Humvee

High Mobility Multipurpose Wheeled Vehicle скратено HMMWV или Humvee (прев. високо подвижно возило со тркала за многу употреби или “хамви“) е 4х4 војничко моторно возило прозиведено од AM General кое потекнува од САД. Ова возило е доста корисно и го употребуваат многу армии низ целиот свет. Хамви е замена на неговите претходници M151 и M561 "Gama Goat", кои биле употребувани до 1984 година и немале современа технологија како Хамвито.

Кратка историја

Во 70-тите години на минатиот век, армијата на САД одлучила дека дотогашните цивилни возила кои биле изменети како војнички повеќе не ги исполнувале стандардите за воени операции. Во 1977 година, Ламборгини го произвеле моделот “Cheetah“ со надеж дека ќе биде примен од Армијата на САД, но брзо бил одбиен. Така, во 1979 година во Армијата се родила нова идеја за формирање на т.н. “High Mobility Multipurpose Wheeled Vehicle“, или “HMMWV“. Во јули истата година, компанијата “AM General“ почнала да ја реализира идејата за Хамвито. Скоро една година подоцна, се појавил првиот примерок на Хамвито, или тогаш наречен M998.

Армијата и Владата на САД биле задоволни од овој примерок на Хамви, па биле нарачани повеќе примероци за тестирање. После овие примероци, оваа идеја била веќе реализирана. Биле нарачани уште 55 000 Хамви возила да бидат направени до 1985. Хамвито за првпат било употребено во операцијата “Just Cause“ во Панама, 1989 година.

Денес Хамвито е идеалното возило во Армијата на САД и во многу други армии низ светот, како и на Армијата на Република Македонија. Повеќе од 10 000 примерока биле испратени во Ирак, во 2003 г.

Вооружување и оклоп

Хамвито може да вози и со тежина до 2700 килограми оклоп, оружја и војници. На покривот на Хамвито може да се прикачат MK19 фрлачот на гранати, тешкиот митралез М2, миралезот М240 и митралезот M249 SAW. Најновиот модел на Хамви M1114 исто така ги корирсти истите оружја за одбрана. На моделите M1114, M1116 и M1117 може да се прикачи нов современ систем на вооружување, кој му овозможува на војникот да отвора оган од внатре во Хамвито, да не мора да излегува надвор на кровот, што е многу побезбедно. Но овој систем е многу скап, па не се користи многу.