Condeixa-a-Nova
|
|
| Brason | Bandeira |
 Eigreija matriç de Cundeixa-la-Nuoba | |
| |
| Gentílico | Cundeixense |
| Ária | 141,16 km² |
| Populaçon | 17 078[1] hab. (2011) |
| Densidade populacional | 120,98 hab./km² |
| N.º de freguesies | 10 |
| Fundaçon de l munecípio (ó foral) |
1514 |
| Region | Centro |
| Subregion | Baixo Mondego |
| Çtrito | Coimbra |
| Antiga porbíncia | Beira Lhitoral |
| Ourago | |
| Feriado municipal | 24 de Júlio |
| Código postal | 3150 |
| Andereço de ls Paços de l Cunceilho |
Câmara Municipal Largo Artur Barreto 3150-124 Condeixa-a-Nova |
| Sítio oufecial | www.cm-condeixa.pt/ |
| Andereço de correio eiletrónico |
[email protected] |
Munecípios de Pertual 
| |
Cundeixa-la-Nuoba (an pertués: Condeixa-a-Nova) ye ua bila pertuesa ne l Çtrito de Coimbra, region Centro i sub-region de l Baixo Mondego, cun cerca de 5 100 habitantes. Queda a 10 Km de la capital de l çtrito.
L munecípio
[eiditar | eiditar código-fuonte]Ye sede dun munecípio cun 141,16 Km² de ária i 17 078 habitantes (2011),[1] subdebidido an 10 freguesies qu'ancluen un total de 88 lhugares. L munecípio ye lhemitado a norte pul munecípio de Coimbra, a lheste por Miranda de l Corbo, a suiste por Penela, a sudoeste i oeste por Soure i a noroiste por Montemor-l-Bielho.
Ye un cunceilho qu'apersenta ua cumponente serrana, adonde predomina l'agricultura de susisténcia i ua outra mais praina, an que l'atebidade agrícola ye bastante mais rentable. Anque ser un munecípio an que la populaçon se dedica percipalmente a l'agricultura, ampeçan a amplantar-se alguas andústriales, resultantes cierta mente de la sue lhocalizaçon stratégica. Na freguesie de l Sebal stá amplantada ua zona andustrial adonde subressaen, antre outras, fábricas d'andústria farmacéutica i de cerámica para rebestir pabimientos i paredes. La porduçon artesanal de lhouças pintadas a a mano ye ua atebidade qu'inda amprega muitas dezenas de pessonas, debido a la grande percentaige destes artigos que se cunsegue ambiar para sportaçon.
Bien acerca de Cundeixa-la-Nuoba, stan lhocalizadas las Ruínas de Conímbriga, pólo de grande antresse turístico (segundo l jornal Spresso, l segundo lhocal mais bejitado, lhougo depuis de Fátima) i d'ambestigaçon stórica.
Quanto a l'atebidade sócio-cultural, hai la çtacar, antre outras, l Museu Monográfico de Conímbriga, la Casa Museu Fernando Namora, La Fundaçon de Cundeixa i muitas Associaçones spalhadas un pouco por to l cunceilho.
Ye cunsidrada por alguns cumo la Bila pertuesa cun mais casas apalaçadas. Podemos, nun pequeinho passeio ancontrar l Palácio de ls Cuosta Alman, anfelizmente yá solo tenemos ua pequeinha parte de las ruínas de la casa solarenga de la Quinta de San Tomé, tenemos l Palácio de ls Sotto Mayor, las atuales anstalaçones de la Cámara Municipal tamien éran un Palácio, na Praça de la República tenemos mais ua casa senhorial i la recuperada Pousada de Santa Cristina, antigo palácio ancendiado aquando de las ambasones francesas.
