Хофбург

Хофбург
Секцијата Neue Burg на Хофбург, гледана од Хелденплац.
Општи податоци
Место	Виена, Австрија
Координати	48°12′23″N 16°21′55″E

Палатата Хофбург е палата сместена во Виена, Австрија, која била дом на најмоќните луѓе во историјата на Австрија, вклучувајќи ја и Хабсбуршката династија, владетели на големото Австроунгарско царство. Моментално служи како официјална резиденција на австрискиот претседател. Хофбург била палатата во која Хабсбурговците престојувале во текот на зимата, додека Шенбрун е палатата која ја претпочитале за престој во летото.

Областа на палатата Хофбург е документирана како седиште на владата од 1279 година, за време на владеењето на неколку царства и републики.

Дворецот Хофбург бил прошируван нив векови со цел денеска да е составен од: неколку резиденции, капела, музеи, империјална библиотека, национален театар, школо за јавање коњи, коњска штала, како и конгрес центарот на Хофбург.

Неколку архитекти работеле на проширавањето на палата, едни од најпознатите се италијанскиот архитект-инженер Филиберто Лучезе, Лодовико Бурначини и Мартино и Доменико Карлоне. Исто така на него работеле и барокните архитекти Лукас вон Хилденбрадт и Јосеф Емануел Фишер вон Ерлакх, Јохан Фишер вон Ерлакх и други.

Во зданието е сместен и огранок на познатиот Уметничкоисториски музеј.

Надворешни врски

• Поглен на Google мапите Архивирано на 22 февруари 2008 г. - вклучува и кратко видео.
• Мрежно место на Хофбург, Виена
• Мрежно место виенскиот Хофбуршки оркестар
• Информации и фотографии
• Различни секции и музеи на Хофбург
• Виртуелна тура низ дворецот Архивирано на 3 март 2016 г.