ഉർസുല എബ്രഹാം ബോവർ

ഇംഗ്ലീഷ് വിലാസം

https://ml.wikipedia.org/wiki/Ursula_Graham_Bower

ഉർസുല എബ്രഹാം ബോവർ MBE
പ്രമാണം:Ursula-bower.jpg
ജനനം	(1914-05-15)15 മേയ് 1914 ഇംഗ്ലണ്ട്
മരണം	12 നവംബർ 1988(1988-11-12) (പ്രായം 74)
വിദ്യാഭ്യാസം	റോഡിയൻ സ്കൂൾ
തൊഴിൽ	നാഗ കുന്നുകളിലെ നാഗന്മാരുടെയിടയിലെ നരവംശശാസ്ത്രജ്ഞ
അറിയപ്പെടുന്നത്	'ബോവർ ഫോഴ്‌സ്' നേതാവ്,' Naga guerillas fighting Japanese armies that invaded Burma
Works	Monographs on the Nagas and the Apatani
ജീവിതപങ്കാളി(കൾ)	ഫ്രെഡറിക് നിക്കോൾസൺ ബെറ്റ്സ്
മാതാപിതാക്ക(ൾ)	ജോൺ എബ്രഹാം ബോവർ, രണ്ടാനമ്മ ബാർബറ യൂഫാൻ ടോഡ്

ഉർസുല വയലറ്റ് ഗ്രഹാം ബോവർ എം‌ബി‌ഇ (പിന്നീട് യു. വി. ജി. ബെറ്റ്സ് എന്നറിയപ്പെട്ടു) (15 മെയ് 1914 - 12 നവംബർ 1988), 1937-1946 കാലഘട്ടത്തിൽ നാഗ ഹിൽസിലെ പ്രഥമ നരവംശശാസ്ത്രജ്ഞരിൽ ഒരാളായിരുന്നു. 1942–45 വരെ ബർമയിൽ ജപ്പാനെതിരെ ഒരു ഗറില്ലാ പോരാളിയുമായിരുന്നു.

ആദ്യകാല ജീവിതവും കുടുംബവും

1914-ൽ ഇംഗ്ലണ്ടിൽ ജനിച്ചു. റോയൽ നേവി കമാൻഡർ ജോൺ ഗ്രഹാം ബോവറിന്റെ (1886-1940), മകളായ ഉർസുല ബോവർ വിദ്യാഭ്യാസം റോഡിയൻ സ്കൂളിലായിരുന്നു. കുടുംബ ഫണ്ടുകളുടെ കുറവ് അവരുടെ സ്കൂൾ വിദ്യാഭ്യാസം പൂർത്തിയാക്കുന്നതിനും ഓക്സ്ഫോർഡിലെ ആർക്കിയോളജി വായിക്കാനുള്ള ലക്ഷ്യം നേടുന്നതിനും അവരെ തടഞ്ഞു.1932-ൽ അവരുടെ പിതാവിന്റെ പുനർവിവാഹത്തിൽ, ബോവർ സാങ്കൽപ്പിക സ്കെയർക്രോ വോർസെൽ ഗമ്മിഡ്ജിന്റെ സ്രഷ്ടാവ് ആയ കുട്ടികളുടെ എഴുത്തുകാരിയായ ബാർബറ യൂഫാൻ ടോഡിന്റെ വളർത്തുമകളായിത്തീർന്നു. അതേ വർഷം അവർ കാനഡയിലേക്ക് പോയി.

ആദ്യകാല യാത്രകൾ

അവർ ആദ്യമായി ഇന്ത്യ സന്ദർശിച്ചു. കൂടുതൽ വ്യക്തമായി പറഞ്ഞാൽ, 1937-ൽ സ്കൈയിൽ അവധിക്കാലത്ത് കണ്ടുമുട്ടിയ അലക്സാ മക്ഡൊണാൾഡിന്റെ ക്ഷണപ്രകാരം നാഗാ ഹിൽസും മണിപ്പൂരും സന്ദർശിച്ചു. അദ്ദേഹം ഇംഫാലിലെ ഇന്ത്യൻ സിവിൽ സർവീസിൽ ജോലി ചെയ്തിരുന്ന സഹോദരനോടൊപ്പം താമസിക്കുകയായിരുന്നു. ഒരു നല്ല ഭർത്താവിനെ കണ്ടുമുട്ടുമെന്ന് അമ്മ പ്രതീക്ഷിച്ചിരുന്ന ഒരു യാത്രയായിരുന്നു അത്. പകരം, അവർ നാഗ കുന്നുകളുമായും അവരുടെ ഗോത്രങ്ങളുമായും പ്രണയത്തിലായി. "കുറച്ച് ക്യാമറകൾ ഉപയോഗിച്ച് വെറുതെ നേരം കളയുന്നതിനും കുറച്ച് മെഡിക്കൽ ജോലികൾ ചെയ്യാനും ഒരു പുസ്തകം എഴുതാനുമായി" ബോവർ 1939 ൽ ഒറ്റയ്ക്ക് ഇന്ത്യയിലേക്ക് മടങ്ങി. നാഗ കുന്നുകളിലെ നാഗന്മാർക്കിടയിൽ നരവംശശാസ്ത്രജ്ഞയായി ഏതാനും വർഷങ്ങൾ ചെലവഴിച്ചു.പ്രാദേശിക ഗോത്രങ്ങളുടെ ജീവിതം രേഖപ്പെടുത്തുന്ന ആയിരത്തിലധികം ഫോട്ടോഗ്രാഫുകൾ അവർ എടുത്തു, അവ പിന്നീട് താരതമ്യപഠനത്തിൽ ഉപയോഗിച്ചു..

