Sant'Antuono Abbate (NA)
| Sant'Antuono Abbate | |
| |
| Nomme ufficiale: | Sant'Antonio Abate |
|---|---|
| Stato: |  Italia
|
| Reggione: | Campania |
| Pruvincia: | 'e Napule |
| Estenzione: | 7,93 km² |
| Pupulazzione: | 19.661 |
| Denzità: | 2479,32 ab./km² |
| 'E riune: | 'a Casa Jovene, 'a Salette, Fusara, 'o Puntone, 'ncopp'â Cappella, Cuottemo |
| Commune vicini: | Angri (SA), Gragnano, Lettere, Pumpeje, Santa Maria 'a Carità, Scafati (SA) |
| Coordinate giugrafiche: |
40°43'18.502"N, 14°32'36.971"E |
| Sinnaco: | Ilaria Abagnale |
| Codice pustale: | 80057 |
| Prefisso pe ttelefunà: |
081 |
| Santo prutettore: | sant'Antuono abbate |
| Festa d'o patrono: | 17 'e jennaro |
| Sito: | sito ufficiale |
Sant'Antuono Abbate (chiammata pure sulamente Sant'Antuono, p''o ttaliano e ufficialmente Sant'Antonio Abate, [ˌsantanˈtɔːnjo aˈbaːte]) è nu cumune ca fa 19.661 crestiane d''a Cità Metrupulitana 'e Napule.
Giugrafía
[cagna | cagna surgente]'O territorio d''o cumune 'e Sant'Antuono Abbate sta 'ncopp'â chianura suvrastata d’’a catena d’’e Monte Lattare cu'a vetta d’’o Faito, dint'ô 'mmediato 'ntroterra stabbiese (Ager Stabianus), e vicino a ll'Agro Nucerino-Sarnese. Facente parte 'e ll'Area Vesuviana d''o PTC d''a Cità Metrupulitana, Sant'Antuono cunfina cu'e cumune 'e Gragnano, Pumpeje e Santa Maria 'a Carità a ovest, cu'o cumune 'e Lettere a sud, cu'o cumune 'e Scafate a nord e cu'o cumune 'e Angri a est.
Storia
[cagna | cagna surgente]'A citadina è addevennata cumune libbero 'int''ô 1925, distaccannese 'int''ô 1929 d''a suvrastante Lettere. 'O terreno sujo è stato abbetato, 'nzi a primma 'e ll'epuca rumana, d''e pupulazzione innigene 'e origgine innoeuropee e non innoeuropee comme a ll'Opice, 'e Uosce, l'Etrusche, 'e Griece, 'e Sannite, 'e Campane e aropp' 'e Rumane. 'A civiltà 'e st''urdeme è documentata 'a assaje repierte archeologgece, ripurtate â luce aropp' a anne 'e recerche.
'E particulare 'mpurtanza storeca ha stato 'o scontro finale d"a 'Uerra Goteco-Grieca, specialmiente 'int"â Battaglia d"e Munte Lattare, ca venette fatta 'int"a stu turreno e fernuta cu'a diaspora d"e Gote e 'a morte d"o rre lloro Teia, ca fuje assaje pussibelemente acciso ccà e jittato 'int"a nu puzzo, 'o Puzzo d"e Gote 'e Angri. Aropp'a nu oscuro periudo 'e abbanduno 'nfin''ô 1000, 'a cità ha canusciuto, chianu chianu na ripresa economeca grazzie â bunifeca d''e zzone paludose, nu tiempo assaje grosse, favurita pure d''a nasceta, attuorno 'ô XV scieculo, d''e primme massaríe ch'hanno fatto 'o centro 'int''ô viecchio Búvero 'e Sant'Antuono.
'Int"ê sciecule aropp' 'o paese s'è sviluppato chianu chianu, funnanno 'a ricchezza soja 'ncopp'a ll'agricultura primma e 'ncopp'a ll'attività cunnesse, po'. 'Int''e ll'urdeme anne, ll'aconomía 'e Sant'Antuono s'è cuncentrata 'ncopp'ô sittore innustriale d''a trasfurmazzione d''e pummarole e pure 'o sviluppo d''o terziario.
Stemma
[cagna | cagna surgente]'O stemma d''o cumune, purtante 'a forma 'e nu scuto (e cchiú precisamente 'e nu scuto sanniteco), mmusta 'o Castiello 'e Lettere (ca è setuato 'ncopp'â cullina ca suvrasta 'o cumune) 'ncopp'a nu sfunno celestro. 'O stemma è arrifenito po' d''a curona civeca d''e cumune taliane e 'a doje fronne, una 'e aulivo e n'ata 'e lauro, ca 'ntorneano 'o stemma e songo aunite 'a na nucchetella purtante 'e culure d''a bannera taliana.
Sport
[cagna | cagna surgente]Sant'Antuono Abbate è pure na cità 'e sport: è 'a cità d’’a squadra 'e pallone d''o Sant'Antuono Abbate (A.C. Sant'Antonio Abate 1971) ca mo' sta 'int'â Promozione d''a LND e ca ha vinciuto, â staggione 2011-2012, 'a Coppa Italia 'e Serie D. 'O paese è sede pure d''a squatra 'e Basket d''a Pallacanestro Antoniana, ca cumpete 'nt'â Serie D nazziunale, e d''e squatre 'e pallavolo d''o Santa Maria Rosa Nova Volley (ca cumpete 'e Prima Divisione cu'a squatra ommenina e 'e Seconda Divisione cu'a squatra femmenina) e 'e ll'Abatese Volley, ca cumpete 'nt'â Serie D femmenile.
Cultura
[cagna | cagna surgente]Ògne anno, 'int'ê juorne attuorno ô 17 'e jennaro ('o juorno 'e sant'Antuono), se tene 'a Sagra d"a Purchetta. 'A nutà ca, primma d"o 1929, quanno 'o cumune 'e Sant'Antuono Abbate apparteneva â gestione cumunale 'e Lettere, 'a pupulazzione jeva a ppère 'nfí a Lettere pe prià â santa patrona 'e Lettere, sant'Anna, facenno chella ca ancora ogge vène chiammata 'a Sagliuta a Sant'Anna. N'ata trarizzione 'e carattere religgiuso, comme succere 'nt'a na bona parte 'e ll'Agro Nucerino Sarnese, è chella ca vere 'a pupulazzione 'e jí a ppere 'nfí a Pumpeje, specialmente 'ê juorne d''o mese 'e majo (ca è, 'nt'â trarizzione cattoleca, 'o mese d''a Maronna) e 'e juorne attuorno ô 7 'e ottovre, juorno d''a Suppleca â Maronna 'e Pumpeje.
Religgione
[cagna | cagna surgente]'A cchiú grossa parte d"a pupulazzione è cattoleca 'e rito latino e 'a cità fa parte 'e ll'Arcidiocesi 'e Surriento-Castiellammare 'e Stabbia. 'O santo patrono è sant'Antuono abbate, 'mmente comme prutettore e cumpatrono 'a cità tene pure a san Cilardo Majella.
Perzone fammose
[cagna | cagna surgente]- Gioacchino Alfano
- Teia
Pupulazzione
[cagna | cagna surgente]Pupulazzione cenzita
