അമ്ലം
ജലത്തിലലിയുമ്പോൾ 7.0-ൽ താഴെ പി.എച്ച്. മൂല്യം പ്രദാനം ചെയ്യുന്ന സംയുക്തങ്ങളാണ് അമ്ലം അഥവാ ആസിഡ്. HA എന്ന പൊതു രാസവാക്യമാണ് അമ്ലത്തെ സൂചിപ്പിക്കാൻ ഉപയോഗിക്കുന്നത്. മറ്റൊരുതരത്തിൽ പറഞ്ഞാൽ ജലത്തിലലിയുമ്പോൾ H അയോണുകളെ സ്വതന്ത്രമാക്കുന്ന വസ്തുക്കളാണ് അമ്ലങ്ങൾ
അമ്ലഗുണങ്ങൾ
[തിരുത്തുക]- രുചി: അമ്ലങ്ങൾക്ക് പൊതുവെ പുളിരുചിയാണ്
- സ്പർശം: ഗാഢമായ അമ്ലങ്ങളും ശക്തമായ അമ്ലങ്ങളും തൊട്ടാൽ സാധാരണയായി പൊള്ളും.
- പ്രതിപ്രവർത്തനം: ശക്തമായ അമ്ലങ്ങൾ സാധാരണയായി ലോഹങ്ങളുമായി പ്രവർത്തിക്കുകയും ലോഹങ്ങളെ തുരുമ്പിപ്പിക്കുകയും ചെയ്യും. ക്ഷാരങ്ങളുമായി പ്രവർത്തിച്ച് ലവണവും ജലവും ഉണ്ടാകുന്നു.
- വൈദ്യുത ചാലകത: അമ്ലലായനികൾ വൈദ്യുതചാലകങ്ങളാണ്. ലായനിയിലെ അയോണുകളാണ് ഈ ചാലകതക്ക് നിദാനം.
- അമ്ലങ്ങൾ നീല ലിറ്റ്മസ് പേപ്പറിനെ ചുവപ്പു നിറമാക്കുന്നു.
തരം തിരിവുകൾ
[തിരുത്തുക]എല്ലാ തരം ആസിഡുകളിലും അടങ്ങിയിരിക്കുന്ന പ്രധാന മൂലകം ഹൈഡ്രജൻ ആണ്.ഹൈഡ്രജന്റെ അടിസ്ഥാനത്തിൽ ആസിഡിനെ രണ്ടായി തരം തിരിക്കുന്നു.
ഏകബേസിക ആസിഡ്
[തിരുത്തുക]- ഇത്തരം ആസിഡുകളിൽ ഒരു അസിഡിക് ഹൈഡ്രജൻ ആറ്റം മാത്രം അടങ്ങിയിരിക്കുന്നു. നൈട്രിക് ആസിഡ് (HNO3), ഹൈഡ്രോക്ലോറിക് ആസിഡ് (HCl), അസറ്റിക് ആസിഡ് (CH3COOH) എന്നിവ ഉദാഹരണങ്ങളാണ്.
ബഹുബേസിക ആസിഡ്
[തിരുത്തുക]- ഇത്തരം ആസിഡുകളിൽ രണ്ടോ അതിലധികമോ അസിഡിക് ഹൈഡ്രജൻ ആറ്റങ്ങൾ അടങ്ങിയിരിക്കുന്നു. ദ്വിബേസിക ആസിഡ് ആയ സൾഫ്യൂറിക് ആസിഡ് , ത്രിബേസിക ആസിഡ് ആയ ഫോസ്ഫോറിക് ആസിഡ് എന്നിവ ഉദാഹരണങ്ങളാണ്.
അമ്ലത്വം
[തിരുത്തുക]അമ്ലത്വം അഥവാ ആസിഡിന്റെ ശക്തി എന്നത് ആസിഡുകൾക്ക് ഹൈഡ്രജൻ അയോണിനെ പുറംതള്ളാനുള്ള കഴിവാണ്. അമ്ലവിയോജന സ്ഥിരാങ്കം (pKa) ആസിഡിന്റെ ശക്തിയെ കുറിക്കുന്നു. ആസിഡുകളെ അവയുടെ ശക്തിയുടെ അടിസ്ഥാനതിൽ വീണ്ടും രണ്ടായി തരം തിരിച്ചിരിക്കുന്നു.