രണ്ടാം ലോകമഹായുദ്ധം

രണ്ടാം ലോക മഹായുദ്ധത്തിന്റെ തുടക്കത്തിൽ അവർ ലണ്ടനിലായിരുന്നുവെങ്കിലും നാഗ ഹിൽസിലേക്ക് മടങ്ങാൻ പദ്ധതിയിട്ടു. അവസരം ലഭിച്ചപ്പോൾ, ബ്രിട്ടീഷ് ഭരണകൂടത്തിൽ നിന്ന് ലെയ്‌സോംഗ് ഗ്രാമത്തിലെ നാഗ ജനതയ്ക്കിടയിൽ അന്ന് നോർത്ത് കാച്ചർ എന്നറിയപ്പെട്ടിരുന്ന സ്ഥലത്ത് താമസിക്കാൻ അനുമതി നേടി. ഇവിടെ അവർ പ്രാദേശിക ഗ്രാമത്തലവന്മാരുടെ സൗഹൃദവും ആത്മവിശ്വാസവും നേടി. അങ്ങനെ 1942-ൽ ജാപ്പനീസ് സൈന്യം ബർമ ആക്രമിക്കുകയും ഇന്ത്യയിലേക്ക് പോകാൻ ഭീഷണിപ്പെടുത്തുകയും ചെയ്തപ്പോൾ ബ്രിട്ടീഷ് ഭരണകൂടം പ്രാദേശിക നാഗകളെ ജപ്പാൻകാർക്കായി കാട് ശ്രദ്ധാപൂർവ്വം തിരയുന്നതിനായി ഒരു സ്കൗട്ട് സംഘമാക്കി മാറ്റാൻ ആവശ്യപ്പെട്ടു. ബോവർ ജാപ്പനീസ് സേനയ്‌ക്കെതിരെ നാഗന്മാരെ അണിനിരത്തി. 800 ചതുരശ്ര മൈൽ (2,100 കിലോമീറ്റർ 2) കാട്ടിലെ മലനിരകളിലൂടെ പുരാതന മസിൽ ലോഡിംഗ് തോക്കുകളുപയോഗിച്ച് 150 നാഗകളെ തുടക്കത്തിൽ നയിച്ചു.ജനറൽ സ്ലിം അവൾ ചെയ്യുന്ന ജോലി തിരിച്ചറിഞ്ഞു. ആയുധങ്ങളും ശക്തിപ്പെടുത്തലുകളും ഉപയോഗിച്ച് അവളെ പിന്തുണച്ചു. വി ഫോഴ്സിനുള്ളിൽ അവൾക്ക് 'ബോവർ ഫോഴ്സ്' എന്നു വിളിപ്പേരുള്ള സ്വന്തം യൂണിറ്റ് നൽകി. ബോവറിന്റെ നാഗ ശക്തി വളരെ ഫലപ്രദമായിത്തീർന്നു. ജാപ്പനീസ് അവരുടെ തലയിൽ ഒരു വില നിശ്ചയിച്ചു. ജംഗിൾ ക്വീൻ എന്ന അമേരിക്കൻ കോമിക്ക് പുസ്തകത്തിന്റെ വിഷയമായിരുന്നു അവർ.അവരുടെ വ്യക്തിപരമായ ആയുധം സ്റ്റെൻ തോക്കായിരുന്നു. അതിൽ രണ്ടെണ്ണം അവർ ധരിച്ചിരുന്നു. കുട്ടിക്കാലത്ത് വെടിവെയ്ക്കാൻ അച്ഛൻ പരിശീലിപ്പിച്ച അവർക്ക് തോക്കുകൾ കൈകാര്യം ചെയ്യുന്നതിനെക്കുറിച്ചും നാഗ സ്കൗട്ടുകളെ പരിശീലിപ്പിക്കുന്നതിനെക്കുറിച്ചും യാതൊരു തർക്കവുമുണ്ടായില്ല.

പുറത്തേക്കുള്ള കണ്ണികൾ

• Interviewed by Alan Macfarlane 4th November 1985 (video)
• Ursula Graham Bower's Naga photographs and writings
• 'The Deb who became a guerrilla: The Roedean-educated beauty who saved the Empire from the Japanese' The Daily Mail 23 April 2010