ആൻ ബോണി

ഇംഗ്ലീഷ് വിലാസം

https://ml.wikipedia.org/wiki/Anne_Bonny

ആൻ ബോണി
Anne Bonny from a Dutch version of Charles Johnson's book of pirates.
ജനനം	8 March 1697 near കോർക്ക്, അയർലൻഡ് രാജ്യം
അപ്രത്യക്ഷമായത്	Port Royal, ജമൈക്കയിലെ കോളനി
മരണം	unknown, no sources after 1720 (22 April 1782)
Piratical career
Nickname	Anney
Type	കടൽക്കൊള്ളക്കാർ
Allegiance	കാലിക്കോ ജാക്ക്
Years active	1718–October 1720
Base of operations	കരീബിയൻ

എക്കാലത്തെയും പ്രശസ്തരായ സ്ത്രീ കടൽക്കൊള്ളക്കാരിൽ ഒരാളായിരുന്ന ആൻ ബോണി (ഒരുപക്ഷേ 1697 - ഒരുപക്ഷേ ഏപ്രിൽ 1782) കരീബിയൻ പ്രദേശത്ത് പ്രവർത്തിച്ചിരുന്ന ഒരു ഐറിഷ് കടൽക്കൊള്ളക്കാരിയായിരുന്നു. ക്യാപ്റ്റൻ ചാൾസ് ജോൺസന്റെ എ ജനറൽ ഹിസ്റ്ററി ഓഫ് പൈറേറ്റ്സിൽ നിന്നാണ് ബോണിയുടെ ജീവിതത്തെക്കുറിച്ച് വളരെക്കുറച്ചെങ്കിലും വിവിരങ്ങൾ ലഭിക്കുന്നത്.

1700 ഓടെ അയർലണ്ട് രാജ്യത്ത് ജനിച്ച ബോണിക്ക് 10 വയസ്സുള്ളപ്പോൾ ലണ്ടനിലേക്കും തുടർന്ന് കരോലിന പ്രവിശ്യയിലേക്കും മാറി. പിന്നീട് 1715-ൽ വിവാഹം കഴിച്ച അവർ കടൽക്കൊള്ളക്കാരുടെ സങ്കേതമായ നസ്സാവിലേക്ക് താമസം മാറ്റി. അവിടെ വെച്ച് അവൾ കാലിക്കോ ജാക്ക് റാക്കാമിനെ കണ്ടുമുട്ടുകയും ജാക്കിന്റെ കടൽക്കൊള്ളയിലെ പങ്കാളിയും അയാളുടെ കാമുകിയുമായിത്തീർന്നു. 1720 ഒക്ടോബറിൽ റാക്കാമിനും മേരി റീഡിനുമൊപ്പം അവളെ പിടികൂടി. ബോണിക്കും റീഡിനും വധശിക്ഷ വിധിച്ചുവെങ്കിലും ഇരുവരും ഗർഭിണികളായതിനാൽ അവരുടെ വധശിക്ഷ സ്റ്റേ ചെയ്തു. റീഡ് 1721 ന്റെ തുടക്കത്തിൽ ജയിലിൽ വച്ച് മരിച്ചു, പക്ഷേ ബോണിയുടെ വിധി അജ്ഞാതമാണ്.

ആദ്യകാലജീവിതം

ബോണിയുടെ ജനനത്തീയതി ഏകദേശം 1700 ആയിരിക്കുമെന്ന് അനുമാനിക്കപ്പെടുന്നു. അയർലണ്ടിലെ കൗണ്ടി കോർക്കിലെ ഓൾഡ് ഹെഡ് ഓഫ് കിൻസാലെയിൽ അവൾ ജനിച്ചുവെന്ന് പറയപ്പെടുന്നു. ബോണി വേലക്കാരിയായ സ്ത്രീ മേരി ബ്രെന്നന്റെയും ബ്രെന്നന്റെ തൊഴിലുടമയായ അഭിഭാഷകനായ വില്യം കോർമാക്കിന്റെയും മകളായിരുന്നു. ഔദ്യോഗിക രേഖകളും അവളുടെ ജീവിതവുമായി ബന്ധപ്പെട്ട സമകാലിക അറിവുകളും വിരളമാണ്. മിക്ക ആധുനിക അറിവുകളും ചാൾസ് ജോൺസന്റെ എ ജനറൽ ഹിസ്റ്ററി ഓഫ് പൈറേറ്റ്സ് എന്ന പുസ്തകത്തിൽ നിന്നാണ്.(കടൽക്കൊള്ളക്കാരുടെ ജീവചരിത്രങ്ങളുടെ ഒരു ശേഖരം, ആദ്യ പതിപ്പ് ഭാഗികമായി കൃത്യമാണ്. രണ്ടാമത്തേത് കൂടുതൽ അതിശയോക്തി ചേർത്ത് പറഞ്ഞിരിക്കുന്നു)

