Грб на Ангола

Грб на Ангола
Подробно
Грбоносец	Ангола
Усвоен	2 ноември 1990

Грбот на Ангола е националниот грб или амблем на оваа африканска држава, кој го претставува скорешното минато на државата. Грбот е направен по марксистичката идеологија, додека во минатото државата имала друг грб кој ја симболизирал нацијата.

Грбот е составен од вкрстени мачета и мотика на сина позадина над која има петокрака, а во позадината има изгрев на сонце. Околу овие елементи има венец од половина клип и половина листови од кафе и памук. На дното има отворена книга, а под книгата лента со натпис „Република Ангола“ на португалски јазик.

Мачетата и мотиката ја претставуваат револуцијата преку која се стекнала независноста на државата и важноста на индустријата. Петокраката го симболизира социјализмот, додека сонцето е симбол на нов почеток. Клипот ја симболизира индустријата, додека памукот и кафето земјоделството. Книгата симболизира образование.

Историски грбови

• 
  Грб на Португалска Западна Африка од 8 мај 1935 до 11 јуни 1951.
• 
  Грб на Португалска Западна Африка од 11 јуни 1951 до 11 ноември 1975.
• 
  Мала верзија на грбот од 8 мај 1935 до 11 ноември 1975.

Поврзано

• Ангола
• Знаме на Ангола

Надворешни врски

• Грб на Ангола Архивирано на 21 август 2008 г.