Таур

Таур
Toros Dağları
Демирказак во покраината Нигде
Највисока точка
Врв	Демирказак
Надм. височина	3.756 м
Географија
Местоположба на Таур во Турција
Земји	Турција
Координати	37°N 33°E

Таур (турски: Toros Dağları, старогрчки: Όρη Ταύρου) — планински систем во Јужна Турција што го дели Средоземниот регион од Анадолската Висорамнина. Системот се протега во лак, од езерото Егирдир на запад до горното течение на реките Тигар и Еуфрат на исток.

Поделен е на три венци (од запад кон исток):

• Западен Таур (Batı Toroslar)
  • Ак, Беј, Катранџик, Гејик
• Среден Таур (Orta Toroslar)
  • Акчали, Булгар, Ала, Тахтали
• Југоисточен Таур (Güneydoğu Toroslar)
  • Нурхак, Малатиски Пл., Маден, Генч, Битлис

Историја

Името Таур доаѓа од старогрчкиот поим Ταύρου, чие потекло има две верзии. Според едната, поимот доаѓа од семитското tûr, што значи „планина“. Според другата пак, планините се така наречени поради на Хуритите и другите стари Сиријци кон богот на бурата, кој има лик на бик (грч. Ταύρος). Се верувало дека тој предизвикувал полноводност во реките Тигар и Еуфрат, кои потоа се поплавувале и давале плодно земјиште. Поради ова, по планините некогаш имало поголем број на храмови посветени на овој бог,

Кај Кестел има археолошко наоѓалиште од бронзено време, каде се ископувал калај за добивање бронза. Превојот наречен во антиката „Киликиска Врата“ е премин преку венецот северно од Тарс.

За време на Првата светска војна, германско-турските железнички коловоци низ Таур претставувале важна цел за силите на Антантата. Откако го зазеле ова подрачје, конечно дошло до примирје и крај на борбите против Отоманското Царство.

Географија

Планините Ала и Булгар (Болкар) се одликуваат со одронети варовнички карпи, од кои настанале карстни предели со водопади, понорници и некои од поголемите пештери во Азија. Од јужните падини на венецот Беј извира реката Манавгат.

Знаменитости

Покрај планинарството и алпинизмот, венецот нуди два скијачки центра — еден во Даврас (25 км од Егирдир и Испарта) и друг во Саклакент (40 км од градот Анталија).

Железничката линија Конија-Адана минува преку забележителниот вијадукт Варда, висок 98 м, кој е изграден од Германците во 1910-тите години.

Западен Таур

Западен Таур и остатокот од Таур образуваат лак околу Анталискиот Залив. Овој дел е одвоен од Среден Таур со висорамнината Ташели и реката Ѓоксу. Има поголем број на врвови високи преку 3.000–3.700 м. Групата се дели на четири венци:

• Беј (западен) — највисок врв: Кизларсивриси 3.086 м
• Ала (средиштен) — највисок врв: Демирказак 3.756 м
• Булгар (југоисточен) — највисок врв: Медетсиз 3.524 м
• Мунзур (североисточен) — највисок врв: Акбаба 3.462 м
  • Мерџан (во склоп на Мунзур)

Највисока планина во Среден Таур е Демирказак (3.756 м).

• 
  Релјеф на Западен Таур
• 
  Древниот град Термес
• 
  Анталија на зајдисонце со планините
• 
  Аланија и околните планини

Среден Таур

Среден Таур приближно се протега на североисток од покраините Мерсин и Анталија

• 
  Ала
• 
  Тахтали
• 
  Ѓулек
• 
  Вијадуктот кон Адана

Југоисточен Таур

Југоисточен Таур ја образува северната граница на регионот Југоисточна Анадолија и Северна Месопотамија. Тука извираат реките Тигар и Еуфрат.

• 
  Калињата на Малатија
• 
  Браната „Каракаја“

Поврзано

• Антитаур (Аладаглар)

Надворешни врски

• Портал на Таур Архивирано на 22 јануари 2012 г. (англиски)