Лорен Бекол

Лорен Бекол (англиски: Lauren Bacall) (16 септември 1924, Бруклин, Њујорк, САД - 12 август 2014, Њујорк, САД) - американска филмска глумица.

Л. Бекол во Нормандија, Франција, 1989 г.

Животопис

Лорен Бекол им се обраќа на американските војници во Втората светска војна.

Бекол е родена како Бети Џоан Перске (Betty Joan Perske), на 16 септември 1924 година во Бруклин, Њујорк, во семејство на еврејски имигранти од Романија и Полска. Во 1945 година, таа се омажила со Хемфри Богарт, со кого останала во брак 12 години, до неговата смрт.

Фотографија на Бекол во армиското списание „Yank, the Army Weekly“, 1944 г.

Филмска кариера

Бекол во филмот „Запишано на ветрот“, 1956 г.

Благодарение на убавината, Бекол ја започнала кариерата како модел, а подоцна била забележана од режисерот Хауард Хокс, кој ѝ ја доделил главната улога во филмот „Да се има и да се нема“, во кој таа глумела покрај славниот Хемфри Богарт. Потоа, заедно ги снимиле и филмовите: „Длабок сон“, „Мрачен премин“ и „Островот Ларго“, а Бекол играла и во филмот „Како да се омажиш за милионер“, заедно со Мерилин Монро. Во 2009 година, Бекол била наградена со почесен „Оскар“.

Бекол во филмот „Како да се омажиш за милионер“, 1953 г.

Бекол и Богарт во филмот „Да имаш и да немаш“, 1944 г.

Бекол и Богарт во филмот „Мрачниот премин“, 1947 г.