Titanium
Titanium adolah sabuah unsua kimia dalam tabel periodik nan mamiliki simbol Ti jo nomor atom 22. Unsua iko marupoan logam transisi nan ringan, kuek, bakilau, tahan karat (tamasuak tahan terhadap aia lauik, aqua regia, jo klorin) nan bawarna putiah-metalik-keperakan.
Titanium ditamukan di Cornwall, Karajaan Britania Raya pado taun 1791 dek William Gregor nan dinamoi dek Martin Heinrich Klaproth dari mitologi Yunani Titan. Elemen iko ado di antaro deposit-deposit berbagai mineral, diantaronyo rutile jo ilmenit, nan banyak tadapek pado karak bumi jo litosfer, sarato pado hampia sadoalah makhluk iduik, batuan, aia, jo tanah.[1] Logam iko diekstrak dari bijih mineralnyo malalui proses Kroll atau proses Hunter. Senyawanyo nan paliang umum, titanium dioksida, adolah fotokatalisator umum nan digunoan dalam pambuatan pigmen putiah. Senyawa lainnyo adolah titanium tetraklorida (TiCl4), komponen layar asok jo katalis; jo titanium triklorida (TiCl3), digunaoan sabagai katalis dalam produksi polipropilena.
Titanium dapek digunoan sabagai aloi jo basi, aluminium, vanadium, jo molybdenum, untuak mamproduksi aloi nan kuek namun ringan untuak penerbangan (masin jet, misil, adan wahana antariksa), militer, proses industri (kimia jo petrokimia, pabrik desalinasi, pulp, jo karateh), otomotif, agro industri, alat kedokteran, implan ortopedi, pakakeh jo instrumen dokter gigi, implan gigi, pakakeh olahraga, perhiasan, telepon genggam, sarato masih banyak aplikasi lainnyo.[1]
Duo sifek nan paliang baguno pado titanium adolah katahanan karat jo rasio kakuatan terhadap densitasnyo nan paliang tinggi di antaro sadoalah logam lain.[2] Pado kondisi murni, titanium samo kuek jo babarapo baja, tatapi labiah ringan.[3] Ado duo bantuak alotropi jo limo isotop alami dari unsua iko, 46Ti sampai 50Ti, jo 48Ti adolah nan paliang banyak tadapek di alam (73,8%).[4] Maskipun mamiliki jumlah elektron valensi jo barado pado golongan tabel periodik nan samo jo zirkonium, kaduonyo mamiliki banyak pabedaan pado sifek kimia jo fisika.
Senyawa
[suntiang | suntiang sumber]
Bilangan oksidasi 4 mandominasi unsua titanium,[5] tatapi senyawa pado bilangan oksidasi 3 banyak juo ditamukan.[6] Umumnyo, titanium mampunyoi geometri koordinasi oktahedral pado kompleksnyo, tatapi TiCl4 nan tetrahedral adolah pangacualian. Karano bilangan oksidasinyo tinggi, senyawa titanium(IV) mamiliki sifek ikatan kovalen tinggi. Indak saparti logam transisi lain, kompleks aquo Ti(IV) indak dikatahui.
Oksida, sulfida, dan alkoksida
[suntiang | suntiang sumber]
Oksida nan paliang paralu adolah TiO2, nan ado pado 3 polimorf; anatase, brookite, dan rutile. Katigonyo adolah padatan diamagnetik warna putiah, meski ado babarapo sampelnya bawarna galok (lihat rutile).
Titanat biasonyo marujuak ka senyawa titanium(IV), saparti barium titanat (BaTiO3). Jo struktur perovskite, material iko mamiliki sifek piezoelektrik nan digunoan sabagai transduser pado interkonversi suaro jo kalistrikan.[7] Banyak mineral marupoan titanat, saparti ilmenit (FeTiO3). Safir bintang jo rubi mamiliki sifek asterisme dari adonyo titanium dioksida didalamnyo.[8]
Babarapo macam oksida tareduksi dari titanium alah dikatahui. Ti3O5 adolah semikonduktor warna ungu nan diproduksi dari reduksi TiO2 jo hidrogen pado suhu tinggi,[9] nan digunoan pado industri katiko ado permukaan nan paralu di-vapour-coated jo titanium dioksida: akan manguap sabagai TiO murni, sadangkan TiO2 manguap sabagai campuran oksida jo palapisan deposit jo indeks refraktif nan bavariasi.[10] Juo senyawa nan dikana adolah Ti2O3, jo struktur karborundum, jo TiO.
Alkoksida dari titanium(IV), dibuek jo caro mareaksikan TiCl4 jo alkohol, adolah senyawa indak bawarna nan ka barubah manjadi dioksida katiko direaksikan jo aia. Dalam industri hal iko baguno untuak mandapekan padatan TiO2 via proses sol-gel. Titanium isopropoksida digunoan dalam sintesis senyawa organik kiral malalui proses sharpless.
Titanium mambantuak babagai macam varietas sulfida, tatapi hanyo TiS2 nan menarik perhatian. Senyawa iko digunoan sabagai katode dalam pangambangan baterai litium. Karano Ti(IV) adolah "kation barek", sulfida titanium indak stabil jo candaruang tahidrolisis jo caro malapehan hidrogen sulfida.
Rujuakan
[suntiang | suntiang sumber]- ↑ a b "Titanium". Encyclopædia Britannica. 9 Nopember 2006. http://www.britannica.com/eb/article-9072643/titanium. Diakses pado 29 Desember 2006.
- ↑ Donachie, Matthew J., Jr. (1988). TITANIUM: A Technical Guide. Metals Park, OH: ASM International. p. 11. ISBN 0-87170-309-2.
- ↑ Barksdale 1968, p. 738
- ↑ Barbalace, Kenneth L. (2006). "Periodic Table of Elements: Ti – Titanium". Diakses tanggal 30 April 2021.
- ↑ Greenwood 1997, p. 958
- ↑ Greenwood 1997, p. 970
- ↑ "Titanium". Columbia Encyclopedia (edisi ke-6th). New York: Columbia University Press. 9 Nopember 2006. ISBN 0-7876-5015-3. http://www.answers.com/Titanium. Archived 2011-11-18 di Wayback Machine. "archive copy". Diarsipkan dari versi asli tanggal 2011-11-18. Diakses tanggal 2021-04-30.
- ↑ Emsley 2001, p. 453
- ↑ Liu, Gang; Huang, Wan-Xia; Yi, Yong (26 June 2013). "Preparation and Optical Storage Properties of λTi3O5 Powder". Journal of Inorganic Materials (dalam bahasa Chinese). 28 (4): 425–430. doi:10.3724/SP.J.1077.2013.12309.
- ↑ Bonardi, Antonio; Pühlhofer, Gerd; Hermanutz, Stephan; Santangelo, Andrea (2014). "A new solution for mirror coating in $γ$-ray Cherenkov Astronomy". Experimental Astronomy. 38: 1. arXiv:1406.0622
. Bibcode:2014ExA....38....1B. doi:10.1007/s10686-014-9398-x.
Daftar pustaka
[suntiang | suntiang sumber]- Emsley, John (2001). "Titanium". Nature's Building Blocks: An A-Z Guide to the Elements. Oxford, England, UK: Oxford University Press. ISBN 978-0-19-850340-8. https://books.google.com/books?id=j-Xu07p3cKwC.