സൈലം

ഒരു ഇലയുടെ ഛേദം. ചുവന്ന നിറത്തിൽ കാണപ്പെടുന്നതാണ് സൈലം.(8-ആമത്തെ അടയാളം)

ട്രക്കിയോഫൈറ്റ് സസ്യങ്ങളിൽ കാണപ്പെടുന്ന ഒരു സംവഹന കലയാണ് സൈലം (ഇംഗ്ലീഷ് : Xylem). വിവിധതരം കോശങ്ങൾ ഉൾപ്പെടുന്ന സങ്കീർണ ഘടനയാണ് ഇതിനുള്ളത്. സസ്യത്തിന്റെ എല്ലാ ഭാഗത്തും ഇവ കാണപ്പെടുന്നു. ഗ്രീക്ക് ഭാഷയിൽ തടി എന്നർത്ഥം വരുന്ന 'സൈലോൺ' (ξύλον) എന്ന പദത്തിൽ നിന്നാണ് ഈ കലകൾക്ക് 'സൈലം' എന്ന പേരു ലഭിച്ചത്.

നീളമുള്ള കോശങ്ങൾ ചേർന്നാണ് സൈലം രൂപപ്പെട്ടിരിക്കുന്നത്. ഈ കോശങ്ങൾ ഒന്നോടൊന്നു ചേർന്ന് കുഴലുകൾ പോലെ കാണപ്പെടുന്നു. ഇവയെ വെസലുകൾ, ട്രക്കീഡുകൾ എന്നിങ്ങനെ രണ്ടായി തിരിച്ചിട്ടുണ്ട്. വെസലുകൾക്ക് ട്രക്കീടുകളെ അപേക്ഷിച്ച് വ്യാസം കൂടുതലാണ്. വളർച്ചയെത്തിയ വെസലുകളും ട്രക്കീടുകളും പിന്നീട് മൃതകോശങ്ങളായിത്തീരുന്നു.

വേരു വലിച്ചെടുക്കുന്ന ജലവും ലവണങ്ങളും ഇലകളിലെത്തിക്കുക എന്നതാണ് സൈലം കുഴലുകളുടെ പ്രധാന ധർമ്മം. ലിഗ്നിൻ എന്ന പദാർത്ഥം അടിഞ്ഞു കൂടുന്നതിലൂടെ സൈലത്തിലെ കോശങ്ങൾ ഉറപ്പുള്ളതായിത്തീരുന്നു. ഇത് സസ്യഭാഗങ്ങൾക്ക് ഉറപ്പും കാഠിന്യവും നൽകുന്നു. സസ്യഭാഗങ്ങളെ താങ്ങിനിർത്തുക എന്ന ധർമ്മവും സൈലം നിർവ്വഹിക്കുന്നു. സൈലത്തെ കൂടാതെ സസ്യങ്ങളിൽ കാണപ്പെടുന്ന മറ്റൊരു സംവഹന കലയാണ് ഫ്ലോയം.

കൂടുതൽ വായനയ്ക്ക്

• C. Wei; E. Steudle; M. T. Tyree; P. M. Lintilhac (May 2001). "The essentials of direct xylem pressure measurement". Plant, Cell and Environment. 24 (5): 549–555. doi:10.1046/j.1365-3040.2001.00697.x. is the main source used for the paragraph on recent research.
• N. Michele Holbrook; Michael J. Burns; Christopher B. Field (November 1995). "Negative Xylem Pressures in Plants: A Test of the Balancing Pressure Technique". Science. 270 (5239): 1193–4. Bibcode:1995Sci...270.1193H. doi:10.1126/science.270.5239.1193. is the first published independent test showing the Scholander bomb actually does measure the tension in the xylem.
• Pockman, W.T.; J.S. Sperry; J.W. O'Leary (December 1995). "Sustained and significant negative water pressure in xylem". Nature. 378 (6558): 715–6. Bibcode:1995Natur.378..715P. doi:10.1038/378715a0. is the second published independent test showing the Scholander bomb actually does measure the tension in the xylem.
• Campbell, Neil A.; Jane B. Reece (2002). Biology (6th ed.). Benjamin Cummings. ISBN 978-0-8053-6624-2.
• Kenrick, Paul; Crane, Peter R. (1997). The Origin and Early Diversification of Land Plants: A Cladistic Study. Washington, D. C.: Smithsonian Institution Press. ISBN 1-56098-730-8.
• Muhammad, A.F.; R. Sattler (1982). "Vessel Structure of Gnetum and the Origin of Angiosperms". American Journal of Botany. 69 (6). Botanical Society of America: 1004–21. doi:10.2307/2442898. JSTOR 2442898.
• Melvin T. Tyree; Martin H. Zimmermann (2003). Xylem Structure and the Ascent of Sap (2nd ed.). Springer. ISBN 3-540-43354-6. recent update of the classic book on xylem transport by the late Martin Zimmermann