'Eva-01. Ll'allucche suoje fanno benì n'arma canusciuta cummo lanza 'e Longinus r'â Luna. Aropp'â benuta soja 'e nnove Eva ncarvojano ô 01 cu 'o Third Children â rinto, e ll'Eva-01, nconocchiata, accumencia 'o Perfezziunamiento. 'E fatte nu banno sicunno 'e chiane r’’a Seele, e â ntrasatta 'o guajone se truova â puté scejere 'o pruciesso. Nu pavennanno cchiù 'e jessere feruto â ll'ate crestiane, Shinji sceje 'e bibere nt'ô munno arà nce stanno porzì ll'ate, arruinanno 'e chiane r’’a suggità. Aroppo c'ave scivoto ll'Eva-01 accumencia â bolà nt'ô spazzio, e 'o guajone se sceta ncopp'â na chiaia cu Asuka 'e lato â isso.

Carattere

«[Ij bulevo] nu perzunaggio nguttuso e fogliamolla, chillu tipo 'e crestiano ca se bò accirere ma ca nun te ll'anemo r'ô ffà. Bulevo crià nu perzunaggio flatuso ca renonziaje â bita»

—Yoshiyuki Sadamoto, character designer r’’a serie anemata

	« Shinji jè nu uaglione nurmale, chillu uaglione ca pò truà â tutte parte. Ma ca pò ffà si bene mpizzato â ntrasatta nt'â nu fatto ncontr'â prammateca? Cummo avarrìano sfonnoliato 'o core e ll'anema soja? Accumenciaje â mmaccenà sti ccose cummo faccio sempe pe 'e ruolle meje, ma aroppe me mborzaje. E accappaje ca me sarrìa sulo zeffonnà nt'â storia. »
	(Megumi Ogata, recetante 'e Shinji)

Shinji jè nu guaglione cu nu carattere mutriuso, cu poche cumpagne e scapace 'e cummunecà cu ll'ate crestiane. Isso gaveta 'e se nzeccà cu ll'ate crestiane, accussì 'e nu sfeccaglià ll'ate o nu jessere feruto â lloro. Nt'ê relazziune ca stregne, verborazia, Shinji ngrena â tené na posetura passiva, ca 'o fà soggiacé sanza 'e ricere niente 'o bulé 'e ll'ate perzone e addimannà scusa pe tutto coso. Mporzì ll'abbiglié suojo fà penzà ca n'accapa 'o vestuario suojo, ma ca se mette sulo ll'accunciature c'arreceve. Sicunn'ô Gerald Alva Miler 'o uajone tene 'o sfiolo 'e jessere azzettato e se rà penziero 'e chello ca ll'ate penzano 'e isso, rumanenno scapace 'e cummunecà e 'e azzettà ll'ammore 'e ll'ate. Sicunn'â Sadamoto, «[Shinji] jè 'o tipo ca se bò fottere 'e chello ca ll'ate penzano, ma 'o vero jè nteressato. Jè 'o tipo 'e perzunaggio ca se bole nchuichiere nt'â stissa gongola suoja». Mpurzì 'a rrecetante r’’o perzunaggio, Megumi Ogata, recette ca: «Shinji jè nu uaglione strano assaje, ppecché nu pare nu perzunaggio 'e nu cartune anemato, ma parla accrianzato e nguttuso, cummo si fuosse stato â ntrasatta mpezzato nt'â nu munno anemato». Hideaki Anno parlaje 'e isso cumm'â nu «fegliuolo ca se sfarca r'ô cuntatto cu 'o prossemo suojo» e ca sbennegna 'e pò «capì stess'â isso». Siconn'ô lleggista, Shinji è nu «ugaglione gnagnera», ca penza 'e jessere nu crestiano «nnutele» e nu bulut'â nisciuno. Stu carattere ô fà alleppà 'o paraggio cu ll'ate e â nu stà â sente 'e 'mperie c'arreceve.

Sicunno ô criteco Manabu Tsuribe, respietto â chello ca bene nurmalmente anchippato â 'o cuncietto 'e aroe, Shinji nu bò fà niente pe stitt'isso, nu ba annanza e n'arreventa cchiù «nnepennente». Simbé have 'o ruollo 'e ll'isso e tene na 'mpurtante ncommenza, isso peleja tetobante, manefestanno sentemiente niative cumm'â collera, tremmentina, jajore e nzolarcamiento. Pe mmiezzo 'e Gendō, ca 'o abbannunaje â peccerillo, Shinji se scarpena sempe. Simbé 'o pate jè 'o sulo genetore ca tene, Shinji prova nu sentemiento 'e mpicca e amore e odio, e, sfastio tutt'o paruto rango ca glie bò, bole avé stemmativa 'e isso. 'A sescha ca avette nt'â picciolinetà 'o purtaje â arreventà ndobbiuso ncopp'ô balore r’’a bita suoja, sbelirse e circanno na raison d'être (存在理由, sonzai riyū) pe sé. 'O psichiatra ciappunese Kōji Mizobe ô ntreppecaje cummo 'a nu uajone depennente e scapace 'e cummunecà, ma berenno cummo caratteristeca assenziale 'e Shinji 'a sugievolezza, ppecché abituato â jessere sintonezzato cu ll'ate, â ll'azzettà, cuffià e arreventà na cosa sola cu lloro. Nt'â nona puntata, verborazia, isso sincronezza sanza prubreme 'e jeste suoje cu chelle 'e Asuka, e Mizobe berette nt'â stu fatto na prova ca isso po' facilmente osservà e fà suoje 'e caratteristeche 'e ll'ate.

