പോളി ബെർഗൻ

ഇംഗ്ലീഷ് വിലാസം

https://ml.wikipedia.org/wiki/Polly_Bergen

പോളി ബെർഗൻ
പോളി ബെർഗൻ 1953 ൽ
ജനനം	നെല്ലി പോളിന ബർഗിൻ (1930-07-14)ജൂലൈ 14, 1930 നോക്സ്വില്ലെ, ടെന്നസി, യു.എസ്.
മരണം	സെപ്റ്റംബർ 20, 2014(2014-09-20) (പ്രായം 84) സൗത്ത്ബറി, കണക്റ്റിക്കട്ട്, യു.എസ്.
തൊഴിൽ	നടി ഗായിക എഴുത്തുകാരി സംരംഭക
സജീവ കാലം	1949–2014
ജീവിതപങ്കാളി(കൾ)	ജെറോം കോർട്ട്‌ലാൻഡ് ​ ​ (m. 1950; div. 1955)​ ഫ്രെഡി ഫീൽഡ്സ് ​ ​ (m. 1957; div. 1975)​ ജെഫ്രി എൻഡർവെൽറ്റ് ​ ​ (m. 1982; div. 1990)​
കുട്ടികൾ	കാത്തി ഫീൽഡ്സ് (വളർത്തുമകൾ) ഉൾപ്പെടെ 3.

പോളി ബെർഗൻ (ജനനം: നെല്ലി പോളിന ബർഗിൻ; ജൂലൈ 14, 1930 - സെപ്റ്റംബർ 20, 2014) നടി, ഗായിക, ടെലിവിഷൻ അവതാരക, എഴുത്തുകാരി, സംരംഭക എന്നീ നിലകളിൽ പ്രശസ്തയായ ഒരു അമേരിക്കൻ വനിതയായിരുന്നു. ഹെലൻ മോർഗൻ (പ്ലേഹൗസ് 90) എന്ന ടെലിവിഷൻ പരമ്പരയിലെ ഹെലൻ മോർഗനെ അവതരിപ്പിച്ച അവർ 1958 ൽ എമ്മി അവാർഡ് നേടി. നിർമ്മാണത്തിന് പ്രോഗ്രാം ഓഫ് ദ ഇയർ നാമനിർദ്ദേശത്തോടൊപ്പം മികച്ച സംവിധാനത്തിനും നാമനിർദ്ദേശങ്ങൾ ലഭിച്ചു. നാടക രംഗത്തെ നേട്ടങ്ങളിൽ, 2001-ൽ അവതരിപ്പിക്കപ്പെട്ട ഫോളീസ് എന്ന നാടകത്തിൽ കാർലോട്ട കാമ്പ്യൻ എന്ന കഥാപാത്രത്തെ അവതരിപ്പിച്ചതിന് ഒരു സംഗീത ചിത്രങ്ങളിലെ മികച്ച നടിക്കുള്ള ടോണി അവാർഡിനും നാമനിർദ്ദേശം ചെയ്യപ്പെട്ടു. പൊളി ബർമൻ അഭിനയിച്ച ചിത്രങ്ങളിൽ കേപ് ഫിയർ (1962), ദി കെയർടേക്കേഴ്സ് (1963) എന്നിവ ഉൾപ്പെടുന്നു.

ആദ്യകാല ജീവിതം

ഒരു കൺസ്ട്രക്ഷൻ എഞ്ചിനീയറായിരുന്ന വില്യം ഹഗ് ബർഗിൻ (1909-1982) ലൂസി എന്നിവരുടെ മകളായി ടെന്നസിയിലെ നോക്‌സ്‌വില്ലിലാണ് ബെർഗൻ ജനിച്ചത്. വിൽ ബെർഗൻ എന്ന് പിന്നീട് അറിയപ്പെട്ട പിതാവ്, ഗാനാലാപനത്തിലെ കഴിവു തെളിയിച്ചതോടൊപ്പം 1957-1958 ടെലിവിഷൻ സീസണിൽ സംപ്രേഷണം ചെയ്യപ്പെട്ട 18-ഭാഗങ്ങളുള്ള ഹാസ്യ പരമ്പരയായി പോളി ബെർഗൻ ഷോയുടെ നിരവധി എപ്പിസോഡുകളിൽ മകളോടൊപ്പം പ്രത്യക്ഷപ്പെടുകയും ചെയ്തു.

മരണം

2014 സെപ്തംബർ ഇരുപതാം തിയതി എൺപ്പത്തിനാലാം വയസിൽ പോളി ബെർഗൻ അന്തരിച്ചു. തുടർച്ചയായ പുകവലി ശീലിച്ചിരുന്ന പോളി ബെർഗൻ എംഫിസീമ എന്ന ശ്വാസകോശ രോഗം ബാധിച്ചാണ് മരിച്ചത്.