Lhéngua spanhola

Castelhano (castellano o español)
Outros nomes:	Spanhol
Falado an:
Total de falantes:	390 milhones natibos, 110 milhones segunda lhéngua, 500 milhones total
Posiçon:	3
Familha:	—  Eitálico   Remanse    Eitalo-oucidental     Oucidental      Galho-Eibérico       Eibero-remanse        Eibérico Oucidental         Castelhano
Scrita:	Alfabeto latino
Statuto oufecial
Lhéngua oufecial de:	Argentina, Benezuela, Bolíbia, Chile, Colómbia, Costa Rica, Cuba, Eiquador, El Salbador, Guatemala, Guiné Eiquatorial, Hunduras, México, Nicarágua, Ouruguai, Panamá, Paraguai, Peru, Porto Rico, República Domenicana, Spanha Minories seneficatibas:Stados Ounidos Pequeinhas minories an:Andorra, Belize i Gibraltar Núcleos d'eimigrantes an: Almanha, Arábia Saudita, Brasil, Canadá, Stados Ounidos, Fráncia, Eitália, Japon, Kuwait, República Checa i Suíça.
Regulaçon por:	Rial Academie Spanhola
Códigos de lhéngua
ISO 639-1:	--
ISO 639-2:	---
Países adonde l spanhol ye lhéngua oufecial.   Países adonde l spanhol ye lhéngua co-oufecial.   Países ó regiones adonde l castelhano ye falado sin reconhecimiento oufecial, por 20% ó mais de la populaçon.

L spanhol ó castelhano (an spanhol: español ó castellano) ye ua lhéngua románica de l grupo Ibero-Románico que se ouriginou ne l norte de la Spanha i als poucos spalhou pul Reino de Castielha, eiboluindo pa la lhéngua percipal de gobierno i de comércio na Península Eibérica. L lhéngua fui lhiebado specialmente pa las Américas, África i Ásia-Pacífico cula spanson de l Ampério Spanhol antre ls seclos XV i XIX.

Hoije, 329 milhones de pessonas falan spanhol cumo lhéngua natibo. Ye la segunda lhéngua mais falada ne l mundo an cantidade de falantes natibos, depuis de l mandarin chinés. L México ten la maior populaçon de falantes de spanhol. L'espanhol ye ua de las seis lhénguas oufeciales de las Naciones Ounidas.

Lhéngua oufecial

L castelhano ye la lhéngua oufecial, ó ua de las oufeciales, de ls seguintes países:

• Argentina
• Benezuela
• Bolíbia
• Chile
• Colómbia
• Costa Rica
• Cuba
• Eiquador
• Guatemala
• Fexeiro:Flag of Honduras (2008 Olympics).svg Hunduras
• México
• Nicarágua
• Ouruguai
• Panamá
• Paraguai
•  Peru
• Porto Rico
• República Domenicana
• Salbador ó El Salbador
• Spanha

Mas la persença deilha tamien ye amportante an:

• Belize
•  Stados Ounidos.
• África: Canárias, Ceuta, Melilha, Guiné Eiquatorial. An 11 de júlio de 2001, l spanhol (castelhano) fui declarado ua de las lhénguas oufeciales de la Organizaçon de la Ounidade Africana (OUA), junto cul árabe, francés, anglés, pertués i kiSwahili.
• Ouropa: ye oufecial na Spanha i se fala tamien an Andorra i Gibraltar. Núcleos d'eimigrantes na Almanha, Fráncia, Eitália, República Checa i Suíça. Ye ua de las lhénguas oufeciales de la Ounion Ouropeia.
• Oceania: Ilha de la Páscoa (Chile). Núcleos d'eimigrantes na Oustrália.

Bariadades

Mapa cronológico mostrando l zambolbimiento de las lhénguas de l sudoeste de la Ouropa antre las quales l castelhano.

• Dialeto andalhuç
• Dialeto canairo
• Dialeto churro
• Dialeto murciano
• Dialeto stremenho
• Spanhol amazónico
• Spanhol andino
• Spanhol benezuelano
  • Spanhol benezuelano central
  • Spanhol benezuelano guaro-maracucho
• Spanhol bolebiano
• Spanhol caribenho
  • Spanhol cubano
  • Spanhol domenicano
  • Spanhol portorriquenho
• Spanhol centro-amaricano
• Spanhol chileno
• Spanhol colombiano central
• Spanhol colombiano-eiquatoriano ribeirinho
• Spanhol mexicano
  • Spanhol mexicano setentrional
  • Spanhol mexicano meridional
• Spanhol peruano ribeirinho
• Spanhol rioplatense
• Spanhol de la Guiné Eiquatorial
• Spanhol de las Filipinas
• Spanhol neotradicional

Ourige de la lhéngua

La lhéngua castelhana ye l lhéngua de la Spanha, de la América de l Sul i Central (fuora Brasil, Haiti, Guianas i bárias ilhas caribenhas), de las Filipinas i de la Guiné Eiquatorial, na África. Cunta cun cerca de duzientos i cinquenta milhones de falantes. Tamien ye chamada de ”castelhano”, nome de la quemunidade lhenguística (Castielha) que l dou ourige ne ls tiempos mediebales. Na Spanha tamien son falados l catalan, l asturiano, l aragonés i l galego (lhénguas de tronco románico), i l basco, ua lhéngua cujas ouriges inda son studadas.

Na formaçon de l castelhano/spanhol, puoden-se çtinguir trés períodos: l mediebal ó castelhano antigo (de ls seclos X al XV), l spanhol moderno (antre ls seclos XVI i XVII) i l cuntemporáneo, que bai de la fundaçon de la Rial Academie Spanhola até nuossos dies.

Anque ser ua lhéngua falado an regiones tan çtantes, l'ortografie i las normas gramaticales asseguran l'antegridade de la lhéngua, dende la colaboraçon antre las dibersas Academies de la Lhéngua de Spanha i las de ls países amaricanos ne l'antuito de preserbar esta ounidade. Spanha eilaborou l purmeiro método unitairo d'ansino de l lhéngua que ye difundido por to l mundo atrabeç de l Anstituto Cerbantes.