Nt'ô primmo episodio r’’a seria regenala accumenci'â rrepetià 'e pparole «N'aggia fujì!», cummo si circasse 'e truà 'o bulé 'e sajere ncopp'â ll'Eva e 'e ffà pietto ô pate. 'O secotorio arreventa una r'ê scrammazziune cchiù annumenate r’’o perzunaggio, ca ppe bbia r’’o particulare carattere suojo jè furzato â truà ll'anemo ppe ffà cierte jeste. 'O carattere suojo, scrupuluso e scetteco, 'o ffà arrimannà pecché pedotà 'o mecha cu tutt’’a malepatenza c'have. Stess'isso rint'â ventesema puntata s'allecorda 'e jessere «alleppato» r'ô loco 'e sperementazzione arù 'a mate murette, episodio ca fuje 'a riggene r’’o penziero «nu fujì», ca nu fasciculo offiziale 'o chiamma «compulsivo» . LL'uteme episodie r’’a serie anemata se cuncentrano ncopp'â psiche suoja, ncopp'â sprementata, 'a bita e 'e scuoglie nt'ê relazziune cu ll'ate perzone. Nt'ê ppuntate s'arrimanna 'o cchiù gruosso zeffunno e 'o vero iusso ca 'o fà sajere ncopp'â ll'Eva, cu 'o jusoncuorpo 'e avé temmore 'e stiss'isso e avé paura r’’o pate. Pe 'o peccerillo Shinji 'o spartecasatiello 'e Gendō fuje 'a jonte 'e nu gruosso trauma, ca ncorcaje 'o sienzo 'e jerremo. Pe mmiezo 'e chesto, aroppo jessere chiammat'ô pate â Neo Tokyo-3, isso cuntinua â purtà ll'Eva ppe puté avé ll'ammore e 'o cuocolo 'e ll'ate. Pe nu joco 'e carte ncopp'â serie aroppo jessere stato stemmato r'ô pate Shinji a'addona pe 'a primma bota quanto isso tene besogno 'e isso. Siconn'â Megumi Hayashibara, 'a rrecetante 'e Rei Ayanami, Shinji nun jè anemato â nu senzo 'e sagrefizio e bole avé ll'ammore r’’o pate. Siconn'â Tsurumaki jè 'o cuntrario 'e chello ca pare: «[Shinji] non jè né debbele né fojamolla; è capatosta e nun je mporta veramente 'e ll'ate perzone». Anno descrevette â Shinji cummo 'a nu uajone «ntroverso» e «vertuoso» ca bò categurizzà 'e ccose, 'o tipo 'e perzunaggio ca annascunne coccosa, «cummo 'a manera 'e sfuì â chella chisura». Secunn'â Sadamoto nun jè accussì pessemista cummo bene beruto; a parte The End of Evangelion, arù bene fiurato cummo «cupo e ntrospettivo», ll'artista recetta ca n'avette maje 'a mpressione 'e nu persunaggio accussì flatuso nt'â serie recenale. Sicunno Ogata â fine film Shinji cresce, chiurenno cu natoralezza 'o percurso nfr'â picciolinità e 'o munno adulto.

Ate media

Nt'â na scena 'e ll'utemo episodio r’’a serie anemata bene fatto veré nu nnevierzo cu na storia luntana ê puntate 'e primma; nt'â rialtà alternativa Shinji campa cu tutt'e ruje 'e geniture e jè nu nurmale sturiente r’’e scole merie. 'A stessa cosa se pò beré nt'ô videogame Shin seiki Evangelion - Kōtetsu no girlfriend 2nd. 'O perzunaggio cumpare mpurzì nt'ê spin-off r'â serie anemata reggenale. Int'ô manga Neon Genesis Evangelion The Shinji Ikari Raising Project, verboazia, bene presentato cummo nu compagno 'e piccolinità 'e Asuka e nu lontano parente 'e Rei. Nt'â ll'original net anime Petit Eva - Evangelion@School, Shinji bene raffiorato cumm'â nu uaglione «temmeruso 'e arreventa gruosso», ma jocuso e annumenato ntr'ê sturiente r’’a scola soja, 'a terza accademmia munecepale "Nerve" 'e Neo Tokyo-3. Nt'ô manga Evangelion - Detective Shinji Ikari, verborazia, 'e perzunagge 'e Ryōji Kaji e Kaworu Nagisa beneno raffiorate cummo ruje detective e Shinji bene furzato â addimannà 'e jessere ajotato, ntacanno cu llòro ncopp'â nu fatto 'e crocana

Ate versiune beneno presentate nt'â Rebuild of Evangelion, remake r’’a serie 'e televesione. Int'â Evangelion: 2.0 You Can (Not) Advance, sicunno cinema r''o Rebuild, Shinji bene raffiorate nt'ê panne 'e nu fegliulo cchiù speretillo e apierto â respetto r’’o recenale, ca bò arreventà gruosso e cchiù guappo. Mpurzì 'o rappuorto ntra Gendō e Shinji pare meglio. Simbé tene ancora mpicca pp'ô pate pe jessere stato sbennegnato, 'o Third Children accumencia â confruntà 'o genetore grazzie 'e cunsiglie e 'e ncuraggiamente 'e Misato e 'e Rei Ayanami. Nt'â pellicula aroppo, Evangelion: 3.0 You Can (Not) Redo, 'o uaglione, scetannosce aropp'â quattuordec'anne ê fatte r’’o sicunno cinematografo, scopre ca 'e jeste suoje anna reggenato nu gruosso cataclisma ncopp'ô chianeta, ca stagliaje cagnamiente accussì biuliente â arriventà quase nabbetabbele. Tutt'e viecchie cumpagne suoje parono avé mpicca pe isso, ma sanza 'e ntelà ll'iusso, e pe nu ffà sagliere 'o uaglione n'ata bota ncopp'â nu Evangelion 'e bene miso na pistagna ncuollo, na gorgiera ca 'o pò accirere sulo nu cu 'mperio 'e Misato. 'O sulo crestiano ca 'o tratta buono jè Kaworu Nagisa, c'hê appresenta 'a pussebbeletà 'e cagnà e 'e nu forautte ppe accumencià tutto coso ô capo. Shinji tuttavota fallisce e Kaworu more.

Nt'â Evangelion: 3.0 1.0 Thrice Upon a Time, utemo capitulo r’’a saga, Shinji, aropp'â morta 'e Kaworu, scarpunea sanza buluntà 'e campà cu Asuka e Rei. Nzemmor'ê roje cardasce soje trase nt'â na citadella prutetta abbetetata r’’e sopravvissut'ê vvarie Impact e isulata r'ô munno 'e fora annummenata Villaggio-3. Accà Shinji ncontra 'e viecchje cumpagne suoje Tōji, Kensuke e Hikari Horaki, e grazzie â Asuka e Rei a craie a craie torna a avé 'a vuluntà 'e campà. Isso addonca scapa 'e partere cu Asuka e cu ll'ate r’’a Wille pe ll'Antartide, arù Shinji ncopp'â ll'Eva-01 affrunta 'o pate Gendō e ll'Eva-13. Nun ngarranno e bencere palejanno 'o uajone s'accapa addonca 'e raggiunà cu isso; nt'ô pruciesso Gendō ô stregne e arrimanna 'o perdono â Shinji. Shinji se trova accussì nt'â nu munno renato, e ncopp'â na chiaia ber'â Mari Illustrious Makinami, salutanno pe sempte tutte ll'Evangelion.

