Михаелис–Ментенова кинетика

Михаелис–Ментенова сатурациска крива за ензимска реакција на која е прикажан односот помеѓу коннцентрацијата на супстрат и брзината на ензимската реакција.

Во биохемијата, Михаелис–Ментеновата кинетика е еден од најпознатите модели кои ја опишуваат ензимската кинетика. Наречена е според германскиот биохемичар Леонор Михаелис и канадската докторка Мод Ментен. Овој модел ја опишува брзината на ензимската реакција $v$ во случаи каде количеството на супстрат $[S]$ е поголемо од количеството на ензим. Равенката е

$v={\frac {d[P]}{dt}}={\frac {V_{\max }{[S]}}{K_{\mathrm {M} } [S]}}.$

Во равенката, $V_{\max }$ ја претставува максималната брзина која може да се постигне од системот, односно кога сите активни места на ензимот ќе се заситат, при што колку и да се зголемува концентрацијата на супстратот поголема брзина не може да се постигне. Михаелисовата константа $K_{\mathrm {M} }$ претставува концентрацијата на супстрат при која брзината на реакцијата е половина од максималната $V_{\max }$.