Промоционалното музичко видео за песната е снимено на 24 март 2010 година. Менаџерот на Велч, Мејрид Неш, го опишал видеото како "чудесно".[1] Видеото се нашло на официјалната страница на бендот на 11 мај 2010.[2]
Видеото започнува со светилка која трепка. Потоа може да се види Велч како поминува покрај дрвја со пожолтени лисја, и светло ќе падне во нејзините очи и таа ќе викне. Подоцна Велч е прикажана како лежи на подот во црна облека, во соба со огледала и со светла во различни бои околу неа. Таа ќе стане и ќе почне да танцува во собата. Потоа повторно е прикажана Флоренс, како поминува покрај есенските лисја, со сини, зелени и виолетови светла кои светат на неа. Сцената кога Велч е во собата со светла, подоцна ќе се затемни и нејзините алишта ќе се променатво бел фустан, со светла. Подоцна во една сцена листвите ќе ја заобиколат додека таа танцува. Видеото завршува со Флоренс, во чии гради има светло кое ќе се ослободи во воздухот, и ќе стигне во светилката.