Manga

Shinji nt'ô manga 'e Yoshiyuki Sadamoto tene nu carattere cchiù forte; isso cercaje r'ô fiurà cumm'â mu maleuajone, nu uajunciello cchiù rebelle r'ô Shinji 'e Hideaki Anno. Nt'â serie classeca 'a frase soja è «N'aggia fujì!», pe tramente nt'ê fumiette ll'artista accapaje cummo 'a temateca prencepale chella 'e ll'onestà 'e sé. 'O Shinji 'e Sadamoto, poco primma 'e ncuntrà Misato p’’a primma bota, arragiona ncopp'â bita soja, remostranno 'e jessere deverzo â chillo anemato. Aropp'â vattaglia ncuntr'â Bardiel, verborazia, arù 'o compagno suojo Suzuhara more, cerca 'e rà nu fàino ô pate. Nt'â ll'anime ll'Eva-03 vene acciso r'ô Dummy System sanza ca Shinji putìa sapé chi nce steva â into, nt'ô manga isso jè cuscente r’’ o pilota.

'O Third Children, nt'â quarta puntata 'e ll'anime, se ne fuje â casa nova nu suppurtanno cchiù 'e responsabbilità, nt'â verzione 'e Sadamoto fuje aroppo ca s'addona ca Misato bere chello ca fà. Mpurzì 'a trazuta 'e Langley jè deverza; nt'ô manga Shinji nu cumbatte ll'Angelo Gaghiel cu Asuka, ma bere 'a palejata aropp'â chiunchiusone. Kaji mmece nt'ô fumetto arreventa nu mentore pe isso. 'O rappuorto suojo cu Kaworu jè desfiecele; Shinji nun 'o supporta, e nt'â nu capitulo hê mette 'e mmane nguollo circanno 'e ll'affucà. 'E deverzetà cresceno nt'ê ll'urdeme capitule, ca corresponnono ô cinematografo The End of Evangelion; 'e raggiune e 'o percorso r’’o uajone jè devierzo durante 'o Perfezziunamento, cu na vesione cchiù ottimisteca. Quanno 'a Nerv bene attaccata r'ê Jieitai, verborazia, Shinji nu bene sarvato â Misato, ma r'ô pate, ca je rice 'e jessere zeluso 'e isso â nasceta, pecché arreventaje â ntrazatta 'o centro 'e ll'amore r’’a mujera. Aroppo 'o fallemiento r’’o Perfezziunamento 'o uajone cuntinua â bivere nt'â nu munno arù 'e Mas Production Model zongo arreventate 'e petra e nisciuno ne canosce cchiù ll'origine; nt'â nu paisaggio 'e neve, Shinji, mmiezz'â gente, ncomntr'â na uajona ca assumeja â Asuka, rannole 'a mano beceno ê porte 'e nu treno.

Uardanno 'e primme puntate r’’a serie anemata e mazzecanno ncopp'â cierte sbattute 'e Shinji, Sadamoto fuje mmogliato â fatecà ncopp'â nu manga suojo 'e Evangelion, addimannannose «cummo jè 'o munno ppe ll'uocchie 'e Shinji». Stu sfiolo 'o facette cagnà cierte minute r’’o perzunaggio, arrevotannone 'o carattere. Fatecanno â ll'opera l'autore cercaje 'e spiccicà Shinji cu 'e fegliuole r’’o vintunesemo seculo, chierennose cummo se pò cumpurtà nu guaglione si 'o fanno ghì â uerra ncopp'â nu elicottero. Nt'â capa 'e Anno, pe' Sadamoto, nu crestiano desfiecele nascunne 'a pazzaria arret'â na faccia affascenante nzarcenara, pe tramente 'o stile 'e ll'artista jè 'o cuntrario, cu perzunagge ca pajeno desfiecele e nu nuzzulo stoeco e serio, cumm'â criature piccirille. Sadamoto descrevette 'o Shinji suojo cummo 'o tipo 'e perzunagge ca nu bò stà â sente ma po' sceglie bbuono, circanno 'e crià nu perzunaggio r'â parte cchiù stoeca r’’o carattere suojo. Ppe crià meglio 'a psicologgia r’’o uaglione se sciosciaje ê ll'anne 'e fegliolanza suoja, allecurdannose 'e quanno jera pur'isso uagliunciello e cercanno 'e «carrià 'a bita meja ncopp'ô papiello».

Psicologgia

	« [Evangelion] jè 'a storia 'e n'isso ca, simbé arrepete sempe 'e stesse spremiente, s'aiza tutt’’e bbote. Jè 'a storia 'e nu nzaio, chillo 'e cammenà, mpurzì iappe iappe. Jè 'a storia 'e na resoluzzione, r’’a buluntà 'e stà nzemmor'â ll'ate, mporzine cu 'o scuoglio r’’a paura 'e tuccà ll'ate, mporzine si s'adda parià na specie 'e jerremo »
	(Hideaki Anno, 28 'e Settiembre 2006)

«[Shinji jè] nu fegliuolo ca se sfarca r'ô cuntatto cu 'o prossemo suojo. E bò campà nt'â nu munno nchiuso, cundannannose sul'isso. Nu uajone [...] ca nu ngarra mango 'e s'accire. [...] [Shinji e Misato] zongo crestiane temmeruse 'e puté jessere ferute, e tutt’’e ruje nun ponno jessere definite aroe 'e nu cunto, siccome nu teneno n'atteggiamento positivo»

