Tata Surya

Gambaran umum Tata Surya (Ukuran planet bagamba sasuai skala, sadangkan jaraknyo alun): Matoari, Merkurius, Venus, Bumi, Mars, Ceres, Jupiter, Saturnus, Uranus, Neptunus, Pluto, Haumea, Makemake dan Eris.

Tata Surya adolah kumpulan bando langik nan tadiri dari sabuah bintang nan disabuik Matoari dan sadonyo objek nan tarikek dek gaya gravitasinyo, nan barado pado sabuah Galaksi. Objek-objek tasabuik tamasuak dalapan unit planet nan alah dikatahui baorbit babantuak elips, limo planet katai/planet kerdil, 173 satelit alami nan alah diidentifikasi, basaroto jutaan bando langik (meteor, asteroid, komet) lainnyo.

Badasarkan jaraknyo dari Matoari, kadalapan planet Tata Surya iyolah Merkurius (57,9 juta km), Venus (108 juta km), Bumi (150 juta km), Mars (228 juta km), Jupiter (779 juta km), Saturnus (1.430 juta km), Uranus (2.880 juta km), dan Neptunus (4.500 juta km). Kudian kaâmpek planet tadalam, iyolah Merkurius, Venus, Bumi, dan Mars marupoan planet kabumian nan tadiri ateh batuan jo logam. Samantaro tu, kaâmpek planet taluar iyolah planet raksasa nan jauah labiah gadang dari planet kabumian. Duo planet tabosegh, iyolah Jupiter dan Saturnus iyolah planet raksasa gas nan sabagian godang tadiri ateh hidrogen jo helium. Duo planet lainnyo, Uranus dan Neptunus, iyolah planet es raksasa nan tadiri ateh sanyawa jo titiak leleh labiah tenggi dari hidrogen dan helium, disabuik senyawa volatil ajak aia, amonia, dan metana.

Sojak partangahan 2008, ado limo objek angkaso nan diklasifikasikan sabagai planet katai. Orbit planet-planet katai, kacuali Ceres, barado labiah jauah dari Neptunus. Kalimo planet katai tasabuik iyolah Ceres (415 juta km. pado sabuk asteroid; dulunyo diklasifikasikan sabagai planet kalimo), Pluto (5.906 juta km.; dulunyo diklasifikasikan sabagai planet kasambilan), Haumea (6.450 juta km), Makemake (6.850 juta km), dan Eris (10.100 juta km).

Anam dari kadalapan planet dan tigo dari kalimo planet katai tu dikalilingi dek satelit alami. Masiang-masiang planet bagian lua dikalilingi dek cincin planet nan tadiri dari dobu dan partikel lain.

Struktur

Parbanding relatif massa planet. Jupiter iyolah 71% dari total dan Saturnus 21%. Merkurius dan Mars, total basamo nan hanyo kurang dari 0.1% indak tampak pado diagram di ateh.

Orbit-orbit Tata Surya jo skala nan sasungguahnyo

Illustrasi skala

Pautan lua

• (Indonesia) Sebuah applet yang menunjukkan lokasi pada saat ini bintang-bintang dan planet-planet di langit malam. Archived 2009-12-12 di Wayback Machine.
• (Indonesia) Mengenal Tata Surya dan Proses Pembentukannya
• (Inggirih) Animasi interaktif planet-planet (145 tingkat zoom dan sejumlah efek waktu)
• (Inggirih) solarviews.com, tampilan multimedia Tata Surya.
• (Inggirih) Simulator Tata Surya milik NASA