Ciceron
Yehhuatl in Marco Tulio Ciceron (ica romatlahtolli, Marcus Tullius Cicero; Arpino, inic 3 itech totlamatequian inic 106 a.T. - Formia, inic 7 itech tonecallotian inic 43 z.T.) catca ce tepantlahtoani, tenapaloani, tlanemiliani, tlahcuiloani, ihuan tetlaixpantiani romatlacatl. Temachilo in iuh cemeh in oc cencah hueyintin tlahtolnemachilianimeh ihuan mocencahuanimeh itech in tlahtoliztli ica iromatlahtol in Onohuayan romayotl.
Tlaixihmachtililli nohuiampa in iuh cemeh in oc cencah iittitilonimeh tlachihuanimeh itech in nemilizotl romayotl, yehhuatl tlatzintiani itech in tlacalaquiliztli itech in oc cencah tenyoh nemachtilli tlanemilizotl greciayotl itech in tlamatihcayotl mahcehuallotl, in iuhqui ipan in tlatzintiliz in ce tlahtoltecpanaliztli tlanemililizotl ica romatlahtolli. Nequiztic tetlaixpantiani ihuan tenyoh tepantlahtoani, Ciceron quicentlalih —tlacempanahuiliztica— itlaixpetzhuiliz ipan ineyehyecoliz tenapalolizotl. Axcan ilnamico ipampa itlahcuilol ica ihiyotl tlamatilizotl, tlanemililizotl ihuan tenapalolizotl. In iamatlahcuilol, in tlapanahuiliztli tlaihualli in iixpan Atico, onahcic ce huehhueyipol necnelilmachiliztli ipan in amoxcuiloliztli europayotl ipampa in tlaaquitiliztli itech ce piltic nenemitiliztli amatlahcuilolotl. Cornelio Nepote quimachiyotih in neyecquetzaliztli tlacualquetzalizotl itech inin amatlahcuilolli...