—Hideaki Anno

Shinji, aroppo jessere trasuto nt'â scola 'e Neo Tokyo-3, nu ngarra â truà ammecisia cu 'e nnove cumpagne 'e crasse e se tene lacuommeco, friddo e nguttuso. Siconn'â duttora Ritsuko Akagi 'o guaglione tene 'o «dilemma r''o puorchespino», nu termenene r’’a psicoanàlese e mpizzato â nu cunto r'ô felosofo germanese Arthur Schopenhauer. Shinji, cumm'ê puorchespine r'’’o cunto 'e Schopenhauer, tene paura ca 'e crestiane abbecen'â isso se ponno ffà mmale e rice sizio â 'o cuntatto cu ll'uommene. 'O rappuorto suojo cu 'o capetano Misato Katsuragi arrepeglia 'a mmetamafora 'e Schopenhauer; siconn'â isso, nfatte, int'â tutt’’e rappuorte s'adda tene na luntananza pe nu nse rà nguollo. N'ata ntimia â stu cuncietto se pò truà nt'â quarta puntata, annumenata Hedgehog's Dilemma, arù 'e ruje perzunagge ngarrano â s'abbecenà sanza ferute. Hedgehog's Dilemma nu jè 'a traduzzione ngrese 'e «'o dilemma r’’o puorchespino»: chella justa sarrìa Porcupine Dilemma. 'O termene hedgehog enneca 'o rinazzo, n'animale ca assumeglia â 'o puorchespino ma ca tene 'e spunzune cchiù piccirille e meno ncucciuse. Sta luntananza fuje mpezzata ppe na sceveta 'e stile 'e ll'autore, ca bulette crià na mmacena cchiù gentile r’’o perzunaggio 'e Shinji. Nt'â psicologgia suoja se pò beré nu cumpresso edipeco ppe 'o pate Gendō, nzemmora â nu cierto ammore e sentemiento ppe Rei Ayanami, clone jeneteco r’’a matre soja, Yui. Pirciò 'a ntramarja 'e Neon Genesis Evangelion pò jessere ntreppecata cumm'â na ngarbugliata versione muderna r’’o cunto 'e Edipo, addù 'o fegliuolo se sente amato e odiato r'ê fiùre r’’e geneture. Siconn'â Hideaki Anno, verborazia, Shinji «accire» 'o pate suoje, sceppanno e purtannose 'a mate â isso:

« [Evangelion] jè 'a storia 'e Shinji ca accire â 'o pate suojo [Gendō] e annasconne a mamma â isso. [...] Nce fuje na specie 'e riquesto ppe' nu robot [annummenato Eva], addonche 'a mamma vera ['e Shinji] arreventaje nu robot, mpero nce stà porzì na mamma ca tene 'e stissse anne suoje, Rei Ayanami. [Rei jè] pure co 'o pate vero [Gendō]. Nce sta porzì n'atu pate, Adam, ca cuverna sti fatte. Bulevo ca tutte sti nchippe criasseno nu cumpresso 'e Edipo a cchiù cienze. »

(Hideaki Anno)

'E critece ntreppecajeno ll'Anghele cumm'â fiùre paterne ca Shinji adda pelejà; ll'Eva-01 mmece fuje ntreppecato cumm'â nu sostetuteno r’’a mamma Yui. 'O vaiano â ntrasatta r’’o genitore fuje l'usso 'e nu trauma ppe 'o peccirillo Shinji, ca bole truà nu sostetuteno r’’a fiùra r’’a mate rint'â ll'ate femmene e nt'â ll'Evangelion ca je fuje rato. Siconno â Mike Crandol 'e Anime News Network nt'â ll'accumenzaglia r’’a serie 'o uaglione depenne nt'â tuttocoso ppe ll'Onetà 01; palejanno e departenno ll'Agnele nu pote cuntinuà cu sta depennenza. Quanne bene mpizzato nt'ô mecha se pò beré 'a mmacena 'e na «turnata nt'ô tummolo r’’a mate», e 'o fegliuolo adda jessere nnepennente ppe puté arreventà n'ommo. Dint'ô vintesemo episodio 'e ll'anime, annummenato Weaving a story 2: oral stage, Shinji bene trapoliato e sponzato nt'â ll'Eva-01; nt'â nu luongo frusso 'e cuscenza bive 'a scena r’’a nasceta soja, truanno 'a speranza ppe turnà â campà nt'ô munno riale e abbuscà 'o cuorpo suojo. Shinji rint'ô pruciesso ave vesiune ca allecuordano 'a fase urale, 'a primma fase nt'â teoria psicosessuale 'e Freud, arù stà purzì na scene arò bene allattato nzin'â mate. Isso tene mpurre carattere ca beneno zitate pp'e «perzonaletà urale», ca se pò beré nt'â cierte crestiane dipenniente, ca abbesognano 'e attenzione e sempe trappoliate nt'â na recerca 'e ammore e affetto. Pe' Yūichirō Oguro, ca curaje cuntenute 'e ll'edizione home video 'e Evangelion, benerenno 'o zino r’’ a mate ngarra â sopraneià 'a fessazione urale, arreventanno nu crestiano chiù coscienziuso 'e sé.

Ll'analese psicologgeca 'e Shinji nt'ô episodio fenale r’’a serie ntreppeca 'a teurìa psicoanaleteca 'e Freud, addù 'o criaturo nt'ê primme anne 'e bita penza 'e tene ruje mate, annumenate «mamma bona» e «mamma malamente». Shini rint'â puntata bere 'o lato bbuono e 'o lato malamente 'e ll'ate crestiane, cumm'â nu criaturo ca nt'â fase urale capesce ca nce ponno stà ruje perzonaletà nt'â nu sulo crestiano. Ll'Eva-01 jè addonche na jonte 'e na ammivalenza; nt'â tiermene psicologgece Shinji fà na «spartizzione r’’o zino», nu pruciesso arù 'o fegliuolo, ca nu ngarra â cuntrullà 'e sentemiente ammivaliente p''a mate, sparte nt'â ruje patte 'o zino r’’a mamma, zoè nt'â nu «zino bbuono» e «zino malamente». Ll'Onetà 01 pò jessere na specie 'e «zino malamente» ca spogna 'o guaglione â rinto e 'a perzonaletà soja, pe ttramente ll'anema 'e Yui ca stà â rinto â isso 'o sarva, facennelo cuntinuà â campà. 'A puntata fenale r’’a serie, arù 'a becenna se schiaia nt'â cuscenza r’’o uaglione, fernesce cu 'a scritta «Ô pate mejo, grazzie» e «Â mate meja, addio», e Shinji lassa 'e sentemiente 'e recaglia pp’’o pate e sbennegna pe sempe 'o sfiolo pp'a mate soja. Simbé jè temmeruso 'e ffà male o jessere feruto r’’o cuntatto nt'ô episodio fenale r’’a serie e rint'ô cinematografo The End of Evangelion 'o fegliuolo accapa 'e campà nt'ô munno bero cu ll'ate crestiane, lassan'ô Perfezziunamiento 'e ll'Ommo e azzettanno â ll'ate perzone.

