فوریه ۲۰۱۵
دچی‌ین
۳
- عبدالله اوجالان ِجدید ِکتاب چاپ بَیّه. این کتاب ِموضوع اوجالان ِخاطرات و یادداشت‌ها هسته. (کوردپرس)
- رجب طیب اردوغان ِراه دله، استامبول درون، دِتا بمب کار بی‌یِشت بینه که خله وشون بُرد زیاد نَیّه. (روسیه ونگ)
- پ‌ی‌د بِتونِسته داعش ره تا دَه کیلومتری کوبانی جه دور هاکِنه. این شهر چن روزه که آزاد بَیی‌یه. (روسیه ونگ)
- صلاح‌الدین استان جه خانّه ات‌سری هیأت بَرِسِنِن که رسماً ایران جه بِخائِن داعش جه جنگ هاکِردِن سَر کومِک هاکِنه. (روسیه ونگ)
دچی‌ین
۴
- اردن انتقام وسّه شه بالون‌ها (=هواپیما) ره بَرِسِنی‌یه که داعش ره بَکوبِن. (پرس تی‌وی)
- داعش که قرار بی‌یه اردنی خلبان (معاذ الکساسبه) ره اتا اسیر جه عوض هاکِنه، پشیمون بیّه و وه ره زنده‌زنده تش بَزو. اردن ِدولِت هم تِلافی سَره دِتا داعشی که اسیر بَی‌بینه ره اعدام هاکِرده. داعش چن روز پیش هم بائوت بی‌یه اگه اون دِتا اسیر آزاد بَواشِن، جاپون ِخورنگار ره نَکاشِنه ولی وه ره بَکاشته. (روسیه ونگ 1 و 2)
دچی‌ین
۷
- دِ روز بعد اینکه معاذ الکسابه (اردنی خلبان) ره داعشیون تش بزوئن جه بَکاشتنه، ونه مار بَمرده. (TRT)
- کوبانی ِاطراف پ‌ی‌د بتونِسته صد و یکمین مَله ره آزاد هاکِنه. وشون اسا پونزه تا بیست و پنج کیلومتری کوبانی ره داعش جه پَس بَییتنه. (پرس تی‌وی)
- مونیخ ِکنفرانس دله ترکیه‌ی ِنماینده وقتی ایسراییلی نماینده‌ئون بِمونه، صحنه ره ترک هاکِرده و بائوته یا مه جا اینجوئه یا وشون جا. البته ترکیه اعلام هاکرده که این کار باعث نوونه وشون ِروابط آلمان جه بَد بَواشه. (پرس تی‌وی)
- داعش بائوته که شونزه نفر دیگه ره هم موصل دله زنده-زنده تش بزوئه. (IRIN)
دچی‌ین
۸
- بغداد دله دِوازّه سال په قانونی که گاته مردِم نَوِنه شو بِئِن خیابون دله، رفع بیّه. این لغو ِپه مردِم جشن بَییتنه و دَکلِستنه خیابون‌ها میون. (پرس تی‌وی)
- نیجریه دله انتخابات ره شیش ماه عقب دِمبِدانه تا بوکوحرام جه جنگ هاکِنِن. (پرس تی‌وی)
دچی‌ین
۹
دچی‌ین
۱۰
دچی‌ین
۱۲
- سه‌تا مسلمون ِدانشجو ره اتا بی‌دین ِآمریکایی شمالی کارولینا دله بَکاشته. پلیس گانه که این قتل‌ها جا پارک ِدرگیری سَره اتفاق دَکِتنه ولی بعضی دیگه گانّه که «اسلام‌ستیزی» این اتفاقات ره پیش یانّه. (TRT)
- ترکیه کوردستون دله، اتا شهرداری ِتابلو ره اولین‌بار وسّه دِتا زوون کوردی و ترکی جه بَنویشتنه. دوغو بیاضیت ِشهردار گانه خانه من‌بعد همه چی ره دِ تا زوون جه تنک هاکِنه تا مردمون راضی بائِن. این در حالی هسته که تا چن سال پیش ترکیه دله هرکی که عمومی اماکن دله کوردی گپ بزو بائه، پونزه سال زندون وسّه بوره. (کوردپرس)
- روسیه و اکراین توافق جه برسینه که چـِتی ونه آتش‌بس انجام بَواشه. (روسیه ونگ)
- نزدیک هشتصدتا توئیتری حیساب که داعش ِطرفدارون ِشِنه ره اتا اینترنتی گروه هک هاکِردنه. (روسیه ونگ)
دچی‌ین
۱۳
دچی‌ین
۱۴
دچی‌ین
۲۳
- ترکیه‌ی ِنیروئون بوردنه سوریه سامون دله و عثمانی ِمؤسس ِنعش ره بَییتنه، بَوِردنه.
- «بردمن» ِفیلم اوسکار جایزه ره بَییته. «ادی ردمین» هم بتترین مرد بازیکر بیّه. (روسیه ونگ)
اسایی دکته‌ئون تلمبار