Микровалто
| Микровалто Μικρόβαλτο | |
|---|---|
  Микровалто | |
|
Местоположба во областа   Микровалто | |
| Координати: 40°5′N 21°53′E / 40.083° СГШ; 21.883° ИГД | |
| Земја | Грција |
| Област | Западна Македонија |
| Округ | Кожански |
| Општина | Серфиџе |
| Општ. единица | Камбуница |
| Надм. вис. | 750 м |
| Население (2011)[1] | |
| • Вкупно | 333 |
| Час. појас | EET (UTC 2) |
| • Лето (ЛСВ) | EEST (UTC 3) |
Микровалто (грчки: Μικρόβαλτο) — село во Кожанско, Егејска Македонија, денес во општината Серфиџе на Кожанскиот округ во областа Западна Македонија, Грција. Населението брои 333 жители (2011).
Географија и местоположба
[уреди | уреди извор]Селото е сместено југозападно од Серфиџе и јужно од Кожани, во долината на реката Бистрица, во подножјето на планината Камбуница, на надморска височина од 750 м.[2]
Историја
[уреди | уреди извор]Во Отоманското Царство
[уреди | уреди извор]На Етнографската карта на Битолскиот Вилает од 1901 г. Микрос Валтос се води како чисто грчко село во Серфиџенската каза на Серфиџенскиот санџак со 42 куќи.[3]
Според статистиката на грчкиот конзулат во Еласона, во 1904 г. во Микровалтон живееле 280 Грци христијани.[4]
Во Грција
[уреди | уреди извор]По Балканските војни во 1913 г. селото е припоено кон Грција согласно Букурешкиот договор. Таа година Микровалто броело 406 жители, кои во 1920 г. се намалиле на 360 лица.[2]
Стопанство
[уреди | уреди извор]Населението произведува жито, компири, тутун и други земјоделски производи, а делумно се занимава и со сточарството.[2]
Население
[уреди | уреди извор]Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 581 | 795 | 851 | 662 | 696 | 746 | 602 | 333 |
- Извор за 1940-1991 г.: Т. Симовски, Населените места во Егејска Македонија
Самоуправа и политика
[уреди | уреди извор]Во 1918 година, селото станало самостојна општина, чиј атар зафаќал површина од 23 квадратни километри.[2] Општината Микровалто била приклучена во општината Камбуница во 1997 година, која била укината во 2011 година и станала дел од поголемата општина Серфиџе.
Селото припаѓа на општинската единица Камбуница со седиште во селото Трановалто, која припаѓа на поголемата општина Серфиџе, во округот Кожани. Воедно, селото е дел од општинскиот оддел Микровалто, во кој е единствено село.
Наводи
[уреди | уреди извор]- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 2,2 2,3 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 321–322.
- ↑ Михајловски, Роберт, уред. (2017). Етнографска карта на Битолскиот вилает (PDF). Каламус. стр. 59.
- ↑ Σπανός, Κώςτας. "Η απογραφή του Σαντζακίου των Σερβίων", in: "Ελιμειακά", 2001, 48-49.
| ||||||||||||||||||||||