Analese e ntreppecazziune r’’o perzunaggio

« Aggia vuluto mpezzà tutto chillo ca songo int'â Neon Genesis Evangelion. Ij, n'ommo avveluto, ca nu puteva ffà niente pe' quattre anne. N'ommo ca jè fujuto pe' quattre anne. N'ommo ca, schitto schitto, nu jera ncora muorto. Â ntrasatta penzaje: "n'hê fuì", e accumenciaje â fatecà. Bulevo nzertà tutt'e sentemiente mije 'nt'ô cinema. [...] Nu saccio 'o resordato. Pecché 'a storia â int'â mme nun jè fernuta. Nun saccio chello ca Shinji, Misato o Rei passeranno. Nun saccio arù 'a bita hê po' purtà, pecché nun saccio mango arù sta jenno 'o staff r’’a serie. »

(Hideaki Anno)

Shinji fuje ntreppecato cummo 'a n'alter ego r’’o leggista r’’a serie, Hideaki Anno. Sicunn'â Ramsey Isler 'e IG 'o perzunaggio jè nu schiecco r’’e sentemiente r’’a malincunia ca passaje Hideaki Anno fravecann'â serie. 'O scrittore, sequitanno st'analese, ntreppecaje 'o particulare carattere r’’o perzunaggio e 'e soje peleje ncuntr'â ll'Agnele cumm'â na metemafora r’’e nzaje 'e Anno 'e «paleja 'e riavele ca teneva â rinto». Mpurre ll'assestente â reggia, Kazuya Tsurumaki, rette na ntreppecazzione spicciata r’’o perzunaggio e 'e Evangelion, fatecann'â serie penzanno ca 'e sentemiente 'e Shinji fujeno surtanto nu schiecco 'e chille 'e Anno: «Pirciò nt'â fravecazzione ricevo sempe coccosa cumm'â "Nun jè troppo 'a aeroe ppe Shinji ricere 'sta cosa ccà? Hideaki Anno nu jè stu granne aeroe"». Stisso Tsurumaki recette ca penzaje ca Shinji sarrìa stato capito sulo «â ll'appassiunate giappunese r’’a jennimma soja». Ppe 'o criteco taliano Fabio Bartoli 'o perzunaggio refrette perfettamente 'a iennimma otaku, «essenno nu uaglione ca nun sape cummo se relazziunà e ca passa assaje tiempo â casa». Bartoli berette nt'â ll'ordema scena r’’a serie, arù 'o scaravuottolo 'e brito arù 'o uajone steva primma nchiuso se rompe e 'a seduta psicoanaliteca fernesce, po' jessere nu referemiento 'e shinjinrui (新人類, lett. "nova razza omana"), zoè 'a jennimma nasciuta nt'â ll'anne sittanta, ca teneva penziere e atteggiamente cumpletamiente devierze â chelle 'e primma e canasciuta mpurzì cummo crystal-zoku (クリスタル族, lett. "tribbù 'e crestallo"); sicunn'ô recercatore Evangelion po' jessere ntreppecato cummo â nu vangelo p’’e shinjinrui, e 'o pruciesso 'e lebberazzione persunale 'e ll'isso jè nu schiecco 'e chello buluto â Anno. N'ata ntreppecazzione fuje rata r'ô scrittore Andrea Fontana; sicunn'â isso Shinji sarrìa nu otaku ppe mmiezzo r'â scapacetà 'e cummunecazzione. Secunn'ô scrittore, nfatte, tutto 'o percorso 'e Shinji jè «nu precanto» lanzat'â Hideaki Anno ppe 'a suggittà giappunese e 'e uagliune 'e ll'ebbreca «â scassà 'a cajola arù se songo nchiuse, uardanno cu cchiù occhio buono â 'o prossemo».

Pe 'o suciologo ciappunese Tsutomu Hashimoto Shinji jè nu reda r’’o climma r’’a suggittà ciappunese 'e ll'anne sittanta e uttanta, ca buleva circà 'e scapulà r'ê bincule suggiale e r'ê fiùre 'e pate 'e famiglia; 'o sicologo zetaje e berette cummo nu simbulo 'e stu tentativo 'e scapulà nt'ô museco Yutaka Ozaki, ca pruaje â sfuì r’’e mposizziune r’’o sestema scolateco e che turnaje â fiùra r’’a mate. Hashimoto paragunaje 'a sciveta fenale 'e Shinji, arù 'o uajone arrefiuta 'o Perfezziunamiento buluto r'ô pate, ô cuncietto 'e liberalismo, ca mpera 'e respettà tutt’’e idennità nnividuale. Ate criteche assuciajeno 'o perzunaggio â giuventù e 'o crimma r’’o Ciappone r’’e Nuanta, angora scutuliato pe ll'attintato â metropolitana 'e Tokyo prugrammato r'â setta ciappunese Aum Shinrikyō, 'o terremoto 'e Kobe nt'ô 1995 e 'o scuoppio r’’a paposcia economeca speculativa ciappunese. Hiroki Azuma, feloseco e criteco culturale ciappunese, raggiunanno ncopp'â scrammazzione «N'aggia fujì!» 'e Shinji descrevette Evangelion cummo 'a nu cunto 'e n'ansia sanza na raggione, nchippanno tale sentemiento 'e ll'affiette 'e ll'attintato 'e Aum Shinrikyō. Azuma descrevette Shinji e mpurzì ll'ate perzunagge r’’a serie cummo «perzunagge stereotipate» cu cuje Anne ngarraje â fiurà 'e ll'anne nuanta.