ഭാര്യയുടെ കുടുംബത്തിൽ നിന്ന് രക്ഷപ്പെടാനായി ബോണിയുടെ പിതാവ് വില്യം കോർമാക് ആദ്യമായി ലണ്ടനിലേക്ക് താമസം മാറി. മകളെ ആൺകുട്ടിയായി വസ്ത്രം ധരിപ്പിച്ച് "ആൻഡി" എന്ന് വിളിക്കാൻ തുടങ്ങി. നിയമാനുസൃതമല്ലാത്ത മകളെ വില്യം കൊണ്ടുപോയതായും കുട്ടിയെ അഭിഭാഷക ഗുമസ്തയായി വളർത്തുന്നതായും ആൺകുട്ടിയായി വസ്ത്രം ധരിപ്പിക്കുന്നതായും കോർമാക്കിന്റെ ഭാര്യ കണ്ടെത്തിയപ്പോൾ അവർ അലവൻസ് നൽകുന്നത് നിർത്തി. ബോണിയുടെ അമ്മയായ തന്റെ മുൻ സേവകയെയും കൂട്ടി കോർമാക് കരോലിന പ്രവിശ്യയിലേക്ക് മാറി. ചാൾസ് ടൗൺ പൗരന്മാരുമായി കൂടുതൽ എളുപ്പത്തിൽ കൂടിച്ചേരാനായി ബോണിയുടെ പിതാവ് അവരുടെ കുടുംബനാമത്തിന്റെ യഥാർത്ഥ "മക്" പ്രിഫിക്‌സ് ഉപേക്ഷിച്ചു. തുടക്കത്തിൽ, ഈ കുടുംബത്തിന് അവരുടെ പുതിയ വീട്ടിൽ ഒരു നല്ല തുടക്കം ഉണ്ടായിരുന്നു. എന്നാൽ കോർമാക്കിന്റെ നിയമത്തെക്കുറിച്ചുള്ള അറിവും സാധനങ്ങൾ വാങ്ങാനും വിൽക്കാനുമുള്ള കഴിവ് താമസിയാതെ ഒരു ടൗൺ‌ഹൗസിനും ഒടുവിൽ പട്ടണത്തിന് പുറത്തുള്ള ഒരു തോട്ടത്തിനും ധനസഹായം ലഭിച്ചു. 12 വയസ്സുള്ളപ്പോൾ ബോണിയുടെ അമ്മ മരിച്ചു. അവളുടെ പിതാവ് ഒരു അഭിഭാഷകനായി സ്വയം തെളിയിക്കാൻ ശ്രമിച്ചുവെങ്കിലും അത് ശരിയായില്ല. ക്രമേണ അദ്ദേഹം കൂടുതൽ ലാഭകരമായ ബിസിനസിൽ ചേർന്നു. ഗണ്യമായ ഭാഗ്യം കുന്നുകൂടി.

ബോണിക്ക് ചുവന്ന മുടിയുണ്ടായിരുന്നുവെന്നും "നല്ല കഴിവ്‌" ആണെന്നും രേഖപ്പെടുത്തിയിട്ടുണ്ട്. എന്നാൽ വികാരതീവ്രമായ ദേഷ്യം ഉണ്ടായിരുന്നു. പതിമൂന്നാം വയസ്സിൽ അവൾ ഒരു വേലക്കാരിയായ പെൺകുട്ടിയെ കത്തികൊണ്ട് കുത്തി. പാവപ്പെട്ട നാവികനും ഇടസമയ കടൽക്കൊള്ളക്കാനുമായ ജെയിംസ് ബോണിയെ അവൾ വിവാഹം കഴിച്ചു. അമ്മായിയപ്പന്റെ എസ്റ്റേറ്റ് കൈവശമാക്കാമെന്ന് ജെയിംസ് പ്രതീക്ഷിച്ചെങ്കിലും ബോണിയെ അവളുടെ പിതാവ് നിരസിച്ചു. മകളുടെ ഭർത്താവായി ജെയിംസ് ബോണിയെ ആനിന്റെ പിതാവ് അംഗീകരിച്ചില്ല. അദ്ദേഹം ആനെ അവരുടെ വീട്ടിൽ നിന്ന് പുറത്താക്കി.