Demografie
[eiditar | eiditar código-fuonte]| Populaçon de l cunceilho de Cundeixa-la-Nuoba (1849 – 2011) | ||||||||
|---|---|---|---|---|---|---|---|---|
| 1849 | 1900 | 1930 | 1960 | 1981 | 1991 | 2001 | 2011 | |
| 8 733 | 11 875 | 12 149 | 13 555 | 13 257 | 13 027 | 15 340 | 17 078 | |
Freguesies
[eiditar | eiditar código-fuonte]Las freguesies de Cundeixa-la-Nuoba son las seguintes:
- Anobra
- Belide
- Bien de la Fé
- Cundeixa-la-Nuoba
- Cundeixa-la-Bielha
- Eiga
- Furadouro
- Sebal
- Bila Seca
- Zambujal
Stória
[eiditar | eiditar código-fuonte]Las tierras de Cundeixa fúrun dadas por D. Fonso Heinriques al Mosteiro de Santa Cruç de Coimbra. Ls frades de l Mosteiro quedórun ancarregues de poboar las tierras que les pertencian i, antre outras tierras, fundórun Cundeixa-la-Nuoba porque Cundeixa-la-Bielha yá eisistia, pul menos, zde l'abandono de Conímbriga. Inda assi, l nome de Cundeixa-la-Nuoba solo apareciu scrito, pula purmeira beç, an 1219, reinaba anton D. Fonso II qu'era nieto de D. Fonso Heinriques.
Ne ls purmeiros seclos de la sue eisisténcia, Cundeixa-la-Nuoba creciu pouco i ne l'ampeço de l seclo XVI solo cuntaba cun 20 famílias (fuogos). Mas an 1502, l rei de Pertual , D. Manuel I quando se çlocaba para Santiago de Cumpostela passou por Cundeixa-la-Nuoba i gustou de la paisaige i de l clima. Talbeç por esso, mandou custruir la Eigreija Matriç i an 1514 dou-le un foral. Formou-se anton la Freguesie de Cundeixa-la-Nuoba cun tierras que pertencian a las freguesies de Cundeixa-la-Bielha i de l Sebal.
Por causa de l foral i subretodo debido a la strada Lhisboua-Coimbra-Porto, Cundeixa-la-Nuoba fui-se zambolbendo i crecendo bastante, de tal modo qu'an 1601 yá tenie quaije 200 fuogos, ó seia antre 800 i 1000 pessonas.
An 17 de Abril de 1838, Cundeixa deixou de fazer parte de l cunceilho de Coimbra i passou eilha própia a ser cunceilho.
Atualmente, Cundeixa ye ua bila relatibamente zambolbida, cun andustria i comércio própios. Para alhá desso, beneficia de la prossimidade cun Coimbra i cun Conímbriga.
Património Stórico
[eiditar | eiditar código-fuonte]- Ruínas de Conimbriga
- Eigreija Matriç de Cundeixa
- Eigreija Matriç de la Eiga
- Palácio de ls Figueiredos (atual sede de ls Paços de l Cunceilho de Cundeixa-la-Nuoba)
- Palácio de ls Almadas (atual Pousada de Santa Cristina)
- Palácio Sotto Mayor
- Palácio de ls Sás
- Palácio de l Cunde de Podentes (atualmente coincido pul Hospício)
- Castellun de Alcabideque
- Pelourinho de la Eiga
Personalidades Eilustres
[eiditar | eiditar código-fuonte]- Fernando Namora, médico i romancista.
Geminaçones
[eiditar | eiditar código-fuonte]L cunceilho de Cundeixa-la-Nuoba ye geminado culas seguintes cidades:[2]
- Modelo:Country data Germany Bretten, Baden-Wurttemberg, Almanha
- Modelo:Country data France Lhongjumeau, Essonne, Fráncia
- Modelo:Country data Wales Pontypol, Torfaen, Paíç de Gales
- Modelo:Country data Pertual Idanha-la-Nuoba, Çtrito de Castielho Branco, Pertual
Refréncias
[eiditar | eiditar código-fuonte]Refréncias
- ↑ 1,0 1,1 Instituto Nacional de Estatística dados de 2011.
- ↑ Archive copy, arquivado do original em 2011-12-27, https://web.archive.org/web/20111227074129/http://www.anmp.pt/anmp/pro/mun1/gem101l0.php?cod_ent=M3150, visitado em 2012-12-05
.png){kind=small}