'O carattere 'e Shinji fujeno anchippate â malattie psichiatreche, cummo 'a depressione, ll'ansia, 'a fubbia suggiale, 'o disturbo evitante e 'o disturbo borderline 'e perzonaletà. Walter Veit 'e Psychology Today cullegaje ll'atteggamiento passivo suojo ô cuncietto 'e malafede postulato r'ô felosfeo franzese asistenzialista Jean-Paul Sartre e 'o "suicirio felosofaco" 'e Alber Camus. 'O scrittore Paul M. Malone ô paragunaje ô jurista e scrittore germanese Daniel Paul Schreber, nutanno n'aveto levello 'e ntertestualetà cu 'e Memorie 'e nu malato 'e nierve, purzì nu penzanno â Evangelion cummo â nu prodotto basato derettamente ncopp'ê Memorie 'e Schreber. Malone, secuitanno â criteca e screttora ciappunese Kotani Mari, descrevette Shinji cummo â nu perzunaggio femmeniello e androgino. Sicunno Kotani Mari Shinji arreventa femmeniello nt'ô curso r’’ cunto, descrevennelo cummo â nu sarvatore femmenile. Ate criteche ô descrevettero cummo 'a na fiùra messianeca e paragunato â Gesù Cristo, ca nt'â lenga ciappunese jè canasciuto cummo shinjin (しんじん, 神人, lett. "Djo e ommo"). Isso fuje pure descritto cummo n'aroe traggeco e paragunato â Edipo. Patric Drazen, screttore e steriuso 'e anemazzione ciappunese, paragunaje 'o delemma affruntato â Shinji nt'ô bintiquattresimo episodio ncuntr'â ll'Agnelo Tabris â Amleto, ll'iso r’’a traggedea 'e William Shakespeare c’’o stesso nommo.

Nt'â na puntata Shinji nu bò palejà ll'Onetà 03, nfittata e cuntrullata â l'Agnelo Bardiel cu 'o pedota suojo, e pirciò annanno ncontr'ô pate; 'a becenna, secunn'â Yūichirō Oguro, se po' paragunà ô dilemma r’’a "tavula 'e Carneade" 'e n'omonemo felosefo grieco, annumenato nt'â precedente opera 'e Anno GunBuster; sicunn'â tavula 'e Carneade se po' accire n'atu ommo pe istinto 'e sopravvivenza. Fontana paragunaje ll'edipicità r’’a serie â ll'ate anime mecha, cumm'ê fateche 'e Yoshiyuki Tomino. 'A penzata 'e nu pedoto nchiuso e flatuso fuje truata nt'â Amuro Ray, isso 'e Mobile Suit Gundam. Pe ll'artista Takashi Murakami 'o dramma nteriore 'e Shinji po' jessere bisto cummo 'o punto fenale r’’e prudotte favurite 'e ll'otaku asciute aropp'â uerra, cummo Godzilla, 'e serie r’’o franchise Ultra, Space Battleship Yamato o 'o stisso Gundam, arù 'e fiùre 'e ll'aeroe se rimannano sempe 'e cchiù 'o pecché r’’e missune pe defennere 'a Terra e ll'ommanetà. Siconn'â Toshio Okada, ex preserente r’’a Gainax e canuscente persunale 'e Anno, Evangelion e Gundam zongo cumpletamente devierze; pe Okada nt'â Gundam une r’’e tieme cchiù mpurtante r’’a becenna jè «'a voja 'e ll'isso 'e jessere recanasciuto â ll'ate crestiane», siccomo nt'ê ll'anime mecha 'e perzunagge cercano 'e cagnà 'o munno, pe tramente nt'â Evangelion nisciuno po' sarvà 'o munno, cumprecanno 'o jenere e facenno sajere ate dimanne.

Accuoveto

Shinji jè une r’’e perzunagge cchiù sfomate, annumenate e arrecanoscibbele r’’a storia 'e ll'anemazzione ciappunese. Ma, bire tu nu poco 'o caso, jè mpure querulo, muccusiello, femmeniello. Ma â fenale tutte quante simme state cumm’’a isso. Shinji nun ce piace proprio pecché rappresenta nu lato 'e nuje stisse ca nun ce piace: chella parte 'e nuje ca renonzia â tutto coso, ca nun bò 'e responsabbilità annanze ê uaje r’’a bita. [...] Nun ce piace, ma 'o putimmo pure capì.

Nick Verboon

Ô Giappone Shinji arrecevette nu buono accuoveto. 'A nnummenata c'abbuscaje 'o perzunagge se putette beré mpurzì nt'ê nnaggene 'e popolaretà, mpurre aroppo anne â primma asciuta 'e Evangelion. Aropp'â chiunchiusione r’’a serie sajette ô sicunno puosto ntr'ê perzunagge mascule cchiù annumenate r’’o mumiento nt'â na nnaggene r'ô 1996 r'â rrevista giappunese Animage, cu nimmanco rujeciento bute â respietto r'ô perzunaggio cchiù 'e sisco, Duo Maxwell 'e Gundam Wing. Nt'ê piereliste r'ê ruje anne aroppo ngarraje mmece â sagliere ô primmo puosto. Nt'ô sunnaggio r'ô 1997 abbuscaje 1200 bute, cchiù r’’o arroppio r'ô sicunno perzunaggio nt'ô statino, Kaworu Nagisa. Shinji cumparette mpurz pe' devierze anne nt'e ennagene r’’o jurnale ogne mese, rumanenno nfr'ê binte perzunagge cchiù annumenate pe 'e sundagge r'ô 1996, 1997 e 1998. Ô 1998 Animage ô mpezzaje ô bentunesemo puosto nfr'ê perzunagge cchiù pupulare 'e sempre e cinquantacinquesemo ll'anno appriesso. Nt'ô stisso anno, cu 12 167 bute, bencette 'o primmo nfr'ê perzunagge oscure chiù annumenate pe 'o periodeco Animedia, e 'o jurnale stisso apprizzaje 'a cumpressetà soja. Pe ll'ate anne isso cumparette mpurzì nt'â ll'ate nnaggene 'e popolaretà r’’a revista, spisso ntr'ê primme riece puoste.

