Германски универзитет во Каиро
Германскиот универзитет во Каиро — непрофитен приватен универзитет во градот Каиро, Египет. Универзитетот бил основан во 2002 година според законот на Египет и е главно поддржан од партнерските универзитети Улм и Штутгарт, Германската академска служба за размена (DAAD), државата Баден-Виртемберг и Германското сојузно министерство за образование и истражување.[1]
Јазикот на наставата е англиски, а програмите се акредитирани во Германија и во Египет. Со повеќе од 10.000 студенти, Универзитетот е најголемата транснационална образовна институција.[2]
Кампусот на Универзитетот во југоисточниот дел на Каиро опфаќа вкупно 577.000 м².[1]
Наставата на Универзитетот е поделена на следниве факултети: Информатичко инженерство и технологија, Медиумско инженерство и технологија, Инженерство и материјали, Технологија за управување, фармација и биотехнологија, применета науки и уметности, правни студии и постдипломски студии и научно истражување.[3]
Универзитетот е независен и самоуправувачки врз основа на својата повелба: Одборот на доверители е задолжен за основен надзор, а независно, Универзитетскиот совет го советува претседателот на универзитетот или потпретседателите за академски прашања. Двата комитети се екипирани со личности од Германија и Египет.
Надворешна перцепција
[уреди | уреди извор]По повод 15-годишниот јубилеј, Германската академска служба за размена го признава Универзитетот како „извонреден пример“ за транснационално образование и како еден од „најголемите и најпрестижните универзитети во регионот“. Универзитетот се залага за „Транснационално образование, направено во Германија, кое успешно воспостави независен партнерски пристап низ целиот свет, од кој двете страни имаат корист.“ [4]
Германското сојузно министерство за образование и истражување ја гледа Универзитетот, пред сè, во континуитетот на германско-египетската образовна соработка.
За време на „Арапската пролет“ и промената на режимот во Египет се одржале протести во Универзитетот.[5]
Надворешни врски
[уреди | уреди извор]- Официјално мрежно место
- www.guc-berlin.de Архивирано на 4 мај 2019 г. Германски универзитет во Каиро, кампус Берлин (англиски)
Наводи
[уреди | уреди извор]- ↑ 1,0 1,1 „German University in Cairo - About GUC“. Посетено на 2019-03-19.
- ↑ „15 Jahre GUC: Wo stehen wir, wo wollen wir hin? Die deutsche Perspektive. - DAAD - Deutscher Akademischer Austauschdienst“. Посетено на 2019-03-19.[мртва врска]
- ↑ „German University in Cairo - Faculties“. Посетено на 2019-03-19.
- ↑ „15 Jahre Deutsche Universität in Kairo - DAAD - Deutscher Akademischer Austauschdienst“. Посетено на 2019-03-19.
- ↑ Unterstützung der German University in Cairo durch die Bundesregierung.