Эгэл ногоолзой

Эгэл ногоолзой
	; Эрэгчин ; Эмэгчин
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Боршувуутан;
Овог:	Бужиргынхан;
Төрөл:	Carduelis;
Зүйл:	C. spinus;
Латин нэр
	Carduelis spinus; Карл Линней, 1758
	; Амьдрах бүс C spinus

Эгэл ногоолзой (Carduelis spinus) нь Бужиргынхан овгийн жижиг шувуу юм. Тэд Европ, Азийн шилмүүст болон навчит модон ойд түгээмэл таарна.

Шилмүүст мод, тэр дундаа гацуур ихтэй газар үүрээ засаж, 2-6 өндөг гаргадаг. Эмэгчин нь өндгөө дарах ба 11-14 хоног ажээ. Гол идэш тэжээл нь ургамлын үр бөгөөд үржлийн улиралд хорхой шавьж ангуучилна.

Гадаад төрх

Эгэл ногоолзой жижиг биетэй, богино сүүлтэй. 11-12.5 см урт, далавчаа дэлгэхэд 20-23 см, 10-18 гр жинтэй юм. Нуруун хэсэг нь ногоон саарал, өвөр хэсэг нь саарал судалтай цагаан байна. Далавч нь хар өнгөтэй ба шар хөндлөн судалтай, хар сүүлнийх нь хоёр хажуу нь шар. Эрэгчин нь шар нүүр, цээжтэй, толгойн орой нь хар. Эмэгчин ба залуу шувуу нь сааралдуу ногоон толгойтой.