Ô 2002 'a televesione TV Asahi 'o mpezzaje ô 77º puosto ntr'ê perzunagge cchiù annumenate r’’a storia 'e ll'anemazzione giappunese e ô 25º nt'â nu stato spicciato r'ô 2007 lemmetato â ll'aeroae mascule. Nu resurtato spiccicato nce fuje nt'â na nnaggene r'ô 2014 ê nzateche ca bevevano ô Giappone; â dumanna «Â quale perzunaggio buó assumeglià 'e cchiù?» 'e furane rettero na gruossa gamma 'e resposte, e «Shinji Ikari» sajette ô settemo puosto. Mpurzì 'a revista Newtype recanoscette 'a gruossa annumenata r’’o perzunaggio. Nt'ê piereliste r’’e perzunagge anemate cchiù annumenate r’’o mumiento r'ê letture r’’o jurnaletto, verborazia, Shinji ngarraje â s'abbuscà cchiù bote 'e primme pusizziune. Nt'â ll'Aùsto e ô Settiembre r'ô 2009 bengette ô tierzo e 'o primmo puosto. Â ll'Attrufo 'e chill'anno ngarraje ô tierzo puosto, rumanenno mporzì 'o perzunaggio masculo cchiù annumenato 'e Neon Genesis Evangelion. Ô Mmarzo 'e ll'anno aroppo Newtype 'o nunmenaje 'o perzunaggio masculo cchiù annummenato 'e ll'anne Nuànta. Ô 2012 'a televesione Fuji TV arrimannaje â 14 000 appassiunate quale jera 'o meglio aeroe anemato 'e sempe; nt'â sta sammena Shinji Ikari abboscaje 'o vintesemo puosto ntr'ê pperzunagge cchiù butate. Ô 2016 fiuraje trirecesemo nt'â na nnaggena ppe 'o sitio Anime News Network ncopp'ê meglie pidote 'e ll'anemazzione giappunese. Ô 2020 'a televesione NHK chierette â nu àveto nummero 'e fan 'e Eva 'o perzunaggio preferito r’’o loro, e Shinji abboscaje 'o quarto puosto.

Nu cosplayer 'e Shinji Ikari cu 'o Plugsuit suojo

'O perzunaggio 'e Shinji aizaje allaie e spartette nt'â ruje 'a criteca. 'E criteche ô smocchiajeno ppecché sempe addecettuto e sanza pietto e spereto, annumenannolo «fogliamolla» e pitemmo. Raphael See 'e T.H.E.M. Anime Reviews, chiaitanno ncopp'ô carattere r’’e perzunagge 'e Evangelion, ca isso truaje «nu poco cliché, o surtanto ca me stà nganna», critecaje 'o pessemismo 'e Shinji, «sempe mutriuso e catuoio» e abetuato «â se chiagnere nguollo». 'E site Screen Rant e Comic Book Resources ô mpezzajeno â ll'uteme puoste nfr'ê mejure perzunagge r’’a serie. Sicunn'â Japanator.com, verborazia, Shinji jè nu pedoto meddiocre e sanza medullo. Nce fujeno mporzì â ll'ati criteche ca fujeno cuonce e mprofecajeno 'o carattere e 'o rialismo suojo. Ntr'â chiste nce fuje Joshua Sorensen 'e FilmDaze e 'a scrittora merecana Susan J. Napier; sicunn'â essa Shinji se pò annumenà «'o perzunaggio ommo cu 'a psicologgia cchiù cumprecata maje criata». Mpurzine Chris Mackenzie, editore r’’o sito web IGN, 'o nzertaje ô 25º puosto ntr'ê mmeglie perzunagge 'e ll'anemazzione nipponeca.

'E criteche 'o chiammajeno une r’’e perzunagge mascule cchiù racanoscibbele nt'â storia 'e ll'anime. Ppe Nick Verboon 'e Unrealitymag.com, verborazia, Shinji «jè uno r’’e perzunagge cchiù sfomate, annumenate e arrecanoscibbele r’’a storia 'e ll'anemazzione ciappunese». Mpurzì Ryudo Nakakura, steriuso 'e anemazzione, fuje cuoncio pe 'a psicologgia soja, recenno: «Shinji jè luntano assaje â jesse n'aeroe, mperrò è proprio pe 'sta mpefezzione ca 'e spettature se ponno cunnettere cu 'e turmiente suoje e â trasere 'o vero nt'â becenna». Jen Contino r’’a revista Anime Invasion ricette 'e jessere sfeziatto r’’o carattere suojo e 'o mpezzaje nono ntr'ê meje perzunagge anemate 'e tutt’’e tiempe. Nt'ô 2013 Lynzee Lam 'e Anime News Network ô nzertaje ô primmo puostro ntr'â ll'isse «cchiù cacarone r’’a storia 'e ll'anemazzione nipponeca», recenno tuttavòta 'e jessere sciuocco r'ê busse e r'ô rialismo psicologgeco. Mpurre 'o cardasco suojo, Martin Theron, parlanno r'â pellicula Evangelion 1.0, ô eloggiaje pp'a stissa cosa. Ramsey Isler 'e IGN annumenaje Shinji Ikari cumm'ô meglio perzunaggio r’’a storia 'e ll'anemazzione giappunese, parlanno buono r’’a reggenaletà r’’o carattere suojo. Sicunn'â isso, nfatte, 'o perzunaggio jè 'o ccentro 'e allaie e 'e paleja ntr'â ll'appassiunate ppecché bene beruto cumm'â «nu muccusiello, jodio, mallardo, michelaccio e mantrone», respunnenno ê tartarelle ricenno: «E quale guaglione 'e quattuordece anne nun sarrìa stato accussì, aropp'â tutto chiello ca passaje isso?». Isler chiurette 'o cummiento ricenno: «Shinji jè nu perzunaggio ca scannaglia 'e spettautre, ca nu rà ô pubbreco nu putere fantasy cummo se pò beré nt'â na morra 'e anime autre â Evangelion. Sine, jè pateteco, mperrò propri ppe chesto jè bellissimo».

'O ruollo e 'a psicologgia r’’o Rebuild of Evangelion aizaje peniune cchiù positive; 'e critece fujeno cuonce nfatte r’’a perzonaletà nova soja, cchiù aperta e secura. MyReviewer apprizzaje 'e defferenze nt'â pellicula Evangelion: 2.0 You Can (Not) Advance, recenno: «Shinji pe furtuna 'e assaje nun jè accussì fojamolla [cummo nt'â serie], e fa beré 'e tene nu filo 'e rine cchiù 'e na bota nt'ô cinema». 'E recensure alludajeno ll'evoluzione ca se bere nt'â ll'urdemo capitulo r’’a saga, Evangelion: 3.0 1.0 Thrice Upon a Time, parlanno bbuono r’’o pruciesso 'e cresceta suojo. Pe' Henrique Padula 'e IGN nt'â pellicula Shinji fa beré «pecché jè uno r’’e cchiù buone e cchiù realistece aeroe 'e ll'anime». Daniel Kurland 'e Comic Book Resources mmece screvette ca: «Shinji merita 'e jessere felice, e chesto fà 'e Thrice Upon a Time na cuncrusiona cchiù putente ['e The End of Evangelion]».

