Сергеј Рутенка

Сергеј Рутенка
Лични податоци
Роден(а)	29 август 1981 (43 г.); Минск, Белоруска ССР, СССР
Спорт	Ракомет
Висина	1,98 м
Тежина	96 кг
Позиција	лев бек
Клупски податоци
Тековен клуб	Барселона
Број	22
Сениорски клубови
2000; 2000–2001; 2001–2005; 2005–2009; 2009–	Аркатрон Минск; Горење Велење; Цеље Пивоварна; Сиудад Реал; Барселона
Репрезентација

Сергеј Рутенка (белоруски: Сяргей Рутэнка; роден на 29 август 1981 во Минск) е белоруски ракометар, кој игра за клубот на Барселона и репрезентацијата на Белорусија.

Играчка позиција

Рутенка најчесто игра на позицијата на лев бек, иако понекогаш игра и како централен бек и кружен играч.

Кариера

Клубови

Сијархеј Рутенка ја започнал ракометната кариера во екипата на Аркатрон Минск. Кратко потоа заминал во екипата на Велење и заиграл во словенечкото првенство. Во 2001 година, Сијархеј ѝ се приклучил на екипата на Цеље, со којашто го освоил словенечкото ракометно првенство во сезоните 2000-01, 2001-02, 2002-03, 2003-04, 2004-05; словенечкиот куп во сезоните 2001-02, 2002-03 и 2003-04 и Лигата на шампиони во ракомет во сезоната 2003-04.

Со овие успеси и просечниот учинок од 7 погодоци по натпревар, во 2005 се преселил во шпанскиот прволигаш Сиудад Реал. Како член на овој клуб, тој го освоил шпанското ракометно првенство во сезоните 2005-06, 2006-07 и 2007-08; шпанскиот куп во сезоните 2005-06, 2007-08 и 2008-09 и Лигата на шампиони во сезоните 2005-06 и 2006-07. Во текот на сезоната 2006-07, постојано се мачел со повреди, па го принудил својот клуб да бара соодветна замена на неговата позиција. Летото 2009, Рутенка го напуштил клубот на Сиудад Реал и му се приклучил на клубот на Барселона.^[3] Со екипата на Барселона тој го освоил домашното првенство во сезоните 2010-11, 2011-12, 2012-13 и 2013-14, како и Лигата на шампиони во сезоната 2010-11. На тој начин, заедно со Хосе Хавиер Омбрадос, Михаил Иванович Јакимович и Матео Гаралда, тој е единствениот ракометар кој успеал да ја освои Лигата на шампиони со три различни клуба. Во сезоната 2013-14, Рутенка го освоил Светското клупско првенство во ракомет, Ракометното првенство на Шпанија, Купот на Шпанија и Кралскиот ракометен куп. Во Лига на шампиони, со својот клуб остварил учество меѓу најдобрите четири.

Репрезентација

Сијархеј Рутенка игра за репрезентацијата на Белорусија. Во 2004, тој добил словенечко државјанство и одиграл 56 натпревари за репрезентацијата на Словенија. Тој учествувал на Летните олимписки игри 2004 и на светското првенство во 2005, на коиешто бил четврт најдобар стрелец. На европското првенство во 2006 бил најдобар стрелец, а неговата репрезентација завршила на осмото место. Иако во текот на сезоната 2006-07 Рутенка се здобил со истегнување на мускулот во бедрото, лекарите успеале да го подготват за настап на светското првенство во 2007 во Германија. Сепак, тој целосно потфрлил на првенството и со репрезентацијата на Словенија го освоил разочарувачкото десетто место.

Во јануари 2008, Рутенка добилшпанско државјанство.^[4] Како последица на тоа, тој ја напуштил репрезентацијата на Словенија и не настапил на европското првенство во 2008 во Норвешка.

Од октомври 2010, тој повторно поседува белоруско државјанство.^[5] Со репрезентацијата на Белорусија, тој настапил на светското првенство во 2013 и европското првенство во 2014.

Приватен живот

Неговиот помлад брат Ѕијанис (р. 1986) е исто така ракометар кој настапува за репрезентацијата за Белорусија.

Наводи

Надворешни врски

Сијархеј Рутенка, официјално мрежно место на РК Барселона (англиски)
Сијархеј Рутенка, база на податоци на Ракометното првенство на Шпанија (шпански)

[1] Ракомет во Белорусија: Список на репрезентативни играчи (белоруски)

[nat_slo-2] Список на ракометари со најголем број на репрезентативни настапи (словенечки)

[barca-3] Barcelona angelt sich Rutenka^{[мртва врска]}

[4] www.marca.com од 25 јануари 2008

[5] -world.com од 5 октомври 2010^{[мртва врска]}

[1]

[2]

[3]

[4]

[5]