ഇതിന് പ്രതികാരമായി ബോണി തന്റെ പിതാവിന്റെ തോട്ടത്തിന് തീയിട്ടതായി ഒരു കഥയുണ്ട്. പക്ഷേ തെളിവുകളൊന്നും പിന്തുണയ്ക്കുന്നില്ല. എന്നിരുന്നാലും, 1714 നും 1718 നും ഇടയിൽ, അവളും ജെയിംസ് ബോണിയും റിപ്പബ്ലിക് ഓഫ് പൈറേറ്റ്സ് എന്ന ഇംഗ്ലീഷ് കടൽക്കൊള്ളക്കാരുടെ സങ്കേതം എന്നറിയപ്പെടുന്ന ന്യൂ പ്രൊവിഡൻസ് ദ്വീപിലെ നസ്സാവിലേക്ക് താമസം മാറ്റി. പല നിവാസികൾക്കും രാജാവിന്റെ മാപ്പ് ലഭിച്ചു. അല്ലാത്തപക്ഷം നിയമം അവരെ ഒഴിവാക്കി. 1718 വേനൽക്കാലത്ത് ഗവർണർ വുഡ്സ് റോജേഴ്സിന്റെ വരവിന് ശേഷം, ജെയിംസ് ബോണി ഗവർണർക്ക് വിവരം നൽകുന്നയാളായി രേഖപ്പെടുത്തിയിട്ടുണ്ട്. പ്രദേശത്തെ കടൽക്കൊള്ളക്കാരെക്കുറിച്ച് ജെയിംസ് ബോണി ഗവർണർ റോജേഴ്സിന് റിപ്പോർട്ട് നൽകുകയും ഇതിന്റെ ഫലമായി കടൽക്കൊള്ളക്കാരെ അറസ്റ്റ് ചെയ്തു. ഗവർണർ റോജേഴ്സിനായി ഭർത്താവ് ചെയ്ത ഈ ജോലി ആനിക്ക് ഇഷ്ടപ്പെട്ടില്ല.

അവലംബം

Websites

• "Anne Bonny", Encyclopædia Britannica Online
• "Fact and Fiction", Newspaper article

Books

• Baldwin, Robert (1721). The Tryals of Captain John Rackam and Other Pirates. in The Colonial Office Records in The Public Records Office at Kew, (ref: CO 137/14f.9).{{cite book}}: CS1 maint: location (link)
  Details the trials of Jack Rackam, Mary Read, Anne Bonny, and Charles Vane.
• Carlova, John (1964). Mistress of the Seas. Citadel Press.
• Cordingly, David. "Bonny, Anne (1698–1782)", Oxford Dictionary of National Biography, Oxford University Press, 2004. Accessed 18 Nov 2006.
• Druett, Joan (2000). She Captains: Heroines and Hellions of the Sea. New York: Simon & Schuster. ISBN 0684856905.
• Gosse, Philip; De Marco, Guy Anthony (2015). The Pirate Who's Who (Extended Edition). Amazon: Villainous Press. pp. 52, 53, 54. ISBN 978-1-62225-650-1.
• Jarrells, Ralph E. (2019). "Fiery Red Hair, Emerald Green Eyes and A Vicious Irish Temper", WordCrafts Press. 2019 ISBN 978-1-948679-64-0
• Johnson, Captain Charles (1724). Hayward, Arthur L. (ed.). A history of the robberies and murders of the most notorious pirates from their first rise and settlement in the island of Providence to the present year. London: George Routledge & Sons, Ltd.
• Lorimer, Sara; Synarski, Susan (2002). Booty: Girl Pirates on the High Seas. San Francisco: Chronicle Books.
• Meltzer, Milton; Waldman, Bruce (2001). Piracy & Plunder: A Murderous Business. New York: Dutton Children's Books. ISBN 0-525-45857-3.
• Sharp, Anne Wallace (2002). Daring Pirate Women. Minneapolis: Lerner Publications.
• Zettle, LuAnn (2015). Anne Bonny The Last Pirate. Amazon: Arrowhead Book Co. pp. 8, 9, 11. ISBN 978-0-9826048-6-1.
• Brown, Douglas (1962). Anne Bonny, Pirate Queen. Monarch #MA320.