Mprurenza culturale e merchandising

Nu taxi cu 'a lebbrera cu 'a mmacena 'e Shinji

Nt'â ll'anne fujeno fravucate articule 'e merchandising spirate ô perzunaggio 'e Shinji, cumm'â magliette, biancarìa, action figure, mudielle e sciartapelle, bisciutterìa, acchiale, cazune, copie r’’o vestovario suojo, spreffumme, veneziane, lejeture Sony e tutta na linea 'e accunciature. Shinji fuje ausato mpurzì ppe cierte pubbrecetà r’’a Japanese Racing Association e ppe sponsorezzà na cumpagnia 'e meneste 'e miso annumenate "Shijimi r’’o laco Shinji", ntrojetanno assaje. 'O perzonaggio cumparette, outre ca pe videogames spirate â serie reggenale, nt'â cierte juoche spartute r'ô franchise 'e Evangelion, cumm'â nt'â Monster Strike, Super Robot Wars, Tales of Zestiria e Puzzle & Dragons, e nt'â nu episodio 'e ll'anime Shinkansen henkei robo Shinkalion, addù pedota nu treno mecha annummenato 500 Type Eva.

Cu Shinji Ikari, sicunn'â Comic Book Resources, Neon Genesis Evangelion avette na nutevole mporenza ncopp'â ll'anemazzione ciappunese, facenno beré, respett'ê serie benute primma, n'isso cchiù realisteco, nsecuro e debbele. Ryo Ōyama, uno r’’e miembre r’’o staff 'e Guilty Crown, cunfruntaje ll'isso r’’a serie anemata soja, Shū Ōma, â Shinji Ikari e ô ruollo ca tene rint'â Neon Genesis Evangelion, nquanto «tutt’’e ruje songo nchiuse nt'ô munno lloro, e nun ajesceno â fora». Sicunn'â Ōyama, verborazia, Shū jè na versione cchiù nova r’’o perzunaggio, mperrò Shinji jè «cchiù passivo» â frunta â isso. Cierte cummiente spicciate fujeno faciute r'ô rrecetante Asa Butterfield, ca ô paragunaje â ll'isso r’’a pellicula Ender's Game ntreppecat'â isso, Ender. Sicunno Butterfield, nfatte, 'e perzunagge se «allippano r'ô munno ['e fora]», fruntano nove speremiente, e palejano ncontr'â nemmece ca nu canosceno mango. 'A recetante soja Megumi Ogata paragunaje Makoto Naegi 'e Danganronpa, pur'isso ntreppecat'â essa, â Shinji, pecché zongo tutt’’e ruje uajune nurmale ca se trovano nt'â «fatte terribbele».

'E criteche paragunajeno ate perzunagge â Shinji, cummo Lain Iwakura, essa r’’a serie Serial Experiments Lain, Kōji Aiba 'e Mugen no Ryvius, Simon 'e Gurren Lagann, ll'isso 'e Boku no kanojo wa cyborg , Daisuke Dōjima'e ll'anime Revisions, Cloud Strife 'e Final Fantasy VII e Hiro 'e Darling in the Franxx. Int'â quarta pontata r’’o dorama Nigeru wa haji da ga yaku ni tatsu cumpare nu perzunaggio annumenato Shinji, ex nnammurato 'e ll'essa Mikuri, sperat'â ll'isso 'e Evangelion. 'A chiorma ngrese Fightstar ô ntimiaje annumennanno na canzone 'e ll'album One Day Son, This Will All Be Yours cumm'â isso. 'O rapper mmerecano Open Mike Eagle annumenaje na canzona soja Headass (Idiot Shinji). Jordan Vogt-Roberts, lleggista r’’o cinematografo Kong: Skull Island, mpezzaje nu perzunaggio annummenato Gunpei Ikari rinto â pellicula sperannose ô cugnommo 'e Shinji. 'O perzunaggio bene citato mpurzì â Steven, isso 'e Steven Universe, parodianno 'a scena fenale r’’a serie.

Bibbliografia

• Gainax (a cura 'e) The End of Evangelion Theatrical Pamphlet (in ja) Koganei, 1997.
• Gualtiero Cannarsi. Neon Genesis Evangelion Encyclopedia Granarolo dell'Emilia, Dynamic Italia, 1997-99.
• Neon Genesis Evangelion Filmbook Modena, Panini Comics, 1998-99.
• Susan Jolliffe Napier. When the Machines Stop: Fantasy, Reality, and Terminal Identity in «Neon Genesis Evangelion» and «Serial Experiments Lain» in Science Fiction Studies 29, 3 Greencastle, SF-TH, 'e Noviembro 2002.pp. 418-435
• Neon Genesis Evangelion Platinum Edition Booklet (in en) ADV Films, 2004-2005.
• Susan Jolliffe Napier. Anime. From Akira to Howl's Moving Castle (in en) Basingstoke, Palgrave Macmillan, 2005.
• Takashi Murakami. Little Boy: The Arts Of Japan's Exploding Subculture (in en) Yale University Press, 2005.
• Sony Magazines (a cura 'e) Evangelion Chronicle (in ja) Tokyo, De Agostini Japan, 2006-2010.
• Wendy Haslem, Angela Ndalianis, Chris Mackie. Super/Heroes: From Hercules to Superman New Academia Publishing, 2007.
• Alessandra Poggio, Cristian Giorgi. Neon Genesis Evangelion Enciclopedia Granarolo dell'Emilia, Dynit, 2008.
• Dani Cavallaro. The Art of Studio Gainax: Experimentation, Style and Innovation at the Leading Edge of Anime (in en) McFarland & Co, 2009.
• Evangelion: The Essential Evangelion Chronicle: Side A (in fr) Glénat, 2009.
• Evangelion: The Essential Evangelion Chronicle: Side B (in fr) Glénat, 2010.
• Yoshiyuki Sadamoto. 新世紀エヴァンゲリオン 公式ガイドブック (in ja) Kadokawa Shoten, 2011.

Vvoce pariente

• Neon Genesis Evangelion
• Gendō Ikari
• Evangelion (mecha)

Ate pruggette

Altri progetti

Wikimedia Commons

• Wikimedia Commons contiene fiùre o ate file ncopp"a Shinji lkari

Jonte 'a fore

• Shinji Ikari nt'â The Visual Novel Database
• Shinji Ikari ncopp'â Behind The Voice Actors