Serebro
| Serebro | |
|---|---|
.09.jpg) | |
| Informazzjoni ġenerali | |
| Oriġini |
 Moska, Russja |
| Ġeneru | Pop, pop rock |
| Snin ta' attività | 2006–2019 |
| Sit uffiċjali | www.serebro.su |
| Membri | |
|
Elena Temnikova Olga Seryabkina Anastasia Karpova | |
| Membri passati | |
| Marina Lizorkina | |
Serebro (bir-Russu: Серебро) huma grupp mużikali Russu li ġie iffurmat fl-2006 minn Maxim Fadeev. Dan il-grupp irnexxielu jispiċċa fit-tielet post fil-Festival tal-Eurovision 2007 li sar ġewwa Ħelsinki bil-kanzunetta "Song #1".
Storja
[immodifika | immodifika s-sors]Eurovision
[immodifika | immodifika s-sors]
Lejn l-aħħar ta' Marzu 2007, il-ġurija tal-istazzjon nazzjonali Russu, Channel One, kienu qed jagħżlu r-rappreżentant tar-Russja għall-Festival tal-Eurovision 2007. B'sorpriża, kien Serebro il-grupp magħżul, hekk kif irnexxielhom jirbħu l-isfida ta' artisti famużi ta' dak l-istess pajjiż.
Fit-12 ta' Mejju, Serebro, li kellhom post assigurat fil-finali, spiċċaw fit-tielet post b'total ta' 207 punti. Għall-grupp dan kien l-ewwel esebizzjoni tagħhom quddiem udjenza.
2007–2008: Opiumroz
[immodifika | immodifika s-sors]Is-suċċess fil-Eurovision wassal sabiex Serebro mal-ewwel saru wieħed mill-aktar gruppi akklamati fir-Russja. Matul is-sajf u x-xitwa l-grupp għamel diversi kunċerti fir-Russja, il-Każakistan, it-Turkija, il-Polonja, l-Użbekistan u l-Belarus.
Wara l-avventura fil-Eurovision, Serebro ħarġu "Song #1" bħala CD waħedha, fejn magħha kien hemm tlettax-il verżjoni tal-istess kanzunetta, ilkoll definiti b'kulur, kif ukoll verżjoni estiża tal-vidjo. Il-grupp imbagħad ħareġ verżjoni Russa ta' "Song #1", bl-isem ta' "Песня #1". Din kienet l-ewwel kanzunetta bil-lingwa Russa. F'Lulju tal-2007, huma ħarġu t-tieni kanzunetta tagħhom, "Дыши (Dyshi)". F'Ottubru tal-istess sena ħareġ il-vidjo mużikali ta' din l-istess kanzunetta.
Fis-serata tal-MTV Russian Music Awards ta' Ottubru 2007, Serebro kantaw għall-ewwel darba l-kanzunetta l-ġdida "What's Your Problem?", li baqgħet mhix ikkonfermata bħala diska uffiċjali. Serebro ġew nominati f'erba' kategoriji tal-MTV RMA 2007, u rebħu l-unur għall-aqwa debutt. F'Diċembru 2007, il-grupp rebaħ unur ieħor fil-Golden Gramophone Award, ċeremonja kbira ta' unuri għall-mużika organizzata mill-ikbar stazzjon tar-radju fir-Russja, Russian Radio. Serebro rebħu wkoll unur fil-World Music Award 2007 għall-aktar artisti Russi li biegħu diski.
Fit-13 ta' Mejju, 2008, Serebro ħabbru fuq is-sit uffiċjali li kienu se joħorġu t-tielet kanzunetta uffiċjali mir-repertorju tagħhom, imsemmija "Опиум". Din indaqqet għall-ewwel darba fuq ir-radju Europa Plus. Minkejja li kien mistenni li l-ewwel album, Opiumroz, joħroġ lejn nofs Ottubru, dan ma seħħx minħabba problemi fil-lista finali ta' kanzunetti. F'Novembru tal-istess sena, Serebro ġew onorati bħala l-Aqwa Grupp fl-MTV RMA Awards.
2009–preżent: Bidla fil-grupp u t-tieni album
[immodifika | immodifika s-sors]Nhar il-25 ta' April, 2009, il-grupp ħareġ uffiċjalment l-ewwel album tiegħu. Fit-18 ta' Ġunju, 2009, Marina Lizorkina ħabbret li ħalliet il-grupp minħabba raġunijiet finanzjarji u personali. Post Lizorkina ħaditu Anastasia Karpova. Ftit wara, ħareġ il-vidjo uffiċjali tal-ħames silta "Сладко", li ħarġet ukoll b'verżjoni bl-Ingliż taħt it-titlu "Like Mary Warner". Fid-19 ta' April, 2010, il-grupp ħareġ "Не Время", miktuba minn Maxim Fadeev b'lirika ta' Olga Seryabkina.
Fl-4 ta' Novembru, 2010, Serebro ħarġet is-seba' kanzunetta, "Давай держаться за руки".
Diskografija
[immodifika | immodifika s-sors]Kanzunetti
[immodifika | immodifika s-sors]- 2007 – Song #1
- 2007 – Дыши (Dyshi)
- 2008 – Опиум (Opium)
- 2008 – Скажи, не Молчи (Skazhi, ne Molchi)
- 2009 – Сладко (Like Mary Warner)
- 2010 – Не Время (Ne Vremya)
- 2010 – Давай держаться за руки (Let's Hold Hands)
Ħoloq esterni
[immodifika | immodifika s-sors] |
Wikimedia Commons għandha fajls multimedjali li għandhom x'jaqsmu ma': Serebro |
| Predeċessur Dima Bilan |
Russja fil-Festival tal-Eurovision 2007 |
Suċċessur |