ശക്തിയേറിയ അമ്ലങ്ങൾ
[തിരുത്തുക]ജലത്തിൽ ലയിക്കുമ്പോൾ അതിലടങ്ങിയിട്ടുള്ള മുഴുവൻ അസിഡിക് ഹൈഡ്രജനേയും (ചുരുങ്ങിയത് ഒന്നെങ്കിലും) പുറംതള്ളി, പോസിറ്റീവ് ചാർജുള്ള ഹൈഡ്രോണിയം (H3O ) അയോണുകളായും, നെഗറ്റീവ് ചർജുള്ള ആസിഡ് റാഡിക്കലായും വിഘടിക്കുന്ന അമ്ലങ്ങളാണ് ശക്തിയേറിയ അമ്ലങ്ങൾ. ഉദാ: ഹൈഡ്രോക്ലോറിക് ആസിഡ്, സൾഫ്യൂറിക് ആസിഡ്. ശക്തിയേറിയ അമ്ലങ്ങളുടെ അമ്ലവിയോജന സ്ഥിരാങ്കം ഹൈഡ്രോണിയം അയോണിന്റെ അമ്ലവിയോജന സ്ഥിരാങ്കത്തേക്കാൾ (-1.74) കുറവായിക്കും.
ദുർബല അമ്ലങ്ങൾ
[തിരുത്തുക]ജലത്തിൽ ലയിക്കുമ്പോൾ അതിലടങ്ങിയിട്ടുള്ള അസിഡിക് ഹൈഡ്രജൻ അണുക്കളെ ഭാഗികമായി മാത്രം പുറംതള്ളി, പോസിറ്റീവ് ചാർജുള്ള ഹൈഡ്രോണിയം അയോണുകളായും, നെഗറ്റീവ് ചർജുള്ള ആസിഡ് റാഡിക്കലായും വിഘടിക്കുന്ന അമ്ലങ്ങളാണ് ദുർബല അമ്ലങ്ങൾ. ഉദാ: ഫോസ്ഫോറിക് ആസിഡ്, അസറ്റിക് ആസിഡ്. ദുർബല അമ്ലങ്ങളുടെ അമ്ലവിയോജന സ്ഥിരാങ്കം ഹൈഡ്രോണിയം അയോണിന്റേതിനേക്കാൾ കൂടുതലായിക്കും.
ഏകദേശം ശക്തിയേറിയ അമ്ലങ്ങൾ
[തിരുത്തുക]അമ്ലവിയോജന സ്ഥിരാങ്കം ഹൈഡ്രോണിയം അയോണിന്റേതിനേക്കാൾ അല്പം മാത്രം കൂടുതലായ (1 > pKa > -1.74) അമ്ലങ്ങളാണ് ഏകദേശം ശക്തിയേറിയ അമ്ലങ്ങൾ. നൈട്രിക് അമ്ലം (HNO3) (pKa = -1.64), ക്ലോറിക് അമ്ലം (HClO3) (pKa = -1.0), ട്രൈഫ്ലൂറൊ അസറ്റിക് അമ്ലം(CF3COOH) (pKa = 0.5), ക്രോമിക് അമ്ലം (H2CrO4) (pKa = 0.74) എന്നിവ ഉദാഹരണങ്ങളാണ്. കൃത്യമായ നിർവചനപ്രകാരം ഇവ യഥാർഥ ശക്തിയേറിയ അമ്ലങ്ങളല്ല.
സാധാരണയായി ഉപയോഗിക്കുന്ന അമ്ലങ്ങളും അവയുടെ അമ്ലവിയോജന സ്ഥിരാങ്കങ്ങളും
[തിരുത്തുക]സൂപ്പർ ആസിഡുകൾ
[തിരുത്തുക]ശുദ്ധ (100%) സൾഫ്യൂരിക് ആസിഡിനേക്കാൾ ശക്തിയുള്ള ആസിഡുകളെ സൂപ്പർ ആസിഡുകൾ എന്ന് പറയുന്നു
സൽഫ്യൂറിക് ആസിഡ് നേക്കാൾ വീര്യം കൂടിയ ആസിഡ്കൾ ആണ് ഫ്ലൂറോആന്റിമണിക് ആസിഡ്, ക്ലോറോ ആന്റിമണിക് ആസിഡ് മുതലായവ ഇത് സൽഫ്യൂറിക്നേക്കാൾ പത്ത് ലക്ഷം മടങ്ങ് വീര്യം കൂടിയവ ആണ്